Tɔ́rilɔ 6:3 - Sénoufo Nyarafolo

³ wi bè láʔa yɛrɛ dáà nɛ̄ dè: wiì yɛli bè diviɛn gbuɔʔ nɛ́ míɛni bè sungbɛnmɛ gbuɔ bèʔ, wiǐ gbɛ̀ diviɛn luʔɔ gbuɔʔ gàa ki 'tanʔana gèʔ, nɛ́ míɛni sunmɔ páà ní bàa pi bé gbɛ̀ siɛn cáan wèʔ, a ki cɛ́nì nyaa bè ɛrɛzɛn luʔɔ gbuɔʔ. Wiì sí yɛli míɛni bè ɛrɛzɛn yasɛnrɛ káaʔ, dàa dī sìpiride dèʔ nɛ́ dàa ti 'waʔa dèʔ.

Tɔ́rilɔ 6:3 Iomraidhean Croise

Leviiyé 10:9

«A muɔ kɛ́nì je jíin Kpàlidiʔɛ Kpátaʔa nī gè, muɔ sì yɛli bè diviɛn gbuɔ bé nɛ́ cɛ ga jo sunmɔ páà piiyɛʔ, muɔ nɛ́ muɔ jaala ní bèle, á kire bɛ̀ʔ yeli bé kùu wī. Tire ti bé puu fànʔa kaala súuri yeli mɛ́ nɛ́ yeli siimɛ ní bè,

Tɔ́rilɔ 6:4

Wi Naziiri nyakungɛngɛ lɛ̀lɛ ni mìɛni nī lè, wiì cɛ́nì yɛli bè yafiɛn káaʔ gàa ki 'kɔ́n ɛrɛzɛn fétire nī dèʔ, bè ki séli baa ɛrɛzɛn cìʔile nɛ̄ gèle fúɔ bè pa nɔ̀ wi forido nɛ̄ dèʔ.

Luku 1:15

Ki 'nyaa wi bága pa puu siɛnkpuɔwɔ Kàfɔli wi yiʔɛ mɛ́ gè. Wiǐ ga sunmɔ gbuɔʔ, nɛ̀ pínɛ, wiǐ ga yakaa gbuɔ ki- puu gbɛ̀ngɛʔ. Kulocɛliɛ Pìle ni bé wi nyì dí wiri tíin baa wi yàa liyɛ nī yè.

Luku 21:34

«Ye- yìye cò cɛ̀ngɛ, ye fǎga yeli funyɔ yaʔa yè yi- de nyaʔamiʔ, cègbuʔɔ yaliimɛ, nɛ́ sungbuɔdinre, nɛ́ duniya kasɔngilɔ ní gèle. A kire 'laa wè kàyuʔujuujɛngɛ ki bága pa yeli fuu,

Efɛziyé 5:18

Ye fǎri sunmɔ gbun de tunʔ; sunmɔ piī nɛ siɛn nii kanyaʔamirɛ nī. Gìi ki 'pɔ́ri gè, ye- puu ye nyì Kulocɛliɛ Pìle lire nɛ̄.

Tesalonikiyé 1 5:22

Sìpiire felide ti mìɛni dè, ye- yìye cò ti nɛ̄.

Timote 1 5:23

Ma fǎri luʔɔ yákuɔ gbunʔ, bɛ̀ ki yē gè, ma diviɛn cɛ̀ri fàri baa, liyɛyaara tire kɛnmɛ nɛ̄, nɛ́ ki cɛ́n muɔ nɛ yáa túɔntuɔn.

Eburulo 9:10

Kire Kulocɛliɛ gbùʔɔrigɛnmɛ fànʔa kele gèle, keli ke 'puu nɛ nyu céri kele yákuɔ nɛ̄ gèle: yaliire nɛ́ yagbuɔrɔ wori nɛ̄ dè nɛ́ jígemununɔ kele feliye wori nɛ̄. Ti yé puu fànʔa kele fúɔ nɛ̀ pɛ́nì nɔ̀ lɛ̀lɛ líì nī ti tìɛgɛnmɛ pi 'yiʔɛ nɛ̀ kò fɔnbɔ bè.