Tɔ́rilɔ 8:14 - Sénoufo Nyarafolo

¹⁴ A muɔ 'kire kpíʔile mmɛ gè, muɔ bé Leviiyé wàli bèle Isirayɛli siɛnnɛ sunʔɔmɔ nī bè; kire bé ki yaʔa pe bé kò mi wuulo.

Tɔ́rilɔ 8:14 Iomraidhean Croise

Tɔ́rilɔ 18:6

«Ki sí n'gɛ, mi nyɛ́nì yeli siinyɛninɛ Leviiyé líɛ bèle Isirayɛliyé sunʔɔmɔ nī bè. Pe yē wàlidɛngɛlɛ mi Yewe mɛ́; mi nyɛ́nì pe kɛn yeli mɛ́ peri Kpàlidiʔɛ Kpátaʔa baara kúu dè.

Tɔ́rilɔ 3:12

«-Ki wéli, mi tíimɛ mi nyɛ́nì Leviiyé nyíɛnɛ bèle nɛ̀ kɔ̀n Isirayɛli siɛnnɛ sunʔɔmɔ nī bè, Isirayɛliyé pìpelile sìndiʔɛ nī gè. Leviiyé peli yē mi wuulo.

Tɔ́rilɔ 3:45

«Muɔ bé Leviiyé líɛ bèle mi Yewe mɛ́, Isirayɛliyé pìpelile sìndiʔɛ nī gè, bé Leviiyé yajuuro líɛ dè Isirayɛli siɛnnɛ yajuuro pìpelile sìndiʔɛ nī gè. Leviiyé peli yē mi wuulo. Mi yē Yewe.

Tɔ́rilɔ 3:9

«Muɔ Misa wè, muɔ bé Leviiyé kɛn bèle Arawɔn mɛ́ wè, wire nɛ́ wi jaala ní bèle. Muɔ bé pe kɛn bè láʔa péwu wi mɛ́ Isirayɛli siɛnnɛ sunʔɔmɔ nī bè.

Tɔ́rilɔ 6:2

«Ma fànʔa kajuulo náà tìɛ lè Isirayɛliyé nɛ̄ bèle: «Lɛ̀lɛ líì nī nàguɔ wáà kire ga laa cɛliwɛ wáà 'nyuɔ kún nɛ̀ kɛn nɛ̀ jo wi bé wìi wàli dɛ́ngɛ Yewe mɛ́ wè, gàa gī Naziiri nyakungɛngɛ gè,

Tɔ́rilɔ 8:13

«Muɔ bé Leviiyé yérige bèle Arawɔn nɛ́ wi jaala yiʔɛ mɛ́ gè bé sí pe tìɛ Yewe nɛ̄ bɛ̀ yakɔnrɔ tíɛlɛ dàa pe 'yɛ̀gɛ naamɛ gè Yewe yiʔɛ mɛ́ gè.

Tɔ́rilɔ 8:17

Nɛ́ ki cɛ́n Isirayɛliyé jaafɔpelile pe mìɛni yē mi wuulo, a ki yē siɛn yo, kire ga laa yajuʔu yo. Cɛngɛ gíì mi 'Ezipiti siɛnnɛ jaafɔpelile kpúu bèle, mi yé peli wàli nɛ̀ tɛ́ngɛ mi wuulo.

Wurɔmiyé 1:1

Mi Pɔli wè, mi mi nyɛ́ni sɛbɛ ŋáà tórigi wè yeli mɛ́; mi yē Zezi Kirisi sùkulowo. Kulocɛliɛ wi 'mi yeri mi- puu wire tundunwɔ, nɛ̀ mi wàli nɛ̀ tɛ́ngɛ mi de wire Kataanna Siɛnrɛ jáari dè.

Galasiyé 1:15

Nɛ̀ ki yaʔa bà ki kɛ́nì yɛ̀ Kulocɛliɛ fungo nī gè, ki 'nyaa wi kacɛ̀ngɛ kɛnmɛ nɛ̄ bè, wire tíimɛ wi cé mi wàli nɛ̀ tɛ́ngɛ wìi wuu nɛ̀ ki yaʔa miì cé fìɛ siiʔ, nɛ̀ mi yéri.

Fànʔa Kajuʔulo 10:8

Kire lɛ̀lɛ lire nī Yewe 'Levii saʔa tùlugo wàli gè nɛ̀ tɛ́ngɛ bèri Yewe nyakungɛngɛ finʔɛgɛ turu gè, béri yèrí Yewe yiʔɛ mɛ́ gè bèri baara wi mɛ́, bé sí de Yewe náari wi- diba taʔa wè siɛnnɛ nɛ̄ bèle. Kire Leviiyé pe kpínʔini fúɔ nɛ̀ pɛ́nì nɔ̀ pàngɛ nɛ̄ gè.

Eburulo 7:26

Zezi wiī kacuɔnrilɔ kàfɔli ŋáà nɛ̄ weli màakuu yē wè. Wiī tiɛlɛ fùn, kolimɔ fùn, cìiliwe: wi 'wàli nɛ̀ líili kapiigbiʔilile nɛ̄ bèle, wiī tɛ́niwɛ naamɛ nyìʔɛnɛ nī.