Tɔ́rilɔ 7:12 - Sénoufo Nyarafolo

¹² Cɛnbelige nɛ̄ gè, ŋàa wi pɛ́nì wi kpuʔɔrɔ yɛrɛ kɛn dè, wire wi 'puu Nasɔn, Aminadabi jaa wè, Zuda saʔa tùlugo ki kàfɔli wè.

Tɔ́rilɔ 7:12 Iomraidhean Croise

Sélimɛ 35:22

Bà Isirayɛli 'puu baa tɛ́niwɛ kire tiʔɛ tɛ́nimɛ nī bè, a Wurubɛni kɛ́nì yɛ̀ nɛ̀ wi tuu cuɔ wáà taa, ŋàa pe 'puu nɛ ye Biliya wè. A Isirayɛli 'ti lúʔu. Jaafɔlilɔ kiɛ nɛ́ siin pe 'puu Yakuba mɛ́ wè.

Sélimɛ 35:23

Leya jaala peli pe 'puu bàli bèle: Wurubɛni wire wi 'puu Yakuba jaapeliwe wè, nɛ̀ Simɛyɔ taʔa, nɛ̀ Levii taʔa, nɛ̀ Zuda taʔa, nɛ̀ Izakari taʔa, nɛ̀ yɛ̀ nɛ̀ Zabulɔn taʔa.

Sélimɛ 49:10

Fànʔa kàgbiile niǐ ga tíi yiri Zuda narigɛ nī gèʔ, nɛ̀ pínɛ fànʔa sápile niǐ ga tíi yiri wi kiyɛ nī yèʔ, fúɔ bè taa ni kàfɔli wi ba pɛn, wire ŋáà mɛ́ siɛnfeliye yi béri lúru wè.

Sélimɛ 49:8

Zuda muɔ wè, muɔ wī muɔ cɔninɔ pe béri kpóri. Muɔ kɔli ki béri muɔ leguulo kɔ́ri bèle kànyaa mɛ́ gè. Muɔ tuu jaala, pe béri tun de cúbulo muɔ yiʔɛ mɛ́ gè.

Tɔ́rilɔ 1:5

Nàguɔlɔ pe míɛyɛ yire yī nyàa yè, bàli pe bé yeli sáʔa bèle: Wurubɛni wuulo nī bèle Elizuri, Sedewuri jaa wè;

Tɔ́rilɔ 1:7

Zuda wuulo nī bèle Nasɔn, Aminadabi jaa wè;

Tɔ́rilɔ 10:14

Zuda gboli wuulo bèle, kapiɛngbuɔn tòyo taanri yi 'puu nɛ waa wi káfali láara wè. Nasɔn, Aminadabi jaa wè, wire wi 'puu Zudayé kapiɛngbuɔn tògo ki kàfɔli wè.

Tɔ́rilɔ 2:3

«Gàa sí gī baa gè, bàli bīɛlɛ Zuda gboli wuulo bèle, pe bé pe bùguro kpúɔn dè gboli ni káfali láara wè, Kòridiʔɛ lìʔɛlɛ nī lè cɛngɛnyɛnifoligɔli mɛ́ gè. Siɛn ó siɛn 'yɛli wi- puu wi kapiɛngbuɔn tògo nī gè. Nasɔn, Aminadabi jaa wè, wire wī Zudayé kàfɔli wè.

Tɔ́rilɔ 7:11

Nɛ́ ki cɛ́n Yewe cé ki juu Misa mɛ́ nɛ́ jo: «Cɛngɛ ó cɛngɛ saʔa tùlugo kàfɔli wáà nigbe bé pɛn bè pa wi kpuʔɔrɔ kɛn dè, gbùʔɔrɔdiʔɛ múgu wori dè.»

Tɔ́rilɔ 7:13

Wire kpuʔɔrɔ tire ti 'puu dàa dè: walifiiwe tasaa nigbe, ŋàa wi lúbugogɛnnɛ ni 'puu culo nigbe nɛ́ tílaga, nɛ́ walifiiwe tasaaduru nigbe, ŋàa wi lúbugogɛnnɛ ni 'puu giraminɛ sirasicɛri (800), nɛ̀ yɛli nɛ́ Yewe saawalidɛngɛgɛ ki culolo tɔ́rigɛnmɛ ní bè. Tasaala bálì pe mìɛni siin cé puu nyìminɛ nɛ́ míifuɔnibɔ ní bàa pe 'nyaʔami nɛ́ sùnmɔ ní bè, yaliire yakɛnrɛ wori dè.

Matiye 1:4

A Arami 'yɛ̀ nɛ̀ Aminadabi sii; a Aminadabi 'yɛ̀ nɛ̀ Nasɔn sii; a Nasɔn 'yɛ̀ nɛ̀ Salimɔni sii;

Luku 3:32

Dawuda tuu wè pe 'puu nɛ wi yeri Yese. Yese tuu wè pe 'puu nɛ wi yeri Wobɛdi. Wobɛdi tuu wè pe 'puu nɛ wi yeri Bowozi. Bowozi tuu wè pe 'puu nɛ wi yeri Sala. Sala tuu wè pe 'puu nɛ wi yeri Nasɔn.