Tɔ́rilɔ 8:13 - Sénoufo Nyarafolo

¹³ «Muɔ bé Leviiyé yérige bèle Arawɔn nɛ́ wi jaala yiʔɛ mɛ́ gè bé sí pe tìɛ Yewe nɛ̄ bɛ̀ yakɔnrɔ tíɛlɛ dàa pe 'yɛ̀gɛ naamɛ gè Yewe yiʔɛ mɛ́ gè.

Tɔ́rilɔ 8:13 Iomraidhean Croise

Tɔ́rilɔ 18:6

«Ki sí n'gɛ, mi nyɛ́nì yeli siinyɛninɛ Leviiyé líɛ bèle Isirayɛliyé sunʔɔmɔ nī bè. Pe yē wàlidɛngɛlɛ mi Yewe mɛ́; mi nyɛ́nì pe kɛn yeli mɛ́ peri Kpàlidiʔɛ Kpátaʔa baara kúu dè.

Tɔ́rilɔ 8:11

Bà Arawɔn wi bé Leviiyé tìɛ bèle Yewe nɛ̄ wè Isirayɛliyé sìndiʔɛ nī gè. Pe bé puu bɛ̀ yakɔnrɔ tíɛlɛ dàa muɔ yɛ̀gɛ naamɛ Yewe yiʔɛ mɛ́ gè, bà ki bé puu pe bé kò wàlidɛngɛlɛ Yewe mɛ́ wè, bèri wi baara kúu dè.

Tɔ́rilɔ 8:12

«Bà Leviiyé pe kɛ́nì pe kiyɛ taʔala yè nɛ̀piɛyɛligɛlɛ ke nyùyɔ nɛ̄ yè, muɔ bé làa nigbe líɛ bè lire kɔ̀n kapiʔile kàsulugo kakuɔrɔ, bé ní siinwoli kɔ̀n lè kakuɔrɔ kaasuʔuro Yewe mɛ́, bè kàsulugosuɔ baara kúɔ dè Leviiyé peli tíimɛ wuʔu gè.

Tɔ́rilɔ 8:14

A muɔ 'kire kpíʔile mmɛ gè, muɔ bé Leviiyé wàli bèle Isirayɛli siɛnnɛ sunʔɔmɔ nī bè; kire bé ki yaʔa pe bé kò mi wuulo.

Tɔ́rilɔ 8:21

A Leviiyé pe 'pìye cìile nɛ́ pe burudo ti mìɛni jíge. A Arawɔn 'pe tìɛ Yewe nɛ̄ wè bɛ̀ yakɔnrɔ tíɛlɛ dàa pe 'yɛ̀gɛ naamɛ gè Yewe yiʔɛ mɛ́ gè, nɛ́ kàsulugosuɔ baara kúɔ dè pe kɔli mɛ́ gè bè pe cìile.

Wurɔmiyé 12:1

Kire nɛ̄, mi siinyɛninɛ, mi nɛ yeli fiɛn wī, bɛ̀ Kulocɛliɛ wi 'kacɛ̀ngɛ kpíʔile we nɛ̄ kpuʔɔ wè, ye- yeli céri wewiire kɛn dè ti- puu kakuɔrɔ Kulocɛliɛ mɛ́, ye- yìye wàli ye tɛ́ngɛ wi mɛ́, kire ki bé Kulocɛliɛ dɛ́ni wè. Kire gī Kulocɛliɛ gbùʔɔrigɔ kányiʔɛ wuʔu gè.

Wurɔmiyé 15:16

bà wi 'mi kpíʔile Zezi Kirisi wi baakuɔwɔ wè kùlogolo kálì wuulo sunʔɔmɔ nī bè wè. Mi yē Kataanna Siɛnrɛ ti baakuɔwɔ nɛ̀ kò majo mi yē nɛ kakuɔrɔ kúu kùlogolo kálì siɛnnɛ kɛnmɛ nɛ̄ bè, bè pe wàli bè tɛ́ngɛ Kulocɛliɛ mɛ́ wè Kulocɛliɛ Pìle lire fànʔa nɛ̄ gè.