Sélimɛ 4:2 - Sénoufo Nyarafolo

² A wi ń'nɛ̀ laala láà taa nɛ́ Kayɛn cɔni Abɛli sii wè. A Abɛli pɛ́nì kò sìnbanaʔawa, á Kayɛn 'kò tàfaliwɛ.

Sélimɛ 4:2 Iomraidhean Croise

Sélimɛ 3:23

A Yewe Kulocɛliɛ 'fali nɛ̀ pe cìra kákpuɔ nī gè, kire ga buu pe sari dàala fáli lè nàa nī wi cé pe yige wè.

Sélimɛ 37:13

a Isirayɛli 'ki juu Yusufu mɛ́ wè nɛ́ jo: «Muɔ lɔbilɔ piyè kɛ́ lé Sikɛmi mɛ́, bàa yajuuro náʔa dè ? Kire nɛ̄, tí mi‑ muɔ tun baa pe mɛ́.» A Yusufu 'jo: «Mi 'ti lúʔu.»

Sélimɛ 4:1

A nàguɔ wi 'wi cuɔ Awa cɛ́n wè cɛliwɛ, a wi 'laala taa nɛ̀ Kayɛn sii. A Awa 'jo: «Mi nyɛ́nì nàgabile taa Yewe barigɛ nī.»

Sélimɛ 4:3

A lɛ̀lɛ láà ga pɛ́nì kúɔ wè, a Kayɛn wi 'siʔi yaliire táà kɔ̀n nɛ̀ sɛ́nì Yewe gbùʔɔrɔ nɛ́ ki yakɛnrɛ ní dè.

Sélimɛ 47:3

A Farawɔn wi 'Yusufu lɔbilɔ yúgo bèle: «Gáa baara yeli nɛ kúu ?» A pe 'wi yɛ: «Muɔ baakuɔlɔ piyē yajuunaʔana, bɛ̀ weli tobilo tíɛlɛ bèle.»

Sélimɛ 9:20

Nɔwe 'puu tàfaliwɛ; wire wi séli nɛ̀ ɛrɛzɛn siʔi fáli gè.

Ŋúnuyɔ 127:3

Ki n'gɛ, pìile piyē kɔrigɔ gáà ki kɔ́ngi Yewe mɛ́ wè, ʔaan siimɛdɛngɛ yasɛnrɛ tiī siɛn wi tɔ̀ni.

Yirile 3:1

Misa wi 'puu nɛ wi cuɔ tuu Zeturo síkaala nɛ́ sìnbaara nári dè. Zeturo wire wi 'puu Madiyan kùlo kacuɔnriwɔ wè. A wi 'kɛ́ nɛ́ yajuuro ní dè fúɔ waama tiʔɛ kàduʔu mɛ́ gè, a wi sɛ́nì nɔ̀ Worɛbi nyagurugo nɛ̄ gè, gàa pe 'puu nɛ yeri Kulocɛliɛ nyagurugo gè.

Luku 11:50

Kire nɛ̄ Kulocɛliɛ siɛnjuulo bálì pe mìɛni pe 'kpúu bèle, nɛ̀ tíi nɛ̀ ki líɛ baa duniya wi sélimɛ nɛ̄ bè, Kulocɛliɛ wiǐ ga pe yaʔa sìnyugo nīʔ yirile náà wuulo bèleʔ,

Luku 11:51

nɛ̀ ki líɛ Abɛli kpúʔu nɛ̄ gè fúɔ nɛ̀ sɛ́nì nɔ̀ Zakarii kpúʔu nɛ̄ gè, bɛ̀ pe cé wi kpúu gbùʔɔrɔdiʔɛ nɛ́ Kulocɛliɛ Kòridiʔɛ sunʔɔmɔ ní bè wè. ʔaan, m'bé ki juu yeli mɛ́, ki kàyuʔu kiì je ga kò ga kiì juu pàngɛ siɛnnɛ nɛ̄ bèleʔ.

Zezi Kirisi Kataanna Siɛnrɛ dè Zan juumɔ nɛ̄ bè 8:44

Gbòdolilo kàfɔli wī yeli tuu wè, nɛ̀ pínɛ wire kanɛdanʔana kpíʔile láa gī yeli nɛ̄. Wire wī siɛnkpuuwo wè, bà ki 'líɛ baa sélimɛ nɛ̄ bè. Nɛ̀ pínɛ wi wè nɛ yèrí kányiʔɛ nɛ̄ʔ, nɛ̀ taʔa gíi nɛ̄, kányiʔɛ wè wi mɛ́ púloʔ. A wi gbɛ́ni nyu níɛ finɛnɛ wè, wi nìɛ ki kpínʔini bɛ̀ wi kaliɛmɛ nɛ̄ bè; kire sí nyɛ́nì taa bɛ̀ ki 'nyaa wiī káfinɛvinɛwɛ wè, nɛ́ ní káfinɛrɛ tuu wè.

Zan 1 3:10

Ki n'gɛ gàa ki 'Kulocɛliɛ pìile wàli bèle nɛ́ gbòdolilo kàfɔli wuulo ní bèle: ŋàa wi wè nɛ kasingele kpínʔini gèleʔ, kire ga laa, a wi siinyɛni sì wi dɛ́ni wèʔ, kire siɛn wè, wi wè Kulocɛliɛ pùɔʔ.

Zan 1 3:12

Kiì yɛli we- puu bɛ̀ Kayɛn tíɛlɛʔ, wire ŋáà wi 'puu Sìpiiwe wuu wè, á wi 'wi cɔni kpúu wè. Gáa sí nɛ́ wi cé wi kpúu ? Wi kakpiʔiligele ke cé pii wī, nɛ̀ ki yaʔa wi cɔni wuʔulo keli cé sín.

Zan 1 3:15

Siɛn ŋáà wi siinyɛni wi 'wi biɛn wè, wire yē siɛnkpuuwo; yeli nyɛ́nì ki cɛ́n bànguɔ sìi wi wè kòriwo siɛnkpuuwo nī wèʔ.