Tɔ́rilɔ 5:9 - Sénoufo Nyarafolo

⁹ «Kpuʔɔrɔ ó kpuʔɔrɔ dáà Isirayɛli siɛnnɛ pe yé kɔ̀n nɛ̀ kɛn dè, dàa dī wàlidɛngɛrɛ Yewe mɛ́ wè, tire yē kacuɔnriwɔ wire wori, ŋàa mɛ́ pe 'ti kɛn dè.

Tɔ́rilɔ 5:9 Iomraidhean Croise

Yirile 29:28

Tire bé puu fànʔa kaala Isirayɛli siɛnnɛ mɛ́ bèle lɛ̀lɛ ó lɛ̀lɛ, nàa ni 'jo lè kaara tiɛyɛ nyáà yire yē Arawɔn nɛ́ wi jaala wori dè. Nɛ́ ki cɛ́n tire yē kpuʔɔrɔ dáà pe 'kɔ̀n nɛ̀ kɛn Yewe mɛ́ wè, bà ti bé puu pe liʔɛlɛ, peri ke kɔ̀ngí pe yanyige kaara nī dè de kanʔa Yewe mɛ́ wè.

Leviiyé 10:13

«Yeli bé ti káa tiɛwalidɛngɛgɛ káà nī, nɛ́ ki cɛ́n tire yē muɔ nɛ́ muɔ jaala liɛlɛ kakuɔrɔ yakɔnrɔ nī dè dàa kàsun ki sórigi dè. Fànʔa kaala nī nàa Yewe 'juu nɛ̀ gbɛ̀ngɛ m'mɛ́ wè.

Leviiyé 10:14

«Nɛ̀ ki yaʔa dìribuu kaara dáà pe yɛ̀gí naamɛ Yewe yiʔɛ mɛ́ gè nɛ́ kpuʔɔrɔ ciile kaara ní dè, yeli bé ti káa tiɛciilige káà nī, muɔ wè nɛ́ muɔ jaala nɛ́ muɔ pórilo ní bèle, nɛ́ ki cɛ́n tire yē muɔ nɛ́ muɔ jaala liɛlɛ kakuɔrɔ wori, Isirayɛli siɛnnɛ pe yanyige yakɔnrɔ nī dè. Fànʔa kaala nī.

Leviiyé 10:15

«Kpuʔɔrɔ ciile kaara nɛ́ dìribuu kaara dáà pe yɛ̀gí naamɛ, pe bé pɛn nɛ́ ti ní nɛ̀ fàri sùnmɔ tiɛyɛ nɛ̄ yè nyàa kàsun ki sórigi yè, bè ti yɛ̀gɛ naamɛ Yewe yiʔɛ mɛ́ gè. Tire bé puu muɔ nɛ́ muɔ jaala liɛlɛ súuri, nɛ̀ yɛli nɛ́ fànʔa kaala ní lè nàa Yewe cé juu nɛ̀ gbɛ̀ngɛ lè.»

Leviiyé 7:32

Yeli yanyige yakɔnrɔ kaara ti kàliige ciile lè, yeli bé lire kɛn kpuʔɔrɔ kacuɔnriwɔ mɛ́ wè.

Leviiyé 7:34

«Nɛ́ ki cɛ́n dìribuu kaara dáà pe yɛ̀gí naamɛ Yewe yiʔɛ mɛ́ gè nɛ́ kpuʔɔrɔ kàliige ciile ní lè, mi Yewe mi nyɛ́nì ti láʔala Isirayɛli siɛnnɛ pe yanyige yakɔnrɔ nɛ̄ dè, nɛ̀ ti kɛn kacuɔnriwɔ Arawɔn nɛ́ wi jaala mɛ́ bèle; pe liɛlɛ lire nī. Fànʔa kaala nī súuri.»

Tɔ́rilɔ 18:19

«Kpuʔɔrɔ wàlidɛngɛrɛ dáà ti mìɛni Isirayɛli siɛnnɛ piyē nɛ kɔ̀ngí nɛ kanʔa Yewe mɛ́ wè, m'bé ti kɛn muɔ mɛ́, muɔ nɛ́ muɔ jaala ní bèle nɛ́ muɔ pórilo ní bèle. Tire bé puu fànʔa kaala lɛ̀lɛ ó lɛ̀lɛ nī. Kire yē nyakungɛngɛ Yewe yiʔɛ mɛ́ gè, muɔ mɛ́ nɛ́ muɔ siimɛ ní bè, lɛ̀lɛ ó lɛ̀lɛ nī, gàa kiǐ gbɛ̀ yaʔa gèʔ.»

Tɔ́rilɔ 31:41

A Misa 'Yewe liʔɛlɛ ke mìɛni kɔ̀n nɛ̀ kɛn gàli ke 'puu kpuʔɔrɔ Yewe mɛ́ wè, nɛ́ ke kɛn kacuɔnriwɔ Eleyazari mɛ́ wè, majo bɛ̀ Yewe yé ki juu nɛ̀ gbɛ̀ngɛ wi mɛ́ wè.

Tɔ́rilɔ 5:8

«A ki sí nyaa majo siɛn wi 'kùu wè, a siɛn ŋáà wi narigɛ wuu wáà ní wè baaʔ bè ki yɛrɛ líɛ dè, kolimɔfɔli wi bé pɛn nɛ́ ti ní bè pa ti kɛn Yewe mɛ́ wè, kire 'jo kacuɔnriwɔ mɛ́ wè. Nɛ̀ taʔa ki nɛ̄ wi 'yɛli bè sìnbapɔli caa bè kɛn kacuɔnriwɔ mɛ́ wè, ŋàa ní wi bé kàsulugosuɔ kakuɔrɔ kúɔ dè bè kapiile láʔa kolimɔfɔli nɛ̄ wè.

Fànʔa Kajuʔulo 12:26

«Nɛ̀ ki yaʔa yakɔnrɔ dáà muɔ 'wàli nɛ̀ tɛ́ngɛ Yewe mɛ́ wè, nɛ́ yakɔnrɔ dáà wori míɛni muɔ yé nyuɔ kún gè nɛ̀ kɛn gè, tire dè muɔ 'yɛli bè kɛ́ nɛ́ ti ní tiʔɛ gáà nī Yewe cé nyíɛnɛ nɛ̀ kɔ̀n gè.