Tɔ́rilɔ 9:16 - Sénoufo Nyarafolo

¹⁶ Bà sí ki 'puu nɛ kpínʔini lɛ̀lɛ ó lɛ̀lɛ nī. Kire kàsadibagɛ ki nɛ̂ Kòridiʔɛ tɔ́n gè; pìlige nī gè, ki nɛ̂ puu nɛ nyí kàsun.

Tɔ́rilɔ 9:16 Iomraidhean Croise

Ŋúnuyɔ 105:39

A Yewe wi 'kàsadibagɛ káà tíʔɛ nɛ̀ pe tɔ́n, nɛ́ kàsun kpìɛnmɛ cáan bè pìlige nī gè.

Ŋúnuyɔ 78:14

Cɛnvugo nɛ̄ gè, wi nɛ̂ pe yiʔɛ kíni nɛ́ kàsadibagɛ ní gè, pìlige nī gè, wi nɛ̂ pe yiʔɛ kíni nɛ́ kàsadibagɛ kàsun kpìɛnmɛ ní bè.

Yirile 40:34

A kàsadibagɛ ki 'Kpàlidiʔɛ Kpátaʔa tɔ́n gè, a Yewe cɛ̀nmɛ nɛ́ wi kpuɔmɔ pi 'Kòridiʔɛ nyì gè.

Yirile 40:38

Nɛ́ ki cɛ́n Yewe kàsadibagɛ gè, ki 'puu Kòridiʔɛ nɛ̄ gè cɛnvugo nɛ̄ gè; a ki yē pìlige nī gè, kàsun nɛ 'puu nɛ nyí kàsadibagɛ nī gè. Bà ki 'puu Isirayɛli siɛnnɛ pe mìɛni nìɛ ki nyaʔa pe tánʔagɛlɛ ke mìɛni nī lɛ̀lɛ ó lɛ̀lɛ.

Korɛntiyé 1 10:1

Nɛ siinyɛninɛ, bɛ̀ ki 'juu nɛ́ jo dí weli tobilo pe mìɛni pe 'puu baa kàsadibagɛ láara gè, mi wè caa yeli- puu tire sìnjɛ́n nīʔ. Nɛ̀ pínɛ, pe mìɛni pe cé tánʔa nɛ̀ sùuri kuʔɔjii nī wè.

Korɛntiyé 2 5:19

Nɛ́ ki cɛ́n Kulocɛliɛ wi cé fàri Kirisi nɛ̄ wè, nɛ̀ ki kpíʔile a wire tíimɛ 'koli nɛ̀ bìɛ nɛ́ duniya wuulo ní bèle. Wi wè nɛ pe kacuʔɔrɔ tɔ́ri dè pe kúruguʔ, nɛ́ sí siɛnrɛ le dè weli nī, weri siɛnnɛ nyu bèle de taʔala peli nɛ́ Kirisi ní wè.

Fànʔa Kajuʔulo 1:33

wire ŋáà wi 'puu nɛ tári yeli yiʔɛ mɛ́ gè koligo nɛ̄ gè bè tɛ́nidiʔɛ caa yeli mɛ́ gè, kàsadibagɛ kàsun sìtɔnigɔ nī gàa ki 'cùungu pìlige nī gè bèri kpìɛnmɛ cáanri yeli mɛ́ koligo nī gè gàa nɛ̄ yeli 'puu nɛ tári wè, nɛ́ kàsadibagɛ sìtɔnigɔ nī cɛnvugo nɛ̄ gè.

Tìɛlɛ 21:3

A mi 'yékpoli láà lúʔu a ni 'juu kpuʔɔ baa kùlofɔlilɔ kácunʔɔ tiʔɛ nī gè, nɛ́ jo: «Nyaa, Kulocɛliɛ kòridiʔɛ kiī siɛnnɛ sunʔɔmɔ nī bè ! Je wi bága puu nɛ́ pe ní wī ! Pe bága puu wi wuulo, dí Kulocɛliɛ wire tíimɛ wi sí puu nɛ́ pe ní, bè puu pe Kulocɛliɛ wè.