Tɔ́rilɔ 8:12 - Sénoufo Nyarafolo

¹² «Bà Leviiyé pe kɛ́nì pe kiyɛ taʔala yè nɛ̀piɛyɛligɛlɛ ke nyùyɔ nɛ̄ yè, muɔ bé làa nigbe líɛ bè lire kɔ̀n kapiʔile kàsulugo kakuɔrɔ, bé ní siinwoli kɔ̀n lè kakuɔrɔ kaasuʔuro Yewe mɛ́, bè kàsulugosuɔ baara kúɔ dè Leviiyé peli tíimɛ wuʔu gè.

Tɔ́rilɔ 8:12 Iomraidhean Croise

Yirile 29:10

Muɔ bé nɛ̀piɛyɛlilɛ cò lè bè pɛn nɛ́ ni ní Kpàlidiʔɛ Kpátaʔa yiʔɛ mɛ́ gè, dí Arawɔn nɛ́ wi jaala pe- sí kiyɛ taʔala yè nɛ̀piɛyɛlilɛ nyùgo nɛ̄ gè.

Leviiyé 1:4

«Siɛn wi bé wi kɔli taʔa gè kakuɔrɔ yajuʔu ki nyùgo nɛ̄ gè, kire ga buu Yewe- fɔ̀li ki nɛ̄ ki- kò kàsulugosuɔ wuʔu wi mɛ́.

Leviiyé 14:22

Wi bé pɛn míɛni nɛ́ gòtogolo siin ní kire ga laa gòriwuɔyɔ siin ní, nɛ̀ yɛli nɛ́ wi taagɛnmɛ ní bè. Wi bé nigbe kɔ̀n kapiʔile kàsulugo kakuɔrɔ woli, nìi ni bé puu kakuɔrɔ kaasuʔuro woli lè.

Leviiyé 16:11

«Bà Arawɔn bé pɛn nɛ́ nɛ̀piɛyɛlilɛ ní lè, kapiʔile kàsulugo kakuɔrɔ woli lè, bè kàsulugosuɔ baara kúɔ dè wi tíimɛ kɛnmɛ nɛ̄ bè nɛ́ wi saʔa wuulo kɛnmɛ nɛ̄ bè. Wi bé nɛ̀piɛyɛlilɛ kɔni lè, wire tíimɛ kapiʔile kàsulugo kakuɔrɔ woli lè.

Leviiyé 16:21

Arawɔn wi bé wi kiyɛ siin taʔala yè síkapɔli wowiiwe wi nyùgo nɛ̄ gè, bé sí Isirayɛliyé kolimɔ kele ke mìɛni juu nɛ́ pe tuudiʔɛlɛ ní gèle, kire 'jo pe kapiʔile ke mìɛni gèle. Wi bé ke juu bè taʔa síkapɔli wi nyùgo nɛ̄ gè, kire kàduʔumɛ siɛn ŋáà pe 'nyíɛnɛ nɛ̀ kɔ̀n wè, wi bé síkapɔli cìra wè bè tórigo waama kùlo nī lè.

Leviiyé 16:6

«Arawɔn bé pɛn nɛ́ kapiʔile kàsulugo nɛ̀piɛyɛlilɛ ní lè wire tíimɛ woli lè, bè kàsulugosuɔ baara kúɔ dè wire tíimɛ wuʔu nɛ̄ gè nɛ́ wi saʔa wuulo wuʔu nɛ̄ gè.

Leviiyé 4:15

Isirayɛli tògo liɛlɛ pe bé pe kiyɛ taʔala yè nɛ̀piɛyɛlilɛ ni nyùgo nɛ̄ gè Yewe yiʔɛ mɛ́, dí pe wàa sí ni kɔni Yewe yiʔɛ mɛ́ gè.

Leviiyé 4:20

Wi bé ki kpíʔile nɛ́ nɛ̀piɛyɛlilɛ náà ní lè majo kɛnmɛ bíì nɛ̄ wi 'ki kpíʔile nɛ́ kapiʔile kàsulugo nɛ̀piɛyɛlilɛ níì ní lè. Bɛ̀ sí wi bé ki kpíʔile bè kàsulugosuɔ baara kúɔ dè, bà pe kapiʔile kàsulugo ki bé suɔ.

Leviiyé 4:35

«Kacuɔnriwɔ wi 'yɛli bè sùnmɔ tiɛyɛ yi mìɛni kɔ̀n yè, majo bɛ̀ ki 'kpíʔile yanyige yakɔnrɔ wori nɛ̄ dè, bè yi sórigo gbùʔɔrɔdiʔɛ nɛ̄ gè nɛ́ yakɔnrɔ díì ní dè dàa dī baa dè, dàa kàsun ki sórigi Yewe yiʔɛ mɛ́ gè. Kacuɔnriwɔ wi bé sí kàsulugosuɔ baara kúɔ dè wi mɛ́, bà siɛn wi kapiʔile kàsulugo ki bé suɔ.»

Leviiyé 4:4

«Wi sí pɛn nɛ́ nɛ̀piɛyɛlilɛ ní Kpàlidiʔɛ Kpátaʔa wìile mɛ́ lè, Yewe yiʔɛ mɛ́ gè, bé wi kɔli taʔa gè ni nyùgo nɛ̄ gè bé ni kɔni Yewe yiʔɛ mɛ́ gè.

Leviiyé 5:7

«A yakaa wè siɛn mɛ́ wèʔ bè ba sìnbapori kire ga laa síkacuɔ suɔ wèʔ, wi bé pɛn nɛ́ gòtogolo siin ní kire ga laa gòriwuɔyɔ siin ní Yewe mɛ́ wè, kapiʔile kàsulugo kakuɔrɔ wori kapiile náà wi 'kpíʔile lè. Làa bé puu kapiʔile kàsulugo kakuɔrɔ woli, nìi ni bé puu kakuɔrɔ kaasuʔuro woli.

Leviiyé 8:14

A wi sí pɛn nɛ́ kapiʔile kàsulugo kakuɔrɔ nɛ̀piɛyɛlilɛ ní lè, a Arawɔn nɛ́ wi jaala pe sí kiyɛ taʔala yè ni nyùgo nɛ̄ gè.

Leviiyé 8:15

A Misa 'ni kɔni nɛ́ ni sìsiɛn tuʔɔ gè nɛ́ sí wi kabiɛlɛ nígi lè ki nī nɛ̀ taʔa gbùʔɔrɔdiʔɛ yafanʔa ki nyɛgɛlɛ nɛ̄ gèle nɛ̀ ki cìile, nɛ́ sí sìsiɛn sɛngɛ wo gè gbùʔɔrɔdiʔɛ ki táanmɛ tiɛyɛ nī yè. Bɛ̀ ki 'kpíʔile a wi 'ki wàli nɛ̀ tɛ́ngɛ kire ga buu peri kàsulugosuɔ baara kúu dè ki nɛ̄.

Leviiyé 8:18

A wi sí pɛn nɛ́ kakuɔrɔ kaasuʔuro sìnbapɔli ní wè. A Arawɔn nɛ́ wi jaala pe sí kiyɛ taʔala yè sìnbapɔli wi nyùgo nɛ̄ gè.

Leviiyé 8:34

Gàa 'ki kpíʔile pàngɛ gè, kire Yewe cé juu nɛ̀ gbɛ̀ngɛ nɛ́ jo we- ki kpíʔile bè yeli kàsulugosuɔ baara kúɔ dè.

Leviiyé 9:7

A Misa sí ń'nɛ̀ ki juu Arawɔn mɛ́ wè nɛ́ jo: «Sìʔɛrɛ náʔa ma kpɔni gbùʔɔrɔdiʔɛ yafanʔa nɛ̄ gè. Ma pɛn nɛ́ muɔ kapiʔile kàsulugo kakuɔrɔ nɛ́ muɔ kakuɔrɔ kaasuʔuro ní dè, ma kàsulugosuɔ baara kúɔ dè, muɔ wori dè nɛ́ siɛnnɛ pe wori ní dè, nɛ̀ yɛli nɛ́ gàa ní Yewe 'juu nɛ̀ gbɛ̀ngɛ gè.»

Tɔ́rilɔ 6:14

Wi bé pɛn bè pa wi kpuʔɔrɔ kɛn dè Yewe mɛ́ wè. Wi bé pɛn nɛ́ yiɛlɛ nigbe sìnbapɛnnɛ ní nàa nī kpɔlidiɛlɛ fùn wè, kakuɔrɔ kaasuʔuro woli lè; nɛ́ yiɛlɛ nigbe sìnbapori ní ŋàa wī kpɔlidiɛlɛ fùn wè, kapiʔile kàsulugo kakuɔrɔ wuu wè; nɛ́ sìnbapɔli wáà ní ŋàa wī kpɔlidiɛlɛ fùn wè, wire wī yanyige yakɔnrɔ wuu wè;

Tɔ́rilɔ 6:16

«Bà kacuɔnriwɔ wi bé ti líɛ bè pɛn Yewe yiʔɛ mɛ́ gè, bè ti kɔ̀n kapiʔile kàsulugo kaara nɛ́ míɛni kakuɔrɔ kaasuʔuro, Naziiri siɛn mɛ́ wè.

Tɔ́rilɔ 8:13

«Muɔ bé Leviiyé yérige bèle Arawɔn nɛ́ wi jaala yiʔɛ mɛ́ gè bé sí pe tìɛ Yewe nɛ̄ bɛ̀ yakɔnrɔ tíɛlɛ dàa pe 'yɛ̀gɛ naamɛ gè Yewe yiʔɛ mɛ́ gè.

Tɔ́rilɔ 8:8

Pe bé nɛ̀piɛyɛlilɛ láà cò, bé sí yaliire yakɛnrɛ dáà fàri dè ti nɛ̄, dàa dī míifuɔnibɔ bàa pe 'nyaʔami nɛ́ sùnmɔ ní bè. Muɔ bé sí ní nɛ̀piɛyɛlilɛ siinwoli cò lè kapiʔile kàsulugo kakuɔrɔ woli lè.

Eburulo 9:22

Nɛ̀ yɛli nɛ́ Fànʔa Siɛnrɛ ní dè, yɛrɛ ti sáamɛ yé yɛli ti- cìile nɛ́ sìsiɛn ní. Nɛ́ ki cɛ́n kapiʔile kàsulugo suɔlɔ niǐ cî gbɛ̀ taaʔ a sìsiɛn sì wo wèʔ.