Wurɔmiyé 1:3 - Sénoufo Nyarafolo

³ Ki Kataanna Siɛnrɛ tiī nɛ nyu wi Jaa wi wori nɛ̄ dè, ŋàa wī Dawuda siimɛ tùlugo wuu wè nɛ̀ yɛli nɛ́ céri kɛnmɛ ní bè.

Wurɔmiyé 1:3 Iomraidhean Croise

Sélimɛ 3:15

M'bé leguuro nyɔ́gɔ muɔ nɛ́ cɛliwɛ sunʔɔmɔ ní bè, nɛ́ muɔ siimɛ nɛ́ cɛliwɛ wi siimɛ nī bè. Cɛliwɛ wi siimɛ pi bé ba muɔ nyùgo muʔɔrɔ gè; muɔ wè, muɔ bé ba wi nɔ̀ yedagbiɛnnɛ nɛ̄ lè.»

Ŋúnuyɔ 2:7

Mi wè, kùlofɔli wè, m'bé fànʔa kaala jáari lè: «A Yewe 'mi yɛ: ‹Muɔ yē mi jaa; pàngɛ gè, mi wī mi nyɛ́nì muɔ sii.

Matiye 1:1

Sɛbɛ ŋáà wi nyɛ́ni Kulocɛliɛ Siɛnnyiɛnɛgɔnwɔ Zezi tobilo tùlugo wuulo tìí bèle, Zezi wè Dawuda Jaa wè, nɛ ní Birayima Jaa wè, wi siɛnrɛ ti n'dɛ.

Matiye 1:16

a Yakuba 'yɛ̀ nɛ̀ Yusufu sii, Maari pɔli wè; kire Maari wire wi yé kɛ́nì pɛ́nì Zezi sii wè ŋàa pe yeri Kirisi wè, Kulocɛliɛ Siɛnnyiɛnɛgɔnwɔ wè.

Matiye 1:6

a Yese 'yɛ̀ nɛ̀ Dawuda sii. Dawuda wire wi 'puu Isirayɛli kùlofɔli wè. Kùlofɔli Dawuda wi 'yɛ̀ nɛ̀ Sulomani sii, Uriyu cuɔ nɛ̄ wi cé wi sii.

Matiye 12:23

A ki 'siɛnniʔɛmɛ pi mìɛni fungo wúɔ, a pe 'jo: «Dawuda Jaa wire túʔu bɛ̀ʔ ŋàa wè ?»

Matiye 15:22

A Kanaa kùlo cuɔ wáà 'yiri nɛ̀ taʔa wi nɛ̄, nɛ yékpoli wáari wi kúrugu níɛ wáa: «ʔé Kàfɔli, Dawuda Jaa, nyinimɛ taa mi nɛ̄ ! gbòdoli wáà nɛ mi póri wuʔɔ wè !»

Matiye 26:63

A Zezi wi 'pìiri. A kacuɔnrilɔ kàfɔli kpuɔwɔ wi 'wi yɛ: «Kàli Kulocɛliɛ wewiiwe nɛ̄ wè, ma ki juu we mɛ́ a ki yē muɔ wī Kulocɛliɛ Siɛnnyiɛnɛgɔnwɔ wè, Kulocɛliɛ Jaa wè !»

Matiye 27:43

Wi 'wi sɔ̀ngirɔ taʔa dè Kulocɛliɛ nɛ̄. Kulocɛliɛ wi- sí wi suɔ píra ŋáà nī wè kìɛ, a ki yē Kulocɛliɛ wiī wi mɛ́ wè  ! Wiì cé jo lé wire yē Kulocɛliɛ Jaa ?»

Matiye 3:17

A pe 'yékpoli láà lúʔu baa nyìʔɛnɛ nī lè a ni 'jo: «Mi Jaa ŋáà wi 'mi dɛ́ni wè, wire wī ŋàa wè. Mi nɛ fundaanra kpínʔini kpuʔɔ wi wori nɛ̄ dè.»

Matiye 9:27

Bà Zezi kɛ́nì yiri baa kire tiʔɛ nī gè nɛ waa wè, a fúɔnnɔ siin 'líɛ nɛ̀ taʔa wi kúrugu níɛ yékpuʔulo wáari nɛ́ jo: «-Nyinimɛ taa weli nɛ̄, Dawuda siimɛ tùlugo wuu !»

Luku 1:35

A nyìʔɛnɛ tundunwɔ wi 'wi yɛ: «Kulocɛliɛ Pìle ni bé pɛn muɔ mɛ́, dí Kulocɛliɛ ŋáà wī Duniya wi Mìɛni Nyùgo nɛ̄ gè, wi fànʔa ki nyúmɔ pi sí tɔ́n muɔ nɛ̄. Kire nɛ̄ pùɔ ŋáà wi bé sii wè, wi bé puu siɛnciiliwe tiɛlɛ fùn, pe béri wi yeri Kulocɛliɛ Jaa.

Luku 1:69

Wi 'we kɛn nɛ́ suɔfɔgbuɔwɔ ní díɛ, Dawuda saʔa tùlugo nī gè, wi baakuɔwɔ wè,

Zezi Kirisi Kataanna Siɛnrɛ dè Zan juumɔ nɛ̄ bè 1:14

A Siɛnrɛ ti kɛ́nì yiʔɛ nɛ̀ kò siɛn, nɛ̀ pɛ́nì tɛ́ni nɛ́ weli ní. A weli 'wi kpuɔmɔ nyaa bè, kpuɔmɔ báà bī Tuufɔli wi Jaa nigbe kpuɔmɔ bè. Kacɛ̀ngɛ nɛ́ kányiʔɛ 'puu wi mɛ́ kpuʔɔ.

Zezi Kirisi Kataanna Siɛnrɛ dè Zan juumɔ nɛ̄ bè 1:34

«Mi sí nyɛ́nì wi nyaa, kire nɛ̄ mi 'mi cɛ́nmɛ juu bè, miì ti làrigɛʔ: ŋàa wire wī Kulocɛliɛ Jaa wè !»

Zezi Kirisi Kataanna Siɛnrɛ dè Zan juumɔ nɛ̄ bè 1:49

A Natanayɛli wi 'jo: «Tɛnmɛfɔli, muɔ wī Kulocɛliɛ Jaa wè, muɔ wī Isirayɛli kùlofɔli wè.»

Zezi Kirisi Kataanna Siɛnrɛ dè Zan juumɔ nɛ̄ bè 10:30

Mi nɛ́ Tuufɔli ní wè, weli yē nigbe.»

Zezi Kirisi Kataanna Siɛnrɛ dè Zan juumɔ nɛ̄ bè 10:36

Siɛn ŋíì Tuufɔli wi 'wàli nɛ̀ tɛ́ngɛ nɛ́ wi tun náʔa duniya nī wè, yeli bèle, yeli 'jo dí wiī nɛ Kulocɛliɛ míʔɛ córi gè, bɛ̀ mi 'ki juu nɛ́ jo mi yē Kulocɛliɛ Jaa wè. Bà bɛ̀ʔ lé ?

Zezi Kirisi Kataanna Siɛnrɛ dè Zan juumɔ nɛ̄ bè 20:28

A Toma wi 'siɛnnugoro kɛn wi mɛ́ nɛ́ wi yɛ: «ʔé, mi Kàfɔli, mi Kulocɛliɛ !»

Zezi Kirisi Kataanna Siɛnrɛ dè Zan juumɔ nɛ̄ bè 20:31

Dàa tire sí nyɛ́nì sɛbɛ gìi ki bé tí ye- tɛ́ngɛ ki nɛ̄ ye ki cɛ́n Zezi wire wī Kulocɛliɛ Siɛnnyiɛnɛgɔnwɔ wè, nɛ ní Kulocɛliɛ Jaa wè. Nɛ̀ pínɛ a yeli 'tɛ́ngɛ wè, yeli bé sìi taa wè wi míʔɛ kire fànʔa nɛ̄ gè.

Zezi Kirisi Kataanna Siɛnrɛ dè Zan juumɔ nɛ̄ bè 5:25

«M'bé ti juu yeli mɛ́ kányiʔɛ nɛ̄, lɛ̀lɛ láà nɛ báan, ni cɛ́nì nɔ̀ nɛ̀ kúɔ wī, kúbilo pe bé Kulocɛliɛ Jaa wi juumɔ lúʔu bè, a bìli sí wi juumɔ lúʔu bè pe bé puu sìi nɛ̄.

Zezi Kirisi Kataanna Siɛnrɛ dè Zan juumɔ nɛ̄ bè 7:42

Kulocɛliɛ siɛnsɛbɛrɛ tiì ki juu lé nɛ́ jo Kulocɛliɛ Siɛnnyiɛnɛgɔnwɔ wi bága puu Dawuda siimɛ tùlugo wuu, bé sí kɔ́n Betilɛmi kàʔa mɛ́ lé, Dawuda wi kàsiʔi gè ?»

Kakpiʔiligele 2:30

Bɛ̀ sí wi 'puu Kulocɛliɛ siɛnjuuwo wè, nɛ́ ki cɛ́n dí Kulocɛliɛ wi cé nyuɔ kún nɛ̀ kɛn wi mɛ́, nɛ́ wi yɛ dí wire bága wi siimɛ tùlugo wuu wáà tɛ́ngɛ wi fànʔa nɛ̄ gè,

Kakpiʔiligele 3:13

Birayima Kulocɛliɛ wè, nɛ́ ní Siaga Kulocɛliɛ wè, nɛ́ ní Yakuba Kulocɛliɛ wè, nɛ́ ní weli tuuliɛyɛ Kulocɛliɛ wè, wire wi 'kpuʔɔrɔ taʔa wi baakuɔwɔ nɛ̄ wè, Zezi wè. Kire Zezi wire yeli 'cò nɛ̀ kɛn fànʔafɔlilɔ mɛ́ bèle, nɛ́ cíi wi nɛ̄ Pilati yiʔɛ mɛ́ gè, nɛ̀ sí ki taa wire cé ki yɛ̀gɛ bè wi yaʔa wè.

Kakpiʔiligele 8:36

Bà pe waa koligo nɛ̄ gè, a pe sɛ́nì nɔ̀ luʔɔ káà nɛ̄, a siɛnkpuɔwɔ wi 'jo: «Luʔɔ káà n'gɛ ! Gáa ki ń'nɛ̀ 'kò dí mi sí batɛmi kpíʔile wè ?»

Kakpiʔiligele 9:20

A Sɔli wi 'fali nɛ ki nyu nɛ ki jáari tɛnmɛzaaya nī yè nɛ́ jo Zezi wire wī Kulocɛliɛ Jaa wè.

Wurɔmiyé 1:9

Kulocɛliɛ wire wi 'ki cɛ́n nɛ́ mi ní, wire ŋáà mɛ́ mi nɛ baara nɛ́ mi fungo ní gè, níɛ wi Jaa Kataanna Siɛnrɛ jáari dè. Ki 'nyaa mi nɛ sɔ̀ngí nɛ taʔa nɛ yeli wori nyu dè súuri.

Wurɔmiyé 4:1

Gíi sí we bé juu weli tuuliʔɛ Birayima wori nɛ̄ dè ? Gáa wi cé taa wire wè ?

Wurɔmiyé 9:3

Bè ki juu kányiʔɛ nɛ̄ gè, a ki yé je gbɛ̀ kpíʔile wè, mi nɛ ki caa Kulocɛliɛ wi cé mi wàli wi láʔa Kirisi nɛ̄ wè mi siinyɛninɛ peli wuʔu nɛ̄ gè, dí pe sí taa bè suɔ, peli bálì bīɛlɛ kùnunɔ wuulo nɛ́ mi ní wè.

Wurɔmiyé 9:5

Peli pe 'yiri weli tuuliɛyɛ tùluyo yè, peli nī Kirisi wi 'yiri nɛ̀ yɛli nɛ́ siɛnmɛ tùlugo ní gè. Wire wī kele ke mìɛni yiʔɛ mɛ́ gè, wiī Kulocɛliɛ wè, ŋàa nɛ̄ kpuʔɔrɔ ti 'yɛli lɛ̀gɛlɛ ke mìɛni wè. Ki- taa ki puu bɛ̀  !

Korɛntiyé 1 1:9

Kulocɛliɛ wiī baa wi nyayerigele nī gèle, wire ŋáà wi 'weli yeri we- puu pínɛnyɛnigɛ nɛ̄ nɛ́ wi Jaa Zezi Kirisi ní wè, weli Kàfɔli wè.

Korɛntiyé 1 10:18

Ye- Isirayɛli pìile kɛnmɛ sɔ̀ngi bè: bìli pe nyɛ́ni gbùʔɔrɔdiʔɛ ki kakuɔrɔ kaara káa dè, je pe nɛ̂ puu pínɛnyɛnigɛ nɛ̄ nɛ́ Kulocɛliɛ ní wè wī.

Galasiyé 4:4

Bà lɛ̀lɛ ni sí kɛ́nì pɛ́nì nyì nɛ̀ fori lè, a Kulocɛliɛ wi 'wi Jaa tórigo wè a cɛliwɛ pɛ́nì wi sii, wi ní Fànʔa Siɛnrɛ láara dè,

Tesalonikiyé 1 1:10

Yeli nɛ wi Jaa siri wè, ŋàa wi je ga kɔ́n baa nyìʔɛnɛ nī lè. Kulocɛliɛ wi 'Zezi nyɛ́ wè nɛ̀ yige kúbilo sunʔɔmɔ nī bè, wire ŋáà wi 'weli suɔ Kulocɛliɛ funyɛrigɛ mɛ́ gè, gàa ki báan gè.

Timote 1 2:5

Gìi sí gī baa gè, Kulocɛliɛ nigbe wī bile, nɛ́ kàsuluwo nigbe yē Kulocɛliɛ nɛ́ siɛnnɛ sunʔɔmɔ nī bè. Wire wī Zezi Kirisi wè, wire ŋáà wī siɛn wè.

Timote 1 3:16

ʔaan, káaliyɛ wè ti nīʔ, weli tɛ́ngɛlɛ ni kalarilɛ ni 'kpúʔɔ, nàa nī tɛ́ngɛlɛ ni nyùgo gè: Wi nyɛ́nì wìi tìɛ siɛn céri nī, a Kulocɛliɛ Pìle ni 'ki juu nɛ̀ láʔa nɛ́ jo wi 'sín, a nyìʔɛnɛ tundunminɔ pe 'wi nyaa. A siɛnnɛ pe 'wi wuʔu jáari gè kùlogolo siɛnnɛ mɛ́ bèle, a siɛnniʔɛnɛ 'tɛ́ngɛ wi nɛ̄ duniya nī wè, a Kulocɛliɛ wi 'wi yɛ̀gɛ wi kpuɔmɔ nī bè.

Timote 2 2:8

Te sɔ̀ngí mari taʔa nɛ́ Zezi Kirisi ní wè, wire ŋáà wi 'nyɛ́ nɛ̀ yiri kúbilo sunʔɔmɔ nī bè, wire ŋáà wi 'yiri Dawuda siimɛ tùlugo nī gè. Tire siɛnrɛ ti 'kɔ́n Kataanna Siɛnrɛ mɛ́ dè dàa mi nɛ jáari dè.

Zan 1 1:3

Gàa weli 'nyaa nɛ́ ki lúʔu gè, weli nɛ ki jáari yeli ye míɛni mɛ́, kire ga buu yeli míɛni yeli- puu pínɛnyɛnigɛ nɛ̄ nɛ́ weli ní. Gìi sí gī baa gè, weli yē pínɛnyɛnigɛ nɛ̄ nɛ́ Tuufɔli ní wè nɛ́ wi Jaa Zezi Kirisi ní wè.

Zan 1 3:23

Wi kajuudiɛlɛ ni n'nɛ: we- tɛ́ngɛ wi Jaa Zezi Kirisi wi míʔɛ nɛ̄ gè, dí we- wìye dɛ́ni bè yɛli nɛ́ gàa ní wi 'juu nɛ̀ gbɛ̀ngɛ gè nɛ́ jo weri ki kpínʔini gè.

Zan 1 3:8

Ŋìi sí wiī nɛ kapiile kpínʔini lè, wire yē Setɛni wuu. Nɛ́ ki cɛ́n gbòdolilo kàfɔli wiī kapiigbiʔiliwe nɛ̀ líɛ baa ki sélimɛ nɛ̄ bè. Kulocɛliɛ Jaa wi 'pɛn bè ba Setɛni wi kakpiʔiligele cúʔɔ gèle.

Zan 1 4:15

A siɛn 'ki juu nɛ̀ láʔa nɛ́ jo dí Zezi wiī Kulocɛliɛ Jaa wè, Kulocɛliɛ yē kòriwo kire siɛn nī wè, á wire míɛni yē kòriwo Kulocɛliɛ nī wè.

Zan 1 5:1

A siɛn ó siɛn 'tɛ́ngɛ ki nɛ̄ Zezi wi yē Kirisi wè, wi yē Kulocɛliɛ pùɔ. A Tuufɔli wi 'siɛn ó siɛn dɛ́ni wè, Tuufɔli wi pùɔ wè, wi nɛ̂ siɛn dɛ́ni wè míɛni.

Zan 1 5:20

Weli nyɛ́nì ki cɛ́n míɛni, Kulocɛliɛ Jaa wi pɛ́nì sícilimɛ kɛn bè weli mɛ́, kire ga buu weli- gbɛ̀ kányiʔɛ Kulocɛliɛ cɛ́n wè. Weli sí yē pínɛnɛ nɛ́ wi ní ŋàa wi yē kányiʔɛ Kulocɛliɛ wè, bɛ̀ weli yē pínɛnɛ nɛ́ wi Jaa Zezi Kirisi ní wè. Zezi wire yē kányiʔɛ Kulocɛliɛ, wire wī bànguɔ sìi wè.

Zan 1 5:5

Bɛ̀ sí ki yē gè, ŋáa sí wī wi 'duniya jáa wè ? Wire yákuɔ wī ŋàa wi 'tɛ́ngɛ ki nɛ̄ nɛ́ jo Zezi wiī Kulocɛliɛ Jaa wè.

Zan 2 1:7

Mi 'tire juu wī nɛ́ ki cɛ́n káfinɛvinɛnɛ sáamɛ nyɛ́nì cɛrigɛ nɛ̀ màʔa duniya nī wè, bàli bīɛlɛ pe 'cíi, piyè yéri ki nɛ̄ nɛ̀ jo Zezi Kirisi wi nyɛ́nì pɛn siɛn céri nī dèʔ. A siɛn ó siɛn 'nyaa pe tíɛlɛ wè, kire siɛn wi yē káfinɛvinɛwɛ wī nɛ́ ní Kirisi leguuwo.

Tìɛlɛ 2:18

«-Ki sɛbɛ ma tórigo Tiyatiiri kàʔa tɛ́ngɛfɔlilɔ gboli ni nyìʔɛnɛ tundunwɔ mɛ́ wè, ma wi yɛ: ‹Ti n'dɛ dàa Kulocɛliɛ Jaa wi 'juu dè; wi nyapigele kiyē majo kàsunnyige gī, á wi tɔliyɔ ní yè bɛ̀ kányiɛrɛ tíɛlɛ bɛ̀ pe sî ti nyɛgɛ á ti nìɛ nyíʔɛnɛ dè.