Tɔ́rilɔ 8:2 - Sénoufo Nyarafolo

² «-Ti juu Arawɔn mɛ́ wè ma jo: A muɔ kɛ́nì je fètingele kɔlisiin taʔa gèle fètindaʔagɛlɛ tiige nɛ̄ gè, ma ke taʔa kire ga buu keri kpìɛnmɛ cáanri bè pi de waa yiʔɛ mɛ́ gè.»

Tɔ́rilɔ 8:2 Iomraidhean Croise

Ŋúnuyɔ 119:105

Muɔ siɛnrɛ tiī fètinnɛ mi tɔliyɔ yiʔɛ mɛ́ gè nɛ́ ní kpìɛnmɛ mi koligo nī gè.

Ŋúnuyɔ 119:130

Muɔ siɛnrɛ tiī wìile, lire nī kpìɛnmɛ piī nɛ nyíʔɛnɛ bèri sícilige kanʔa bàli mɛ́ piyè fìɛ kaala cɛ́n wèʔ.

Yirile 25:37

«Píra ŋáà ní wè, muɔ bé fètingele kɔlisiin kpíʔile gèle bè ke taʔa fètindaʔagɛlɛ tiige nɛ̄ gè. Muɔ bé ke tɛ́ngɛ kire ga buu keri kpìɛnmɛ cáanri piri waa yiʔɛ mɛ́ gè.

Yirile 37:23

A wi sí fètingele kɔlisiin kpíʔile gèle, nɛ́ ke fígiyɛgɛlɛ ní gèle nɛ́ cúnʔɔ yalegele ní gèle. Ti mìɛni 'puu tiɛ cɛ̀nwɛ wori.

Yirile 39:37

nɛ́ tiɛ cɛ̀nwɛ fètindaʔagɛlɛ tiige nɛ́ ke fètingele ní gèle gàli pe 'gbòbori nɛ̀ tɛ́ngɛ gèle, nɛ́ ke yakpiʔilide ti mìɛni ní dè, nɛ́ sùnmɔ ní bè bàa pe béri nii ke nī gèle;

Yirile 40:25

A wi 'fètingele líɛ gèle nɛ̀ taʔa ki nɛ̄ Yewe yiʔɛ mɛ́ gè, nɛ̀ yɛli nɛ́ gàa ní Yewe cé juu nɛ̀ gbɛ̀ngɛ Misa mɛ́ wè.

Leviiyé 24:4

Fètingele gálì gīɛlɛ fètindaʔagɛlɛ tiige nɛ̄ gè, tiɛ cɛ̀nwɛ wuʔu gè, Arawɔn wi béri ke gbòborí súuri Yewe yiʔɛ mɛ́ gè.

Tɔ́rilɔ 8:1

A Yewe ń'nɛ̀ ki juu Misa mɛ́ nɛ́ jo:

Tɔ́rilɔ 8:3

Kire sí Arawɔn wi 'kpíʔile. A wi 'fètingele taʔa gèle kire ga buu keri kpìɛnmɛ cáanri bè fètindaʔagɛlɛ tiige yiʔɛ mɛ́ gè, majo bɛ̀ Yewe cé ki juu nɛ̀ gbɛ̀ngɛ Misa mɛ́ wè.

Matiye 5:14

«Yeli bīɛlɛ duniya wi kpìɛnmɛ bè. Kàʔa gáà pe 'tɛ́ngɛ nyagurugo naamɛ gè, kiǐ gbɛ̀ làriʔ.

Zezi Kirisi Kataanna Siɛnrɛ dè Zan juumɔ nɛ̄ bè 1:9

Kire kpìɛnmɛ pire pi 'puu kányiʔɛ kpìɛnmɛ bè, pi 'pɛn náʔa duniya nī wè nɛ̀ pɛ́ni càanná siɛnnɛ pe mìɛni mɛ́ bèle.

Piɛri 2 1:19

Nɛ̀ fàri tire nɛ̄, weli nyɛ́nì siɛnjuuliɛlɛ pe siɛnrɛ taa dè, tire dáà nɛ̄ weli bé gbɛ̀ tɛ́ngɛ kpuʔɔ dè. Ki 'yɛli yeli de líiye cáanri tire siɛnrɛ mɛ́ dè, nɛ́ ki cɛ́n tiī bɛ̀ fètinnɛ tíɛlɛ nàa ni nyí yebilige sunʔɔmɔ nī bè, fúɔ bè taa kpìɛnmɛ pi ba tuu, dí kpìɛnduumɛ ŋɔnɔ̀, Zezi Kirisi wè, wi de nyíʔɛnɛ yeli funyɔ nī yè.

Tìɛlɛ 1:12

A mi 'yiʔɛ bè wéli, ŋáa wi 'puu nɛ nyu nɛ́ mi ní wè. Bà sí mi 'yiʔɛ wè, nɛ̀ ki 'nyaa tiɛ fètindaʔaya kɔlisiin.

Tìɛlɛ 1:20

Gìi gī kalarilɛ lè ŋɔgɔlɔ kɔlisiin wori dè, gàli muɔ 'nyaa mi kiyɛ nī yè, nɛ́ tiɛ fètindaʔaya kɔlisiin ní yè, ki n'gɛ: ŋɔgɔlɔ kɔlisiin keli 'nyaa tɛ́ngɛfɔlilɔ gbuʔulo kɔlisiin ke nyìʔɛnɛ tundunminɔ bèle; fètindaʔaya kɔlisiin yire sí yī tɛ́ngɛfɔlilɔ gbuʔulo kɔlisiin gèle.»

Tìɛlɛ 4:5

Nyìʔɛnɛ ni 'puu nɛ nyíʔɛnɛ, tùnmɔ páà 'puu baa, kàsakpɛnigɛ 'puu nɛ kpɛ̀ní baa kùlofɔlilɔ kácunʔɔ ki tiʔɛ nī gè. Nɛ̀ pínɛ kàsunnyige fètingele kɔlisiin 'puu nɛ nyí baa kácunʔɔ ki yiʔɛ mɛ́ gè; Kulocɛliɛ pígele kɔlisiin keli gīɛlɛ.