Tɔ́rilɔ 8:19 - Sénoufo Nyarafolo

¹⁹ «A mi 'pe kɛn kpuʔɔrɔ Arawɔn nɛ́ wi jaala mɛ́ bèle peri baara kúu dè Kpàlidiʔɛ Kpátaʔa nī gè Isirayɛli siɛnnɛ mɛ́ bèle, pe síri kàsulugosuɔ baara kúu dè pe mɛ́ kire ga buu wuʔɔgbuʔɔ fǎga tuu pe nɛ̄ʔ a pe wàa kɛ́nì sìʔɛrɛ nɛ̀ kpɔni saawalidɛngɛgɛ nɛ̄ gè.»

Tɔ́rilɔ 8:19 Iomraidhean Croise

Yirile 12:50

A Isirayɛli siɛnnɛ pe mìɛni 'ti cò bɛ̀, a pe 'ki sɔ́migɔ nɛ̀ kpíʔile nɛ̀ yɛli nɛ́ gàa ní Yewe yé juu nɛ̀ gbɛ̀ngɛ Misa nɛ́ Arawɔn mɛ́ wè.

Tɔ́rilɔ 1:50

Muɔ 'yɛli bè Leviiyé tɛ́ngɛ bèle peri Kòridiʔɛ wéli gè, gáa gī nyakungɛngɛ siɛnrɛ kàdɛnitɛnyɛ yi tɛ́ngɛdiʔɛ gè, nɛ́ ki yakpiʔilide ti mìɛni ní dè, nɛ́ ki yɛrɛ ti mìɛni ní dè. Pe 'yɛli bèri Koridiʔɛ nɛ́ ki yakpiʔilide ti mìɛni turu dè, béri ti wéli. Pe béri pe bùguro kpúɔn dè bèri Koridiʔɛ màʔa gè.

Tɔ́rilɔ 1:53

Nɛ̀ ki yaʔa Leviiyé bèle, peli bé tɛ́ni bè nyakungɛngɛ siɛnrɛ Kòridiʔɛ màʔa gè, kire ga buu Yewe funyɛrigbuʔɔ ki fǎga Isirayɛli tògo siɛnnɛ kpúɔn bèle. Leviiyé bèle, peli pe 'yɛli bèri Kòridiʔɛ wéli gè.»

Tɔ́rilɔ 8:18

A mi sí Leviiyé líɛ bèle Isirayɛliyé pìpelile pe mìɛni sìndiʔɛ nī gè.

Tɔ́rilɔ 8:20

Bà sí ki 'kpíʔile a Misa 'kele gálì ke mìɛni kpíʔile Leviiyé kɔli mɛ́ gè, wire nɛ́ Arawɔn nɛ́ Isirayɛli tògo siɛnnɛ ní bèle. A Isirayɛliyé pe 'ti mìɛni gbòbori nɛ̀ kpíʔile nɛ̀ yɛli nɛ́ gàa ní Yewe yé juu nɛ̀ gbɛ̀ngɛ Misa mɛ́ wè.