Tɔ́rilɔ 8:7 - Sénoufo Nyarafolo

⁷ «Ki n'gɛ gàa muɔ bé kpíʔile gè bè pe cìile wè: muɔ bé jígemununɔ kakuɔrɔ luʔɔ líɛ gè bè ki nyɛri nyɛri pe nɛ̄; pe- sí céri tiɛyɛ yi mìɛni kùnu pé sí pe burudo ti mìɛni jíge. Bà ki bé kpíʔile pe bé kò cìilile.

Tɔ́rilɔ 8:7 Iomraidhean Croise

Sélimɛ 35:2

A Yakuba sí ki juu wi saʔa wuulo mɛ́ bèle, nɛ́ siɛnnɛ bílì pe 'puu nɛ́ wi ní wè, nɛ́ jo: «Ye‑ yeli yasunro ti mìɛni yige yìye sunʔɔmɔ nī, dàa ti 'kɔ̀n siɛnfeliye yáà mɛ́ yè ! Ye‑ yìye jíge ye mùnu, ye‑ burunuʔɔrɔ yige dè, yé buruciilide líɛ dè, ye le yìye nɛ̄ !

Ŋúnuyɔ 51:2

Lɛ̀lɛ líì nī Kulocɛliɛ siɛnjuuwo Natan wi pɛ́nì juu nɛ́ wi ní wè, bà Dawuda yé kɛ́ nɛ̀ sɛ́nì kapiile kpíʔile nɛ́ Beti Seba ní wè.

Ŋúnuyɔ 51:7

ʔaan, kányiʔɛ nɛ̄, bà mi 'sii wè, mi yé puu koliwo; sɛ́nì mi 'jíin baa mi yàa liyɛ nī yè, mi yé puu kapiigbiʔiliwe nɛ̀ kúɔ.

Yirile 19:10

A Yewe 'ki juu Misa mɛ́ nɛ́ jo: «Koli mari waa siɛnnɛ kúrugu bèle, ma sa pe gbòbori ma pe wàli ma tɛ́ngɛ pàngɛ gè nɛ́ mbànʔa ní gè. Ma pe yɛ pe- pìye gbéli pe mùnu, pé pe burudo jíge dè,

Leviiyé 15:27

Siɛn ó siɛn wi 'cò nɛ̀ taa yɛrɛ dáà nɛ̄ dè, wi bé kò núʔɔwɔ. Wi 'yɛli bè wi burudo jíge dè bé sí gbéli nɛ́ luʔɔ ní; wi bé sí kò núʔɔwɔ fúɔ bè pa nɔ̀ cɛngɛnyɛnijiin lɛ̀lɛ nī lè.

Leviiyé 15:6

Ŋàa míɛni wi bé tɛ́ni yɛgɛ nɛ̄ gàa nɛ̄ kire nàguɔ wi 'tɛ́ni gè, wi 'yɛli bè wi burudo jíge dè bé sí gbéli nɛ́ luʔɔ ní; wi bé sí kò núʔɔwɔ fúɔ bè pa nɔ̀ cɛngɛnyɛnijiin lɛ̀lɛ nī lè.

Leviiyé 16:28

Ŋàa wi 'ti sórigo dè, wi 'yɛli bè wi burudo jíge dè, wí sí gbéli nɛ́ luʔɔ ní. Kire kàduʔumɛ wi bé gbɛ̀ jíin bùguro nī dè.

Leviiyé 8:6

A wi 'Arawɔn nɛ́ wi jaala sìʔɛrɛ bèle nɛ̀ kpɔni, nɛ́ tí a pe 'pìye gbéli nɛ́ luʔɔ ní gè.

Tɔ́rilɔ 19:13

«A ŋìi sí cò nɛ̀ taa kpúu nɛ̄ wè, lewiiwe ŋáà wi 'kùu wè, a siɛn wiì fɔ̀li nɛ̀ wìi cìile wèʔ, wiī nɛ Yewe Kòridiʔɛ nɔ́ri gè wī; kire siɛn wi bé yige péwu Isirayɛli siɛnnɛ nī bèle. Nɛ́ ki cɛ́n wiì fɔ̀li nɛ̀ pe yaʔa pe- jígemununɔ kakuɔrɔ luʔɔ nyɛri nyɛri gè wi nɛ̄ʔ; wi bé kò núʔɔwɔ, wi fuɔnrɔ míɛni ti bé kò wi nɛ̄.

Tɔ́rilɔ 31:20

Yeli 'yɛli bè yeli burudo jíge dè ti cìile, nɛ́ yɛrɛ ní dè dàa dī sɛ̀ngɛ wori dè, nɛ́ fɛ̀ninɛ ní bèle bàli pe 'kpíʔile nɛ́ síkasiire ní dè, nɛ́ yakpiʔilide dáà pe 'tɛn dè.»

Tɔ́rilɔ 8:21

A Leviiyé pe 'pìye cìile nɛ́ pe burudo ti mìɛni jíge. A Arawɔn 'pe tìɛ Yewe nɛ̄ wè bɛ̀ yakɔnrɔ tíɛlɛ dàa pe 'yɛ̀gɛ naamɛ gè Yewe yiʔɛ mɛ́ gè, nɛ́ kàsulugosuɔ baara kúɔ dè pe kɔli mɛ́ gè bè pe cìile.

Eburulo 9:10

Kire Kulocɛliɛ gbùʔɔrigɛnmɛ fànʔa kele gèle, keli ke 'puu nɛ nyu céri kele yákuɔ nɛ̄ gèle: yaliire nɛ́ yagbuɔrɔ wori nɛ̄ dè nɛ́ jígemununɔ kele feliye wori nɛ̄. Ti yé puu fànʔa kele fúɔ nɛ̀ pɛ́nì nɔ̀ lɛ̀lɛ líì nī ti tìɛgɛnmɛ pi 'yiʔɛ nɛ̀ kò fɔnbɔ bè.

Eburulo 9:13

Nyakungɛngɛ liʔɛ tìɛgɛnmɛ nɛ̄ bè, síkapɛngɛlɛ nɛ́ nɛ̀piɛyɛlilɛ sìsiɛn nɛ́ nɛ̀pori cúnʔɔ ní gè, a pe cé tire nyɛri nyɛri dè siɛnnɛ nɛ̄ bèle, bàli pe cé núʔɔ bèle, tire ti nɛ̂ cé siɛn céri cìile dè nɛ̀ núʔɔmɔ láʔa bè ti nɛ̄.

Zaki 4:8

Yeri sìʔɛrɛ́ yeri kpɔni Kulocɛliɛ nɛ̄ wè, bɛ̀ wi béri sìʔɛrɛ́ de kpɔni yeli nɛ̄. Ye- yeli kiyɛ jíge yè ye mùnu ye- yige kapiʔile nī gèle, yeli kapiigbiʔilile bèle. Yeli jànvaafɔlilɔ bèle, ye- yeli funyɔ cìile yè.

Piɛri 1 3:21

Luʔɔ gáà ki yé puu fìɛ nɛ batɛmi kɛnmɛ tìí bè. Batɛmi wi wè nɛ céri núʔɔmɔ láʔala bèʔ, nɛ̀ ki yaʔa wiī nɛ ki tìí siɛn wi 'wìi kɛn nɛ̀ láʔa Kulocɛliɛ mɛ́ nɛ́ funviige ní. Bɛ̀ Zezi Kirisi 'nyɛ́ nɛ̀ yiri wè, batɛmi wi 'kò píra ŋáà nī wè, kaala láà nàa ni ki tìí Kulocɛliɛ nyɛ́nì weli suɔ wè.

Tìɛlɛ 7:14

A mi 'wi yɛ: «Mi kàfɔli, muɔ ma nyɛ́nì kire cɛ́n.» A wi 'jo: «Bàli peli bīɛlɛ pe 'kɔ́n baa wuʔɔgbuʔɔ nī gè, nɛ́ pɛ́nì pe burugboliyo jíge yè a yi 'fílige Sìnbapile ni sìsiɛn nī gè.