Sélimɛ 2:2 - Sénoufo Nyarafolo

² Sɛ́ni cɛnyɛ kɔliniwuʔu ki 'nɔ̀ gè, a Kulocɛliɛ wi 'kúɔ wi baara ti mìɛni nɛ̄ dè, a wi 'ŋɔ́ nɛ́ taa wi baara ti mìɛni nɛ̄ dè cɛnyɛ kɔlisiinwuʔu nɛ̄ gè.

Sélimɛ 2:2 Iomraidhean Croise

Sélimɛ 1:31

A Kulocɛliɛ wi 'ki nyaa a wi yafaanra ti mìɛni ti tɔ̀ni nɛ̀ sɔ́migɔ nɛ̀ nyuɔ. A ki 'kò cɛnguʔɔ, nɛ́ pɛ́nì kò sínbinimɛ. Kire 'kpíʔile cɛnyɛ kɔliniwuʔu nɛ̄ gè.

Sélimɛ 2:3

A Kulocɛliɛ 'diba taʔa wè cɛnyɛ kɔlisiinwuʔu nɛ̄ gè, nɛ́ ki wàli nɛ̀ tɛ́ngɛ kiiyɛ nɛ́ ki wuʔu kpúʔɔ gè, nɛ́ ki cɛ́n kire cɛngɛ gī Kulocɛliɛ 'ŋɔ́ nɛ̀ taa duniya wi faanna ni mìɛni baara nɛ̄ dè.

Yirile 23:12

«Muɔ bé baara cɛnyɛ kɔlini cégboli nī lè; kɔlisiinwuʔu nɛ̄ gè muɔ 'yɛli bè ŋɔ́ bè taa, kire ga buu muɔ nùɔ wè, nɛ́ muɔ sèfɛnnɛ ní lè, pe- míɛni ŋɔ́ daa, nɛ́ muɔ baakuɔcuɔ wi jaa wè, nɛ́ nabɔnminɔ ní bèle peli- míɛni gbɛ̀ ŋɔ́ daa.

Yirile 31:15

Cɛnyɛ kɔlini sunʔɔmɔ nī bè, yeli bé yeli baara ti mìɛni kúɔ. Kɔlisiinwuʔu nɛ̄ gè, kire yē cɛndɛnigɛ nɛ́ ní cɛnŋɔdaʔa wàlidɛngɛgɛ Yewe mɛ́ wè; yeli sǐ baara yafiɛn kúɔʔ. A siɛn ó siɛn 'baapile nigbe kúɔ kire cɛngɛ nī gè, wi 'yɛli pe- wi kpúu wī.

Yirile 31:17

Kire bé puu fìɛ mi nɛ́ Isirayɛli siɛnnɛ ní bèle lɛ̀lɛ ó lɛ̀lɛ, nɛ́ ki cɛ́n cɛnyɛ kɔlini sunʔɔmɔ nī Yewe nyɛ́nì nyìʔɛnɛ nɛ́ dàala faan lè; cɛnyɛ kɔlisiinwuʔu nɛ̄ gè, a wi 'baara yérige dè nɛ́ ŋɔ́ nɛ̀ taa.»

Zezi Kirisi Kataanna Siɛnrɛ dè Zan juumɔ nɛ̄ bè 5:17

A Zezi wi sí siɛnnugoro kɛn pe mɛ́ nɛ́ pe yɛ: «Mi Tuu wiī nɛ wi baara kúu dè nɛ tíin nɛ̀ pɛ́nì nɔ̀ lɛ̀lɛ náà nī lè, mi míɛni wè, mi nɛ mi baara kúu dè.»

Fànʔa Kajuʔulo 5:14

Gàa gī cɛnyɛ kɔlisiinwuʔu gè, kire cɛngɛ gè kiī cɛndɛnigɛ Yewe muɔ Kulocɛliɛ mɛ́. Ma fǎga baapile nigbe kúɔ kire cɛngɛ nī gèʔ, muɔ yo, muɔ jaa yo, muɔ póri yo, muɔ baakuɔwɔ nàguɔ nɛ́ ŋàa wī cɛliwɛ wè yo, muɔ nùɔ yo, muɔ sèfɛnnɛ yo, nɛ́ muɔ yajuʔu káà fáala, nɛ́ nabɔnwɔ wáà ní ŋàa wī yeli sunʔɔmɔ nī bè, kire ga buu muɔ baakuɔnaguɔ nɛ́ muɔ baakuɔcuɔ wi- ŋɔ́ daa bɛ̀ muɔ tíɛlɛ.

Eburulo 4:10

Ŋàa wi 'jíin ŋɔ́daala nī lè nàa Kulocɛliɛ 'gbòbori lè, wi nɛ̂ ŋɔ́ nɛ̀ taa wi baara nɛ̄ dè. Kire ŋɔ́daala náà niī bɛ̀ Kulocɛliɛ tíimɛ woli tíɛlɛ lè, bà wi yé duniya faan wè nɛ̀ kúɔ wè.

Eburulo 4:4

Weli 'ki cɛ́n lire yé gbòbori nɛ̀ yaʔa nɛ́ ki cɛ́n Kulocɛliɛ 'juu cɛnyɛ kɔlisiinwuʔu nɛ̄ gè tiʔɛ káà nī siɛnsɛbɛrɛ nī dè nɛ́ jo: A Kulocɛliɛ wi 'ŋɔ́ nɛ̀ taa wi baara ti mìɛni nɛ̄ dè cɛnyɛ kɔlisiinwuʔu nɛ̄ gè .