Sélimɛ 9:3 - Sénoufo Nyarafolo

³ «Kɛnmɛ bíì nɛ̄ mi yé dàala yaliire nɛ́ tiire yasɛnrɛ ti mìɛni kɛn yeli mɛ́ wè, kire kɛnmɛ nɛ̄ míɛni m'bé yawiire ti mìɛni kɛn yeli mɛ́. Yɛlɛ ó yɛlɛ nī sìi nɛ̄ níɛ nyaari wè, ti‑ puu kaara yeli mɛ́.

Sélimɛ 9:3 Iomraidhean Croise

Sélimɛ 9:2

Gàa ki 'yawiire ti mìɛni kúɔ dè, nɛ́ yafinide ní dè, nɛ́ yafulolido ní dè, nɛ̄ fàri fúɔlɔ nɛ̄ bèle, ti béri fìʔɛ́ kpuʔɔ yeli kɛnmɛ nɛ̄; mi 'ti mìɛni kɛn yeli mɛ́ yeli ye bé puu ti kàfɔlilɔ bèle.

Leviiyé 22:8

Wi fǎga yawiʔi káà kaara káaʔ gàa ki 'kùu kìimɛ gèʔ, kire ga laa gàa nyàʔayɛgɛ káà 'kpúu gèʔ, bè wìi núʔɔ nɛ́ ki níʔ. Mi yē Yewe.

Wurɔmiyé 14:14

Bè mi yaʔa pínɛnyɛnigɛ nɛ̄ nɛ́ Kàfɔli Zezi ní wè, mi 'tɛ́ngɛ ki nɛ̄, mi cɛ wè káala ti nɛ̄ʔ, dí yakaa wè núʔɔgɔ kire tíimɛ gèʔ. Fúɔ macɛn siɛn ŋáà wi sî ki sɔ̀ngi níɛ̀ jo yɛgɛ kiī núʔɔgɔ gè, wire mɛ́ ki yɛgɛ ki nɛ̂ puu núʔɔgɔ.

Wurɔmiyé 14:17

Nɛ̀ taʔa gíi nɛ̄, Kulocɛliɛ Kùlofɔligɔ gè, yaliimɛ nɛ́ yagbuɔmɔ bɛ̀ʔ; ki 'nyaa sínmɛ, nɛ́ yanyige, nɛ́ fundaanra, tire Kulocɛliɛ Pìle niī nɛ kanʔa.

Wurɔmiyé 14:20

Fǎga tí bé Kulocɛliɛ baara cúʔɔ dè yaliire kɛnmɛ nɛ̄ʔ. Kányiʔɛ gī, yaliire ti mìɛni yē cìilide Kulocɛliɛ mɛ́ wè, nɛ̀ sí ki taa a ti lìige ki 'kpíʔile kaala nɛ́ wàa kɛn a wi 'kúrugo nɛ̀ tuu wè, ki 'kò kapiile wī.

Wurɔmiyé 14:3

Ŋàa wi nyɛ́ni yaliire felide ti mìɛni líi dè, wi fǎri ŋìi cúɔnnɔ wèʔ, ŋàa wi wè kaara káa dèʔ. Nɛ̀ pínɛ ŋàa wi wè yaliire felide ti mìɛni líi dèʔ, wi fǎri ŋìi nyu wèʔ, ŋàa wi nyɛ́ni ti mìɛni líi dè. Nɛ̀ taʔa gíi nɛ̄, Kulocɛliɛ wiī wi mɛ́.

Korɛntiyé 1 10:23

Kele ke mìɛni ke bé gbɛ̀ kpíʔile, nɛ̀ sí ki taa ke mìɛni kiyè yɛliʔ. Kele ke mìɛni ke bé gbɛ̀ kpíʔile, nɛ̀ sí ki taa ke mìɛni wè nɛ ŋɔri kanʔa siɛn mɛ́ tɛ́ngɛlɛ nī lèʔ.

Korɛntiyé 1 10:31

Kire nɛ̄, a yeli nɛ líi yo, a yeli nɛ gbun yo, yɛgɛ ó yɛgɛ yeli nɛ kpínʔini gè, yeri ki mìɛni kpínʔini yeri kpuʔɔrɔ tari Kulocɛliɛ wire nɛ̄.

Fànʔa Kajuʔulo 12:15

Kire nɛ́ ki míɛni muɔ bé gbɛ̀ jáa bè yajuuro táà kpúu bè káa majo kɛnmɛ báà pi 'muɔ dɛ́ni bè tiʔɛ gíì nī muɔ yē tɛ́niwɛ wè, nɛ̀ yɛli nɛ́ kɛnmɛ báà ní Yewe muɔ Kulocɛliɛ wi nyɛ́nì diba taʔa wè muɔ nɛ̄ wè. Siɛn ó siɛn bé gbɛ̀ ti káa a wi cɛni yē núʔɔwɔ Yewe yiʔɛ mɛ́ gè yo, nɛ́ ŋìi wī cìiliwe yo, wi bé gbɛ̀ ti káa, majo bɛ̀ yeli 'dàli nɛ nyàʔayɛrɛ kaara káa dè, wóliwo kaara dè nɛ́ sùɔ kaara ní dè.

Kolɔsiyé 2:16

Kire kɛnmɛ nɛ̄, ye fǎga tí bé siɛn yaʔa wi- yeli cɔ̀ri yakaʔa kɛnmɛ nɛ̄ʔ, á kire 'laa yagbuʔɔ kɛnmɛ nɛ̄ʔ, kàajaa pùrɔrɔ táà kɛnmɛ nɛ̄ʔ, á kire 'laa yevɔnyɔ cɛnyɛ kɛnmɛ nɛ̄ʔ, bé nɛ́ ga jo cɛndɛniyɛ kɛnmɛ nɛ̄ʔ.