Sélimɛ 5:3 - Sénoufo Nyarafolo

³ Bà Adama wi 'yiʔɛlɛ tekɔlini nɛ́ kpɔrigɔ (130) taa wè, a wi 'nàgabile sii bɛ̀ wìi tíɛlɛ nɛ̀ yɛli nɛ́ wi líɛrɛ ní dè. A wi 'wi míʔɛ le gè nɛ wi yeri Sɛti.

Sélimɛ 5:3 Iomraidhean Croise

Sélimɛ 4:25

A Adama ń'nɛ̀ wi cuɔ cɛ́n wè cɛliwɛ, a wi 'nàgabile sii. A Awa 'wi míʔɛ le gè nɛ wi yeri Sɛti, ki kɔri wire wī: «Kulocɛliɛ ń'nɛ̀ siimɛ páà kɛn m'mɛ́ Abɛli sìndiʔɛ nī gè, ŋàa Kayɛn cé kpúu wè.»

Sélimɛ 5:2

a wi 'pe faan nàguɔ nɛ́ cɛliwɛ. Cɛngɛ gíì wi yé pe faan bèle, a wi 'diba taʔa wè pe nɛ̄ nɛ́ pe míɛyɛ le yè nɛ pe yeri siɛnnɛ.

Sélimɛ 5:4

Sɛti siile kàduʔumɛ gè, a Adama wi ń'nɛ yiʔɛlɛ sirasicɛri (800) taa, nɛ́ nɛ́ nàgabigele nɛ́ pìcapigele sii.

Ŋúnuyɔ 51:5

Nɛ́ ki cɛ́n mi nyɛ́nì yéri mi tuudiʔɛlɛ nɛ̄ lè; mi kapiile niī mi yiʔɛ mɛ́ lɛ̀lɛ ó lɛ̀lɛ nī.

Luku 1:35

A nyìʔɛnɛ tundunwɔ wi 'wi yɛ: «Kulocɛliɛ Pìle ni bé pɛn muɔ mɛ́, dí Kulocɛliɛ ŋáà wī Duniya wi Mìɛni Nyùgo nɛ̄ gè, wi fànʔa ki nyúmɔ pi sí tɔ́n muɔ nɛ̄. Kire nɛ̄ pùɔ ŋáà wi bé sii wè, wi bé puu siɛnciiliwe tiɛlɛ fùn, pe béri wi yeri Kulocɛliɛ Jaa.

Luku 3:36

Sela tuu wè pe 'puu nɛ wi yeri Kayinami. Kayinami tuu wè pe 'puu nɛ wi yeri Aripakisadi. Aripakisadi tuu wè pe 'puu nɛ wi yeri Sɛmi. Sɛmi tuu wè pe 'puu nɛ wi yeri Nɔwe. Nɔwe tuu wè pe 'puu nɛ wi yeri Lamɛki.

Zezi Kirisi Kataanna Siɛnrɛ dè Zan juumɔ nɛ̄ bè 3:6

«Siɛn ŋíì lewiile 'sii wè, wire yē siɛn wī; ŋìi sí wi 'sii Kulocɛliɛ Pìle fànʔa nɛ̄ gè, wire yē pìle wī.

Wurɔmiyé 5:12

Bɛ̀ ki 'nyaa kapiile ni 'jíin duniya nī wè siɛn nigbe kɛnmɛ nɛ̄ bè, á kùu míɛni wi 'jíin kapiile kɛnmɛ nɛ̄ bè, a kire 'ki kɛn a kùu wi 'nɔ̀ siɛnnɛ pe mìɛni nɛ̄, nɛ̀ taʔa gíi nɛ̄, siɛnnɛ pe mìɛni nyɛ́nì kapiile kpíʔile.

Korɛntiyé 1 15:39

Céri táà sì wúɔ nɛ́ tàa níʔ. Ki 'nyaa tàa yē siɛnnɛ céri, tàa yē yajuuro céri, tàa yē sínjinʔɛnɛ céri, tàa yē fúɔlɔ céri.

Korɛntiyé 1 15:49

Bɛ̀ sí weli yē puuro wuu wi líɛrɛ dè, bɛ̀ míɛni weli bága puu nyìʔɛnɛ wuu wi líɛrɛ bè pínɛ.

Efɛziyé 2:3

Weli we mìɛni bèle, bɛ̀ weli 'puu nɛ̀ pínɛ pe tíɛlɛ. Weli 'puu nɛ weli sìi tári wè nɛ weli ladaanma kele kúu gèle. A gìi cé weli dɛ́ni weli cetinnɛ kɔli mɛ́ gè nɛ́ weli sɔ̀ngirɔ nī dè, kire weli 'puu nɛ kpínʔini. A kire sí ki kɛn, nɛ̀ yɛli nɛ́ weli kɛnmɛ ní bè, kàyuʔu gáà Kulocɛliɛ wi je ga juu bìli nɛ̄ bèle, kire ki cé yɛli nɛ́ weli ní nɛ̀ pínɛ.