Sélimɛ 2:3 - Sénoufo Nyarafolo

³ A Kulocɛliɛ 'diba taʔa wè cɛnyɛ kɔlisiinwuʔu nɛ̄ gè, nɛ́ ki wàli nɛ̀ tɛ́ngɛ kiiyɛ nɛ́ ki wuʔu kpúʔɔ gè, nɛ́ ki cɛ́n kire cɛngɛ gī Kulocɛliɛ 'ŋɔ́ nɛ̀ taa duniya wi faanna ni mìɛni baara nɛ̄ dè.

Sélimɛ 2:3 Iomraidhean Croise

Sélimɛ 1:31

A Kulocɛliɛ wi 'ki nyaa a wi yafaanra ti mìɛni ti tɔ̀ni nɛ̀ sɔ́migɔ nɛ̀ nyuɔ. A ki 'kò cɛnguʔɔ, nɛ́ pɛ́nì kò sínbinimɛ. Kire 'kpíʔile cɛnyɛ kɔliniwuʔu nɛ̄ gè.

Sélimɛ 2:2

Sɛ́ni cɛnyɛ kɔliniwuʔu ki 'nɔ̀ gè, a Kulocɛliɛ wi 'kúɔ wi baara ti mìɛni nɛ̄ dè, a wi 'ŋɔ́ nɛ́ taa wi baara ti mìɛni nɛ̄ dè cɛnyɛ kɔlisiinwuʔu nɛ̄ gè.

Sélimɛ 2:4

Nyìʔɛnɛ nɛ́ dàala yige siɛnrɛ tire dī dàa dè, lɛ̀lɛ níì nī Yewe Kulocɛliɛ wi 'dàala nɛ́ nyìʔɛnɛ yige lè.

Yirile 23:12

«Muɔ bé baara cɛnyɛ kɔlini cégboli nī lè; kɔlisiinwuʔu nɛ̄ gè muɔ 'yɛli bè ŋɔ́ bè taa, kire ga buu muɔ nùɔ wè, nɛ́ muɔ sèfɛnnɛ ní lè, pe- míɛni ŋɔ́ daa, nɛ́ muɔ baakuɔcuɔ wi jaa wè, nɛ́ nabɔnminɔ ní bèle peli- míɛni gbɛ̀ ŋɔ́ daa.

Yirile 34:21

«Yeli bé baara cɛnyɛ kɔlini cégboli nī lè; kɔlisiinwuʔu nɛ̄ gè muɔ 'yɛli bè ŋɔ́ daa. A ki cɛ́nì nyaa tànyiʔɛ kɔ̀n lɛ̀lɛ nī yo, nɛ́ yaliire líɛ lɛ̀lɛ nī yo, yeli 'yɛli bè ŋɔ́ daa.

Leviiyé 23:3

«Cɛnyɛ kɔlini sunʔɔmɔ nī bè, yeli bé yeli baara kúɔ dè. Kɔlisiinwuʔu nɛ̄ gè, kire yē cɛndɛnigɛ nɛ́ ní cɛnŋɔdaʔa; yeli sǐ baara yafiɛn kúɔʔ. Yeli bé yìye pínɛ bè Yewe gbùʔɔrɔ wè. Ye fǎga baapile nigbe kúɔ kire cɛngɛ nī gèʔ. Yeli 'yɛli bè Yewe cɛndɛnigɛ kpúʔɔ gè yeli tɛ́nidiɛyɛ yi mìɛni nī yè.

Mariki 2:27

A wi 'fali nɛ̀ ní nɛ̀ ki juu pe mɛ́ nɛ́ pe yɛ, dí cɛndɛnigɛ ki 'tɛ́ngɛ siɛnnɛ kɛnmɛ nɛ̄ wī, kiì nyaa majo siɛnnɛ peli pe 'kpíʔile nɛ̀ tɛ́ngɛ cɛndɛnigɛ kire kɛnmɛ nɛ̄ʔ.

Luku 23:56

Bà pe 'yiri baa kire tiʔɛ nī gè, a pe 'kɛ́ kpáaya mɛ́ nɛ̀ sɛ́nì natukɔli nɛ́ nùdaanna yɛrɛ gbòbori nɛ̀ tɛ́ngɛ. Cɛndɛnigɛ cɛngɛ gè piyè yafiɛn kpíʔileʔ, nɛ̀ yɛli nɛ́ Misa Fànʔa Siɛnrɛ ní dè.