Wurɔmiyé 1:2 - Sénoufo Nyarafolo

² Kulocɛliɛ wi cé nyuɔ fɛ̀ni ki Kataanna ni wori nɛ̄ dè, a wi siɛnjuulo pe 'ti le baa Kulocɛliɛ siɛnsɛbɛrɛ nī dè.

Wurɔmiyé 1:2 Iomraidhean Croise

Matiye 1:22

Ki kele gálì ke mìɛni ke kpíʔile nɛ̀ yɛli nɛ́ siɛnrɛ díì ní we Kàfɔli wi cé juu wi siɛnjuuliɛwɛ nyuɔ nī gè nɛ́ jo:

Luku 1:70

nɛ̀ yɛli nɛ́ bɛ̀ wi cé tíi nɛ̀ ti juu nɛ̀ yaʔa wi siɛnjuuliɛlɛ pe nyuɔyɔ nī yè.

Kakpiʔiligele 10:43

Wire wori Kulocɛliɛ siɛnjuuliɛlɛ pe mìɛni cé juu dè, nɛ́ jo dí bìli pe mìɛni pe tɛ́ngɛ wi nɛ̄ bèle, wire míʔɛ nɛ̄ gè Kulocɛliɛ wi bé pe kapiʔile kàsulugo suɔ gè.»

Kakpiʔiligele 13:32

«Kire Kataanna Siɛnrɛ tire weli nɛ nyu yeli mɛ́, kaala níì nɛ̄ Kulocɛliɛ wi cé nyuɔ fɛ̀ni weli tuuliɛyɛ mɛ́ yè.

Kakpiʔiligele 26:6

Pàngɛ gè pe sí mi yeri fànʔa tiʔɛ nī gè bɛ̀ ki 'nyaa mi 'mi sɔ̀ngirɔ taʔa dè Kulocɛliɛ wi nyafɛnigɛ ki siɛnrɛ nɛ̄ dè, dàa wi cé juu weli tuuliɛlɛ mɛ́ bèle.

Wurɔmiyé 16:26

Nɛ̀ sí ki taa pàngɛ gè, Kulocɛliɛ siɛnjuulo pe siɛnsɛbɛrɛ tire fànʔa nɛ̄ gè, ki kalarilɛ ni 'yiri kpànʔanɛ wálilɛ. Kulocɛliɛ wè, bɛ̀ wiī láʔala fùn wè, a wi 'tí a kùlogolo siɛnfeliye yi mìɛni yi 'wi nyɛ́ni kaala cɛ́n lè, gìi ki bé tí pe- tɛ́ngɛ wire nɛ̄, pé sí de lúru wi nɛ̄.

Wurɔmiyé 3:2

Ki tɔ̀ni wiī kpuɔwɔ bɛ̀ ki caa mmɛ. Kapelile lè, Zuufulo peli mɛ́ Kulocɛliɛ wi 'wi kajuʔulo kɛn gèle.

Wurɔmiyé 3:21

Nɛ̀ sí ki taa píra ŋáà nī wè, Kulocɛliɛ wi 'ki tìɛ mɛni weli bé gbɛ̀ kò sínminɛ wire yiʔɛ mɛ́ gè Fànʔa Siɛnrɛ ti fùn wè. Ki 'nyaa Fànʔa Siɛnrɛ tíimɛ dè nɛ́ Kulocɛliɛ siɛnjuuliɛlɛ ní bèle, piyē nɛ ki nyu nɛ láʔala.

Tiiti 1:2

Kire bé ki yaʔa pe sɔ̀ngirɔ taʔadiʔɛ taa, bànguɔ sìi wuʔu nɛ̄ gè. Kulocɛliɛ wi wè nɛ finɛnɛʔ; wi yé nyuɔ fɛ̀ni weli mɛ́ kire sìi wi wori nɛ̄ dè nɛ̀ ki yaʔa duniya wiì cé fìɛ faanʔ.