Tɔ́rilɔ 5:7 - Sénoufo Nyarafolo

⁷ Wi 'yɛli bè yéri ki kapiile nɛ̄ lè, bé sí ki felige núgo gè bè kɛn gàa wi 'cúʔɔ gè, bé ni ki felige tílaya tiɛyɛ kogunɔwuʔu taʔa ki nɛ̄. Wi bé ti mìɛni pínɛ bè kɛn siɛn mɛ́ wè ŋàa mɛ́ wi 'koli wè.

Tɔ́rilɔ 5:7 Iomraidhean Croise

Ŋúnuyɔ 32:5

Mi 'mi kapiile juu lè nɛ̀ tìɛ muɔ nɛ̄; mi sì mi kolimɔ làrigɛ bèʔ. A mi 'ki juu nɛ́ jo: «M'bé yéri mi tuudiɛlɛ nɛ̄ lè Yewe yiʔɛ mɛ́.» Kire nɛ̄ a muɔ 'mi kolimɔ yaʔa bè mi nɛ̄. Ye‑ ŋɔ́ cɛ̀.

Leviiyé 26:40

«Nɛ̀ sí ki yaʔa a pe 'fɔ̀li nɛ̀ yéri pe kolimɔ kele nɛ̄ gèle nɛ́ pe tobilo wuʔulo ní gèle, gàli pe 'kpíʔile gèle bà pe 'kolimɔ taa mi Yewe yiʔɛ mɛ́ gè nɛ́ cíi nɛ̀ kò leguuro nɛ̄ nɛ́ mi ní wè,

Leviiyé 26:41

fúɔ a mi tíimɛ pɛ́nì cíi nɛ̀ kò leguuro nɛ̄ nɛ́ pe ní, a mi sí pe tórigo pe leguulo kùlo nī lè, a ki sí nyaa pe 'pe nàzɔngbɛnyɛ yiʔɛ yè, nɛ́ pìye cɛ́rigɛ wè, nɛ́ yéri ki nɛ̄ nɛ̀ ki cɛ́n peli kolimɔ sàri wi 'yɛli nɛ́ peli ní wè,

Leviiyé 5:15

«A ki sí nyaa wàa 'koli, a wi 'kapiile kpíʔile yɛrɛ dáà wuʔu nɛ̄ gè dàa dī wàlidɛngɛrɛ Yewe mɛ́, a wiì ki kɔ̀rirɔ gèʔ, wi bé pɛn nɛ́ sìnbapɔli ní Yewe mɛ́, ŋàa wī kolimɔ kakuɔrɔ wuu wè. Wi bé wi nyíɛnɛ gɔ̀n wi sìnbatogo nī gè, kpɔlidiɛlɛ fùn, sìnbapɔli ŋáà walifiiwe walikpegele lɔri ti 'juu nɛ̀ yɛli nɛ́ saawalidɛngɛgɛ ki wali tɔ́rigɛnmɛ ní bè.

Leviiyé 5:16

Yawalidɛngɛgɛ gáà wuʔu nɛ̄ wi 'koli gè, wi 'yɛli bè ki fuʔɔ tɔ́n gè, bé ní tílaya kogunɔwuʔu fàri gè ki nɛ̄ bè ti kɛn kacuɔnriwɔ mɛ́ wè. Kacuɔnriwɔ wi bé kàsulugosuɔ baara kúɔ dè wi mɛ́ nɛ́ kolimɔ kakuɔrɔ ní dè, sìnbapɔli wè, bà siɛn wi kapiʔile kàsulugo ki bé suɔ.

Leviiyé 5:5

«Kele gálì ke mìɛni gèle, a ki pɛ́nì nyaa wàa 'ki cɛ́n wi nyɛ́nì kolimɔ taa wè, wi 'yɛli bè yéri siɛnnɛ yiʔɛ mɛ́ gè bè wi kapiile juu lè.

Leviiyé 7:7

Kolimɔ kakuɔrɔ fànʔa kajuʔulo gèle, kiyē nugolo nɛ́ kapiʔile kàsulugo kakuɔrɔ wuʔulo ní gèle. Kaasɛnrɛ tire yē kacuɔnriwɔ wire wori, wire ŋáà wi 'kàsulugosuɔ baara kúɔ dè.

Tɔ́rilɔ 5:8

«A ki sí nyaa majo siɛn wi 'kùu wè, a siɛn ŋáà wi narigɛ wuu wáà ní wè baaʔ bè ki yɛrɛ líɛ dè, kolimɔfɔli wi bé pɛn nɛ́ ti ní bè pa ti kɛn Yewe mɛ́ wè, kire 'jo kacuɔnriwɔ mɛ́ wè. Nɛ̀ taʔa ki nɛ̄ wi 'yɛli bè sìnbapɔli caa bè kɛn kacuɔnriwɔ mɛ́ wè, ŋàa ní wi bé kàsulugosuɔ kakuɔrɔ kúɔ dè bè kapiile láʔa kolimɔfɔli nɛ̄ wè.

Luku 19:8

A Zase wi sí yɛ̀ nɛ̀ yéri nɛ́ juu nɛ́ Kàfɔli ní wè nɛ́ jo: «Nyaa, Kàfɔli, m'bé mi lɔri ti tílaga kɛn gè fuunmɔfɔlilɔ mɛ́, nɛ̀ pínɛ a ki yē mi 'wàa yùu yakaa nī wè, m'bé ki felige tiɛyɛ sicɛri kɛn ki siɛn mɛ́ wè.»