Sélimɛ 26:3 - Sénoufo Nyarafolo

³ ma lɛ̀lɛ láà kúɔ bile. M'bé puu nɛ́ muɔ ní, bè diba taʔa wè muɔ nɛ̄, nɛ́ ki cɛ́n muɔ nɛ́ muɔ siimɛ pire mɛ́ m'bé kùlogolo gálì kɛn gèle. Bà ki bé kpíʔile m'bé mi nyasiɛnrɛ fori dè, dàa mi yé kàli nɛ̀ kɛn muɔ tuu Birayima mɛ́ wè.

Sélimɛ 26:3 Iomraidhean Croise

Sélimɛ 12:7

A Yewe 'wìi tìɛ Birama nɛ̄, nɛ́ wi yɛ: «Muɔ siimɛ mɛ́ m'bé kùlo náà kɛn lè.» Tiʔɛ gíì nī Yewe 'wìi tìɛ Birama nɛ̄ wè, a Birama wi 'Yewe gbùʔɔrɔdiʔɛ káà faan nɛ́ yajuʔu káà kɔni nɛ̀ taʔa ki nɛ̄ nɛ̀ Yewe gbùʔɔrɔ wè baa, wire ŋáà wi yé wìi tìɛ wi nɛ̄ wè.

Sélimɛ 13:15

Nɛ́ ki cɛ́n kùlo náà muɔ nɛ nyaʔa nàa lè, m'bé ni mìɛni kɛn muɔ mɛ́ nɛ́ muɔ siimɛ ní bè lɛ̀lɛ ó lɛ̀lɛ.

Sélimɛ 13:17

Yɛ̀ maa kùlo tánʔana lè, ma ni nyaari ma wéli, ma ni kpúʔɔgɛnmɛ wéli bè, nɛ́ ki cɛ́n m'bé ni kɛn muɔ mɛ́.»

Sélimɛ 15:18

Kire cɛngɛ gè a Yewe 'nyakungɛngɛ kpíʔile Birama mɛ́, nɛ́ jo: «Mi 'kùlo náà kɛn lè muɔ siimɛ mɛ́ bè, nɛ̀ láʔa Ezipiti lakoligo nɛ̄ gè fúɔ nɛ̀ sɛ́nì nɔ̀ lakoligbuʔɔ nɛ̄ gè, cáʔa gáà pe yeri Efirati gè.

Sélimɛ 17:19

A Kulocɛliɛ 'jo: «ʔúnʔun: muɔ cuɔ Sara wire wī bé jaafɔli sii muɔ mɛ́. Muɔ bé wi míʔɛ le gè bèri wi yeri Siaga (ki kɔri wire wī: kátaanra pùɔ). M'bé ní koli mi nyakungɛngɛ siɛnrɛ nɛ̄ dè bè ti sɔ́migɔ juu nɛ́ wi ní, wire nɛ́ wi siimɛ wuulo ní bèle, gàa ki bé puu bànguɔ nyakungɛngɛ gè.

Sélimɛ 17:8

Kanaa kùlo náà nī muɔ tɛ́ni lè, lire náà nī muɔ 'puu nabɔnwɔ wè, m'bé ni mìɛni kɛn muɔ mɛ́, muɔ nɛ́ muɔ siimɛ wuulo ní bèle muɔ kàduʔumɛ gè; ni bé puu yeli woli lɛ̀lɛ ó lɛ̀lɛ nī. M'bé kò pe Kulocɛliɛ.»

Sélimɛ 20:1

Bà tire 'tóri dè, a Birayima kɛ́nì yɛ̀ nɛ̀ kɛ́ cɛngɛnyɛnifoligɔli mɛ́ gè, Nɛgɛvi waama kùlo nī lè, nɛ̀ sɛ́nì tɛ́ni Kadɛsi kàʔa nɛ́ Suri kàʔa sunʔɔmɔ ní bè; kire kàduʔumɛ a wi ń'nɛ̀ yɛ̀ nɛ̀ sɛ́nì tɛ́ni nɛ̀ lɛ̀lɛ láà kúɔ baa Gerari kàʔa nī gè.

Sélimɛ 25:11

A ki 'nyaa Birayima kùumɔ kàduʔumɛ gè, a Kulocɛliɛ wi 'diba taʔa wè wi jaa Siaga nɛ̄ wè. Siaga wire yé puu tɛ́niwɛ Laʔayi Woroyi kɔ̀lɔ táanni wè.

Sélimɛ 26:12

A Siaga 'siʔi fáli baa kùlo náà nī lè. Yatanʔara dáà wi yé tánʔa dè a ti sɔ́migɔ nɛ̀ nyuɔ fúɔ nɛ̀ taa ti feliye dabataan (100), nɛ́ ki cɛ́n Yewe cé diba taʔa wè wi nɛ̄.

Sélimɛ 26:14

Yajuuro 'puu wi mɛ́: nɛ̀toyo, sìnbatoyo, nɛ́ síkatoyo; nɛ́ baakuɔlɔ ní nìʔɛnɛ. A ki 'kò yejaʔa Filisiti siɛnnɛ mɛ́ bèle.

Sélimɛ 26:24

Kire pìlige nī gè, a Yewe 'wìi tìɛ wi nɛ̄ nɛ́ jo: «Mi wī muɔ tuu Birayima Kulocɛliɛ wè. Fǎga de fìʔɛ́ʔ, nɛ́ ki cɛ́n mi yē nɛ́ muɔ ní. M'bé diba taʔa wè muɔ nɛ̄, bè muɔ siimɛ niʔɛ bè, mi baakuɔwɔ Birayima wire kɛnmɛ nɛ̄.»

Sélimɛ 28:13

A wi 'ki nyaa Yewe wire tíimɛ 'puu yériwe naamɛ gè nɛ́ jo: «Mi wī Yewe wè, muɔ tuuliʔɛ Birayima Kulocɛliɛ wè, nɛ́ ní Siaga Kulocɛliɛ wè. Dàala náà nɛ̄ muɔ yē sínɛwɛ wè, m'bé ni kɛn muɔ mɛ́, muɔ nɛ́ muɔ siimɛ ní bè.

Sélimɛ 28:15

N'gɛ, mi tíimɛ yē nɛ́ muɔ ní. M'béri muɔ wéli tiʔɛ ó tiʔɛ nī muɔ nɛ waa wè, m'bé ní koli bè pɛn nɛ́ muɔ ní tiʔɛ gáà nī gè. Mi sǐ ga tíi muɔ yaʔaʔ fúɔ bè taa kele gálì mi 'juu gèle ke mìɛni ba kpíʔile.»

Sélimɛ 31:3

A Yewe wi ń'nɛ̀ juu nɛ́ Yakuba ní wè nɛ́ wi yɛ: «Koli mari waa muɔ tuu kùlo mɛ́ lè, muɔ narigɛ tiʔɛ nī gè, nɛ́ ki cɛ́n m'bé puu nɛ́ muɔ ní.»

Sélimɛ 35:12

Kùlo náà mi yé kɛn Birayima mɛ́ wè nɛ́ Siaga mɛ́ wè, m'bé ni kɛn muɔ mɛ́ nɛ́ muɔ siimɛ báà pi bága pɛn muɔ kàduʔumɛ gè.»

Sélimɛ 39:2

A ki pɛ́nì nyaa Yewe yē nɛ́ Yusufu ní wè, a kire ki 'yaʔa wi kele ke mìɛni 'puu nɛ nyuʔɔ. A wi 'kò baa wi kàfɔli Potifari kpáa nī gè, Ezipiti kùlo wuu wè.

Sélimɛ 39:21

A ki pɛ́nì nyaa, kire tiʔɛ míɛni nī gè, Yewe 'puu nɛ́ wi ní. A wi 'kacɛ̀ngɛ kpíʔile Yusufu mɛ́ wè, a Yewe 'ki yaʔa a Yusufu sí kpuʔɔrɔ taa kasuusaʔa kàfɔli mɛ́ wè.

Sélimɛ 48:21

A Isirayɛli sí ki juu Yusufu mɛ́ wè nɛ́ jo: «Ki 'kò cɛ̀ri m'bé kùu wī. Kulocɛliɛ wi bé puu nɛ́ muɔ ní. Wi bé yeli koli bè yeli tórigo baa yeli tobilo kùlo mɛ́ lè.

Sélimɛ 50:24

Cɛngɛ káà a Yusufu kɛ́nì ki juu wi lɔbilɔ mɛ́ bèle nɛ́ pe yɛ: «Ki 'kò cɛ̀ri m'bé kùu wī. Mi 'ki cɛ́n Kulocɛliɛ wi bé sí yeli sáʔa kányiʔɛ nɛ̄. Wi bé yeli yige Ezipiti kùlo nī lè, bè kɛ́ nɛ́ yeli ní kùlo náà nyuɔ wi 'kún nɛ̀ kɛn yeli tuuliɛyɛ mɛ́ yè, Birayima wè, nɛ́ Siaga wè, nɛ́ Yakuba.»

Ŋúnuyɔ 105:8

Wiī nɛ sɔ̀ngí nɛ taʔa súuri nɛ́ wi nyakungɛngɛ ní gè, nyafɛnigɛ siɛnrɛ dáà wi 'juu kɛ̀ngɛlɛ sirakogunɔ (1 000) mɛ́ gèle.

Ŋúnuyɔ 105:9

Wi 'nyuɔ kún nɛ̀ kɛn Birayima mɛ́ wè, nɛ́ sí ki juu nɛ̀ fùgu nɛ́ kàlilɛ ní Siaga mɛ́ wè.

Ŋúnuyɔ 32:8

A muɔ 'ki juu m'mɛ́ nɛ́ jo: «M'bé muɔ tɛnmɛ, m'bé muɔ tìɛ koligo nɛ̄ gè gàa muɔ 'yɛli bè líɛ gè. Mi nyapigele kiyē muɔ nɛ̄; m'béri nyu de tìí muɔ nɛ̄.»

Ŋúnuyɔ 39:12

Muɔ nɛ siɛn kpúɔn wè wi kolimɔ kɛnmɛ nɛ̄ bè; bɛ̀ màrigbuu tíɛlɛ wè muɔ nɛ ki mugu yɛgɛ gáà ki 'siɛn dɛ́ni wè kpuʔɔ gè. ʔaan, siɛn ó siɛn yē bɛ̀ ŋɔ́nɔ tíɛlɛ. Ye‑ ŋɔ́ cɛ̀.

Yirile 2:24

A Kulocɛliɛ wi 'pe cíɛnmɛ lúʔu bè, a Kulocɛliɛ wi 'sɔ̀ngi nɛ̀ taa wi nyakungɛngɛ nɛ̄ gè, gàa wi yé juu Birayima mɛ́ wè, nɛ́ Siaga ní wè, nɛ́ Yakuba ní wè.

Yirile 3:12

A Kulocɛliɛ 'fali nɛ̀ ki juu wi mɛ́ nɛ́ jo: «MI YĒ nɛ́ muɔ ní. Fìɛ n'ŋɛ ŋàa wi bé ki tìɛ mi 'muɔ tun wè: a muɔ sɛ́nì mi siɛnnɛ yige bèle Ezipiti kùlo nī lè, yeli bé sa Kulocɛliɛ gbùʔɔrɔ wè nyagurugo gáà nɛ̄ gè.»

Yirile 6:4

Mi nyɛ́nì mi nyakungɛngɛ kpíʔile gè nɛ́ pe ní bè Kanaa kùlo kɛn lè pe mɛ́, lire náà nī pe 'puu nabɔnminɔ bèle níɛ nyaari ni nī lè.

Yirile 6:7

M'bé yeli líɛ mi siɛnnɛ; yeli bèle, m'bé puu yeli Kulocɛliɛ. Yeli bé ki cɛ́n mi yē Yewe, yeli Kulocɛliɛ wè, mi ŋáà mi 'yeli yige parituɔrɔ nī dè Ezipiti kùlo nī lè.

Yirile 6:8

M'bé yeli nyɔ́gɔ kùlo nī lè nàa nɛ̄ mi 'kɔli yɛ̀gɛ gè nɛ́ ni kɛn Birayima mɛ́ wè, nɛ́ Siaga, nɛ́ Yakuba ní wè. M'bé ni kɛn yeli mɛ́ ni bé kò yeli woli. Mi yē Yewe.»

Tɔ́rilɔ 23:19

Kulocɛliɛ wi wè siɛn, bèri finɛnɛʔ. Wi míɛni sí wè lewiiwe bɛ̀ weli tíɛlɛʔ, bàga jo: ‹A mi cé cɛ́n !› Wi nɛ̂ kaala juu lé ka laa wi nɛ̌ ni kpíʔileʔ ? Wi 'siɛnrɛ juu lé dàa wiì kɛ́nì fori dèʔ ?

Fànʔa Kajuʔulo 1:8

« ‹Ye- ki wéli, mi nyɛ́nì kùlo tɛ́ngɛ lè yeli yiʔɛ mɛ́. Ye- jíin kùlo nī lè, ye ni líɛ ni- puu yeli woli, kùlo náà wori mi Yewe 'kàli nɛ̀ kɛn yeli tobilo mɛ́ bèle: Birayima, Siaga nɛ́ Yakuba ní wè, nɛ́ pe siimɛ ní bè.› »

Fànʔa Kajuʔulo 34:4

A Yewe 'ki juu Misa mɛ́ nɛ́ jo: «Kùlo náà lire nī nàa nɛ̄ mi yé kàli nɛ̀ kɛn Birayima mɛ́ wè, nɛ́ Siaga ní wè, nɛ́ Yakuba ní wè, bà mi yé ki juu pe mìɛni nigbe nigbe mɛ́ nɛ́ jo peli siimɛ pire mɛ́ m'bé ni kɛn lè. Mi nyɛ́nì ni tìɛ muɔ nɛ̄, a muɔ 'ni nyaa muɔ tíimɛ nyapigele ní gèle, nɛ̀ ki yaʔa muɔ sǐ jíin baa ni nīʔ.»

Filipiyé 4:9

Gìi yeli 'tɛnmɛ nɛ̀ taa mi mɛ́ gè, nɛ́ gìi yeli 'cò mi wori nī dè, gìi yeli 'lúʔu mi mɛ́ gè, nɛ́ gìi yeli 'nyaa mi mɛ́ gè, yeri kire kpínʔini, bɛ̀ yanyige Kulocɛliɛ wi bé puu nɛ́ yeli ní.

Eburulo 11:9

Tɛ́ngɛlɛ kɛnmɛ nɛ̄ bè, Birayima yé kò nabɔnwɔ nɛ sɛ́ni tɛ̀ní nɛ mári kùlo nī lè nàa nyuɔ Kulocɛliɛ yé fɛ̀ni wi mɛ́ lè. Wi 'puu nɛ sùɔ́n fɛ̀ni saaya nī yè, bɛ̀ Siaga nɛ́ Yakuba míɛni yé kɛ́nì ki kpíʔile, bàli pe 'puu nyafɛnigɛ ki kɔriliile bèle nɛ́ Birayima ní wè.

Eburulo 6:17

Bɛ̀ míɛni ki yē Kulocɛliɛ 'puu nɛ caa bè ki fílige tìɛ wi nyafɛnigɛ ki kɔriliile nɛ̄ bèle, gàa wire 'juu gè kiǐ gbɛ̀ yiʔɛ púloʔ. Kire nɛ̄ a wi 'kàlilɛ fàri lè wi nyafɛnigɛ nɛ̄ gè.