Tɔ́rilɔ 8:21 - Sénoufo Nyarafolo

²¹ A Leviiyé pe 'pìye cìile nɛ́ pe burudo ti mìɛni jíge. A Arawɔn 'pe tìɛ Yewe nɛ̄ wè bɛ̀ yakɔnrɔ tíɛlɛ dàa pe 'yɛ̀gɛ naamɛ gè Yewe yiʔɛ mɛ́ gè, nɛ́ kàsulugosuɔ baara kúɔ dè pe kɔli mɛ́ gè bè pe cìile.

Tɔ́rilɔ 8:21 Iomraidhean Croise

Yirile 19:10

A Yewe 'ki juu Misa mɛ́ nɛ́ jo: «Koli mari waa siɛnnɛ kúrugu bèle, ma sa pe gbòbori ma pe wàli ma tɛ́ngɛ pàngɛ gè nɛ́ mbànʔa ní gè. Ma pe yɛ pe- pìye gbéli pe mùnu, pé pe burudo jíge dè,

Leviiyé 14:11

«Kacuɔnriwɔ ŋáà wi 'cìilimɛ baara kúu dè, wi bé siɛn tɛ́ngɛ wè ŋàa mɛ́ piyē nɛ cìilimɛ kakuɔrɔ kúu dè, nɛ́ wi yakɔnrɔ ní dè Yewe yiʔɛ mɛ́ gè, Kpàlidiʔɛ Kpátaʔa wìile nɛ̄ lè.

Tɔ́rilɔ 19:12

Wi bé wìi cìile nɛ́ jígemununɔ kakuɔrɔ luʔɔ ní gè cɛnyɛ taanriwuʔu nɛ̄ gè nɛ́ cɛnyɛ kɔlisiinwuʔu nɛ̄ gè, bà wi bé kò cìiliwe. Nɛ̀ sí ki yaʔa, a wiì fɔ̀li nɛ̀ wìi cìileʔ cɛnyɛ taanriwuʔu nɛ̄ gè nɛ́ cɛnyɛ kɔlisiinwuʔu nɛ̄ gèʔ, wi bé kò núʔɔwɔ.

Tɔ́rilɔ 19:19

Siɛn ŋáà wī cìiliwe wè, wire wi bé luʔɔ gáà nyɛri nyɛri gè ŋàa nɛ̄ wi yē núʔɔwɔ wè Yewe yiʔɛ mɛ́ gè cɛnyɛ taanriwuʔu nɛ̄ gè nɛ́ cɛnyɛ kɔlisiinwuʔu nɛ̄ gè, bà ki bé kpíʔile dí wí kò cìiliwe cɛnyɛ kɔlisiinwuʔu nɛ̄ gè. Kire tiʔɛ nī gè, siɛn wi bé wi burudo jíge dè bé sí gbéli nɛ́ luʔɔ ní gè. Cɛngɛnyɛnijiin lɛ̀lɛ nī lè, wi bé yiʔɛ bè kò cìiliwe.

Tɔ́rilɔ 3:12

«-Ki wéli, mi tíimɛ mi nyɛ́nì Leviiyé nyíɛnɛ bèle nɛ̀ kɔ̀n Isirayɛli siɛnnɛ sunʔɔmɔ nī bè, Isirayɛliyé pìpelile sìndiʔɛ nī gè. Leviiyé peli yē mi wuulo.

Tɔ́rilɔ 8:15

Kire kàduʔumɛ gè Leviiyé pe bé pari mi baara kúu dè Kpàlidiʔɛ Kpátaʔa nī gè. «Muɔ bé sí pe cìile bè pe tìɛ Yewe nɛ̄ bɛ̀ yakɔnrɔ tíɛlɛ dàa pe 'yɛ̀gɛ naamɛ gè Yewe yiʔɛ mɛ́ gè,

Tɔ́rilɔ 8:20

Bà sí ki 'kpíʔile a Misa 'kele gálì ke mìɛni kpíʔile Leviiyé kɔli mɛ́ gè, wire nɛ́ Arawɔn nɛ́ Isirayɛli tògo siɛnnɛ ní bèle. A Isirayɛliyé pe 'ti mìɛni gbòbori nɛ̀ kpíʔile nɛ̀ yɛli nɛ́ gàa ní Yewe yé juu nɛ̀ gbɛ̀ngɛ Misa mɛ́ wè.

Tɔ́rilɔ 8:22

Kire kàduʔumɛ gè, a Leviiyé pe 'jíin baara gboli nī lè bèri pe baara kúu dè Kpàlidiʔɛ Kpátaʔa nī gè; Arawɔn nɛ́ wi jaala peli pe yé pe yiʔɛ kíni gè. A pe 'ki kpíʔile nɛ̀ yɛli nɛ́ dàa ti mìɛni ní Yewe yé juu nɛ̀ gbɛ̀ngɛ Misa mɛ́ wè Leviiyé kɔli mɛ́ gè.

Tɔ́rilɔ 8:7

«Ki n'gɛ gàa muɔ bé kpíʔile gè bè pe cìile wè: muɔ bé jígemununɔ kakuɔrɔ luʔɔ líɛ gè bè ki nyɛri nyɛri pe nɛ̄; pe- sí céri tiɛyɛ yi mìɛni kùnu pé sí pe burudo ti mìɛni jíge. Bà ki bé kpíʔile pe bé kò cìilile.