Sélimɛ 9:2 - Sénoufo Nyarafolo

² Gàa ki 'yawiire ti mìɛni kúɔ dè, nɛ́ yafinide ní dè, nɛ́ yafulolido ní dè, nɛ̄ fàri fúɔlɔ nɛ̄ bèle, ti béri fìʔɛ́ kpuʔɔ yeli kɛnmɛ nɛ̄; mi 'ti mìɛni kɛn yeli mɛ́ yeli ye bé puu ti kàfɔlilɔ bèle.

Sélimɛ 9:2 Iomraidhean Croise

Sélimɛ 1:21

A Kulocɛliɛ wi 'luɔyɔ yawiire ti mìɛni faan: yawiikpolido dè, nɛ́ yawiire ní dè dàa dī nìʔɛrɛ dè, ti de nyaari de mári luɔyɔ nī yè nɛ̀ yɛli nɛ́ ti feliye ní yè, nɛ́ yafinide ní dè nɛ̀ yɛli nɛ́ ti feliye ní yè. A Kulocɛliɛ wi 'ki nyaa a ki 'nyuɔ.

Sélimɛ 1:26

A Kulocɛliɛ wi sí ń'nɛ̀ jo: «We‑ siɛn faan wi‑ puu weli líɛrɛ, wi‑ puu bɛ̀ weli tíɛlɛ. Siɛn wi‑ puu yawiire ti mìɛni nyùgo nɛ̄: fúɔlɔ bèle nɛ́ yafinide ní dè, nɛ́ yajuuro ti mìɛni ní, nɛ̀ fàri yafulolido ti mìɛni nɛ̄ dàala nɛ̄ lè, wi‑ puu dàala ni mìɛni kàfɔli.»

Sélimɛ 1:28

A Kulocɛliɛ wi 'diba taʔa wè pe nɛ̄ nɛ́ jo: «Yeri sii ye niʔɛ, ye‑ dàala le lè ni‑ nyì, ye‑ puu dàala ni kàfɔlilɔ yeri ni kàrigí. Ye‑ puu fúɔlɔ pe nyùgo nɛ̄, nɛ́ yafinide ti mìɛni ní nɛ́ yawiire dáà ti nyaari dàala nɛ̄ lè.»

Sélimɛ 2:19

Bà Yewe Kulocɛliɛ wi cé tárigɛ líɛ nɛ̀ nyàʔa yawiire ti mìɛni faan nɛ́ yafinide ní dè, a wi 'ti mìɛni tórigo nàguɔ mɛ́ wè, bè ki wéli kɛnmɛ bíì nɛ̄ wi bé ti míɛyɛ le yè. Míʔɛ ó míʔɛ nàguɔ wi yé le yawiʔi ó yawiʔi nɛ̄, a kire 'kò ti mìɛni míɛyɛ yè.

Sélimɛ 35:5

Bà pe 'yɛ̀ nɛ̀ koligo líɛ gè nɛ waa wè, a Kulocɛliɛ wi 'fíɛgbuɔrɔ cáan kàsɛnyɛ siɛnnɛ nɛ̄ bèle, bàli pe 'puu baa pe táanni bèle, kire ga buu pe wàa fǎga yɛ̀ bè taʔa Yakuba jaala nɛ̄ bèleʔ.

Sélimɛ 9:1

A Kulocɛliɛ wi 'diba taʔa wè Nɔwe nɛ́ wi jaala nɛ̄ bèle, nɛ́ jo: «Yeri sii ye niʔɛ, ye‑ dàala le lè ni‑ nyì.

Sélimɛ 9:3

«Kɛnmɛ bíì nɛ̄ mi yé dàala yaliire nɛ́ tiire yasɛnrɛ ti mìɛni kɛn yeli mɛ́ wè, kire kɛnmɛ nɛ̄ míɛni m'bé yawiire ti mìɛni kɛn yeli mɛ́. Yɛlɛ ó yɛlɛ nī sìi nɛ̄ níɛ nyaari wè, ti‑ puu kaara yeli mɛ́.

Leviiyé 26:22

M'bé nyàʔayɛrɛ líʔi de bè wáa yeli nɛ̄. Ti béri yeli pìile kpúu bèle, béri yeli yajuuro cògí dè. Ti bé kàa yige yeli nī fúɔ bè taa yeli koliyo yi bé kò waʔanɛ.

Leviiyé 26:6

M'bé yanyige kɛn gè kùlo nī lè; yeli bé sínɛ pìlige nī gè, fíɛgbuɔrɔ sǐ ga tíi yeli còʔ. Mi bé nyàʔayɛrɛ sìpiire ti mìɛni yige kùlo nī lè; leguuwo wi kapiɛngbuɔn ŋɔsii wiǐ sùuri yeli kùlo nī lèʔ.

Zaki 3:7

Siɛn wi 'jáa nɛ nyàʔayɛrɛ ti mìɛni gbún nɛ ti kàrigí, sínjapigele gèle, yafulolido dè, luʔɔ yɛrɛ dè. A wi sí tɔ̀ni nɛ̀ jáa nɛ ti gbún nɛ ti kàrigí.