Sélimɛ 26:2 - Sénoufo Nyarafolo

² Nɛ̀ ki yaʔa Yewe cé wìi tìɛ Siaga nɛ̄ wè nɛ̀ juu nɛ́ wi ní nɛ́ jo: «Muɔ fǎga tí bága kári Ezipiti kùlo mɛ́ lè díɛʔ ! Kò náʔa kùlo nī lè nàa m'bé tìɛ muɔ nɛ̄ lè;

Sélimɛ 26:2 Iomraidhean Croise

Sélimɛ 12:1

Cɛngɛ káà Yewe cé ki juu Birama mɛ́ wè nɛ́ wi yɛ: «Yɛ̀ ma yiri muɔ kùlo nī lè nɛ́ muɔ narigɛ sunʔɔmɔ nī bè, nɛ́ muɔ tuu kpáa nī gè, mari waa kùlo náà mɛ́ m'bé tìɛ muɔ nɛ̄ wè.

Sélimɛ 12:7

A Yewe 'wìi tìɛ Birama nɛ̄, nɛ́ wi yɛ: «Muɔ siimɛ mɛ́ m'bé kùlo náà kɛn lè.» Tiʔɛ gíì nī Yewe 'wìi tìɛ Birama nɛ̄ wè, a Birama wi 'Yewe gbùʔɔrɔdiʔɛ káà faan nɛ́ yajuʔu káà kɔni nɛ̀ taʔa ki nɛ̄ nɛ̀ Yewe gbùʔɔrɔ wè baa, wire ŋáà wi yé wìi tìɛ wi nɛ̄ wè.

Sélimɛ 17:1

Lɛ̀lɛ líì nī Birama yiʔɛlɛ togosicɛri nɛ́ kpɔrigɔ nɛ́ kacɛri taa wè, a Yewe 'wìi tìɛ wi nɛ̄ nɛ́ jo: «Mi wī Ŋɔri Ti Mìɛni Kulocɛliɛ wè. Te síngi mi yiʔɛ mɛ́, ma puu dìgire fùn,

Sélimɛ 17:19

A Kulocɛliɛ 'jo: «ʔúnʔun: muɔ cuɔ Sara wire wī bé jaafɔli sii muɔ mɛ́. Muɔ bé wi míʔɛ le gè bèri wi yeri Siaga (ki kɔri wire wī: kátaanra pùɔ). M'bé ní koli mi nyakungɛngɛ siɛnrɛ nɛ̄ dè bè ti sɔ́migɔ juu nɛ́ wi ní, wire nɛ́ wi siimɛ wuulo ní bèle, gàa ki bé puu bànguɔ nyakungɛngɛ gè.

Sélimɛ 18:1

Bà tire 'tóri dè, a Yewe 'wìi tìɛ Birayima nɛ̄ tiikpoliyo tiɛliʔɛ táanni gàa gī Mambire wuʔu gè. Birayima 'puu tɛ́niwɛ cɛnvunyiɛnɛ nɛ̄ kélikeli, wi fɛ̀ni saʔa wìile yiʔɛ mɛ́ gè,

Sélimɛ 26:24

Kire pìlige nī gè, a Yewe 'wìi tìɛ wi nɛ̄ nɛ́ jo: «Mi wī muɔ tuu Birayima Kulocɛliɛ wè. Fǎga de fìʔɛ́ʔ, nɛ́ ki cɛ́n mi yē nɛ́ muɔ ní. M'bé diba taʔa wè muɔ nɛ̄, bè muɔ siimɛ niʔɛ bè, mi baakuɔwɔ Birayima wire kɛnmɛ nɛ̄.»

Ŋúnuyɔ 25:12

A siɛn nɛ fìʔɛ́ Yewe nɛ̄ wè, Yewe nɛ̂ koligo tìɛ gè wi nɛ̄ gàa wi 'yɛli bè líɛ gè.

Ŋúnuyɔ 37:3

‑Muɔ sɔ̀ngirɔ taʔa dè Yewe nɛ̄, mari kacɛ̀ngɛ kpínʔini, ma tɛ́ni kùlo nī lè, mari líi yanyige nɛ̄.

Yirile 2:24

A Kulocɛliɛ wi 'pe cíɛnmɛ lúʔu bè, a Kulocɛliɛ wi 'sɔ̀ngi nɛ̀ taa wi nyakungɛngɛ nɛ̄ gè, gàa wi yé juu Birayima mɛ́ wè, nɛ́ Siaga ní wè, nɛ́ Yakuba ní wè.

Leviiyé 26:42

bà m'bé sɔ̀ngi daa nɛ́ mi nyakungɛngɛ siɛnrɛ ní dè, gàa mi 'kpíʔile nɛ́ Yakuba ní wè, nɛ́ Siaga ní wè, nɛ́ Birayima ní wè. Bà m'bé sɔ̀ngi daa dàa nɛ̄ mi yé juu kùlo ni wuʔu nɛ̄ gè.