Tɔ́rilɔ 6:2 - Sénoufo Nyarafolo

² «Ma fànʔa kajuulo náà tìɛ lè Isirayɛliyé nɛ̄ bèle: «Lɛ̀lɛ líì nī nàguɔ wáà kire ga laa cɛliwɛ wáà 'nyuɔ kún nɛ̀ kɛn nɛ̀ jo wi bé wìi wàli dɛ́ngɛ Yewe mɛ́ wè, gàa gī Naziiri nyakungɛngɛ gè,

Tɔ́rilɔ 6:2 Iomraidhean Croise

Yirile 33:16

Mɛni siɛnsɛnminɛ bílì pe bága ki cɛ́n mi nyɛ́nì kpuʔɔrɔ taa muɔ yiʔɛ mɛ́ gè, mi nɛ́ muɔ siɛnnɛ ní bèle ? A ki 'nyaa muɔ tíimɛ yē nɛ tári nɛ́ weli ní wè, kire ga buu ki- puu fìɛ mi nɛ́ muɔ siɛnnɛ ní bèle, siɛnsɛnminɛ pé sí ki cɛ́n muɔ wàlimɛ kpíʔile weli nɛ́ siɛnsɛnminɛ sunʔɔmɔ nī bè dàala nɛ̄ lè ?»

Leviiyé 20:26

«Yeli 'yɛli bè puu tiɛlɛ fùn, wàlidɛngɛlɛ mi mɛ́, nɛ́ ki cɛ́n mi Yewe, mi yē tiɛlɛ fùn; mi 'yeli wàli nɛ̀ yige kùlogolo siɛnfeliye sunʔɔmɔ nī bè, yeli- puu mi wuulo.

Leviiyé 27:2

«Ma ki juu Isirayɛli siɛnnɛ mɛ́ bèle ma kele gálì tìɛ gèle pe nɛ̄: «A siɛn wáà 'ki nyíɛnɛ nɛ̀ kɔ̀n bè nyakungɛngɛ kpíʔile Yewe mɛ́ wè, bè wìi kɛn kire ga laa bè wi saʔa wuu wáà kɛn Yewe mɛ́ wè, wi bé nyakungɛngɛ fori gè bè wali kɛn siɛn sìndiʔɛ nī gè bè tánʔa bè yɛli nɛ́ wali nyuɔ ní gè gàa 'ki tìɛ gè.

Tɔ́rilɔ 30:3

«A ki yē nàguɔ wáà 'nyuɔ kún nɛ̀ kɛn Yewe mɛ́ wè, kire ga laa a wi 'kàli nɛ̀ wìi puɔ kaala láà nī lè, wiì yɛli bàga kire kàlilɛ cúʔɔ lèʔ; dìi ti mìɛni ti 'yiri wi nyuɔ nī gè, wi 'yɛli bè ti kpíʔile.

Tɔ́rilɔ 6:1

A Yewe wi ń'nɛ̀ ki juu Misa mɛ́ nɛ́ jo:

Luku 1:15

Ki 'nyaa wi bága pa puu siɛnkpuɔwɔ Kàfɔli wi yiʔɛ mɛ́ gè. Wiǐ ga sunmɔ gbuɔʔ, nɛ̀ pínɛ, wiǐ ga yakaa gbuɔ ki- puu gbɛ̀ngɛʔ. Kulocɛliɛ Pìle ni bé wi nyì dí wiri tíin baa wi yàa liyɛ nī yè.

Kakpiʔiligele 18:18

A Pɔli wi ń'nɛ̀ kò baa nɛ̀ cɛnyɛ nìʔɛyɛ kúɔ Korɛnti kàʔa nī gè nɛ́ tɛ́ngɛfɔlilɔ ní bèle. A wi 'kúɔ nɛ́ jíin kɔ́rikpuʔɔ nī gè nɛ̀ kɛ́ Siirii kùlo mɛ́, wire nɛ́ Pirisiili nɛ́ Akiilasi. Bà pe kâ sɛ́nì jíin Sankire kàʔa nī gè, a Pɔli wi 'tí a pe 'wi nzìire celile dè. Ki 'nyaa wi cé nyuɔ kún nɛ̀ kɛn; kire sìɛrɛ tire wi cé kɔ̀n.

Wurɔmiyé 1:1

Mi Pɔli wè, mi mi nyɛ́ni sɛbɛ ŋáà tórigi wè yeli mɛ́; mi yē Zezi Kirisi sùkulowo. Kulocɛliɛ wi 'mi yeri mi- puu wire tundunwɔ, nɛ̀ mi wàli nɛ̀ tɛ́ngɛ mi de wire Kataanna Siɛnrɛ jáari dè.

Korɛntiyé 2 6:16

Gáa ki 'ti pínɛ Kulocɛliɛ Gbùʔɔrɔsaʔa gè nɛ́ yasunro ní dè ? Ki 'nyaa weli bèle, Kulocɛliɛ wewiiwe wi Gbùʔɔrɔsaʔa weli yē, nɛ̀ yɛli nɛ́ gìi Kulocɛliɛ wi 'juu gè, wi 'jo: M'bága puu kòriwo pe nī, nɛ̀ pínɛ m'béri tári nɛ́ pe ní. M'bé puu pe Kulocɛliɛ wè, dí peli sí puu mi kùlo wuulo bèle .

Galasiyé 1:15

Nɛ̀ ki yaʔa bà ki kɛ́nì yɛ̀ Kulocɛliɛ fungo nī gè, ki 'nyaa wi kacɛ̀ngɛ kɛnmɛ nɛ̄ bè, wire tíimɛ wi cé mi wàli nɛ̀ tɛ́ngɛ wìi wuu nɛ̀ ki yaʔa miì cé fìɛ siiʔ, nɛ̀ mi yéri.

Eburulo 7:27

Wi wè bɛ̀ʔ kacuɔnrilɔ kàfɔlisɛnminɛ tíɛlɛ bèleʔ; wi màakuu wè bèri kakuɔrɔ yajuuro kɔ̀ngíʔ cɛngɛ ó cɛngɛʔ, bè séli wi tíimɛ kapiʔile wuʔu nɛ̄ gèʔ, kire kàduʔumɛ gè, nɛ́ siɛnnɛ wuʔulo ní gèleʔ. Wi nyɛ́nì ki kakuɔrɔ kúɔ dè tɔligɔ nigbe nɛ̄, bà wi yé wìi tíimɛ kɛn wè.