Tɔ́rilɔ 5:3 - Sénoufo Nyarafolo

³ Nàguɔ wī yo, cɛliwɛ wī yo, yeli bé pe yige bùguro kàduʔu mɛ́ gè kire ga buu pe fǎga bùguro núʔɔ dèʔ, dàa sunʔɔmɔ nī mi yē wè.»

Tɔ́rilɔ 5:3 Iomraidhean Croise

Ŋúnuyɔ 68:18

Kulocɛliɛ wi suɔnyɔ wotorilo piyē nìʔɛnɛ fúɔ nɛ̀ ki yaʔa siɛn sǐ gbɛ̀ jaa bè pe tɔ́riʔ; wotorilo piyē siramuʔɔyɔ siramuʔɔyɔ. Kàfɔli wi nyɛ́nì kɔ́n nɛ́ pe ní Sinayii nyagurugo nɛ̄ nɛ̀ sɛ́nì jíin wi saawalidɛngɛgɛ nī gè.

Yirile 25:8

Yeli bé ti mìɛni líɛ bè saawalidɛngɛgɛ káà kpíʔile m'mɛ́ kire ga buu mi- gbɛ̀ kò yeli sunʔɔmɔ nī bè.

Yirile 29:45

M'bé kò Isirayɛli siɛnnɛ pe sunʔɔmɔ nī, bè puu pe Kulocɛliɛ.

Leviiyé 14:8

«Ŋàa piyē nɛ cìile wè, wi bé wi burudo jíge dè, bé wi nzìire ti mìɛni kùnu dè, bé sí gbéli nɛ́ luʔɔ ní. Bà wi bé kò cìiliwe Yewe yiʔɛ mɛ́ gè. Kire kàduʔumɛ wi bé koli jíin bùguro nī dè, nɛ̀ ki yaʔa wi bé cɛnyɛ kɔlisiin kúɔ wiǐ jíin wi fɛ̀ni saʔa nī gèʔ.

Leviiyé 15:31

«Bɛ̀ ki bé kpíʔile dí yeli- Isirayɛliyé wàli bèle bè tɛ́ngɛ yɛgɛ gáà nɛ̄ ki bé pe núʔɔ gè Yewe yiʔɛ mɛ́ gè, bé sí ki kpíʔile mi fǎga pe 'kpúɔn gbúuʔ a pe 'mi Kòridiʔɛ núʔɔ gè gàa gī pe sunʔɔmɔ nī bè.

Tɔ́rilɔ 16:3

A pe 'pìye gbuʔulo Misa nɛ́ Arawɔn kɛnmɛ nɛ̄ nɛ́ pe yɛ: «Weli kɛ́nì fùrɔ ! Isirayɛli tògo siɛnnɛ pe mìɛni nigbe nigbe yē wàlidɛngɛlɛ Yewe mɛ́; Yewe yē pe sunʔɔmɔ nī. Gáa nɛ̄ yeli nɛ ki sɔ̀ngí yeli nyɛ́nì kpúʔɔ nɛ̀ tóri Yewe siɛnniʔɛmɛ nɛ̄ bè ?»

Tɔ́rilɔ 19:22

Nɛ́ míɛni siɛn ŋáà wi 'wìi núʔɔ Yewe yiʔɛ mɛ́ gè, a wi 'cò nɛ̀ taa yɛgɛ káà nɛ̄, kire yɛgɛ ki bé kò núʔɔgɔ; a siɛn wáà pɛ́nì cò nɛ̀ taa kire yɛgɛ nɛ̄ gè, kire siɛn míɛni wi bé kò núʔɔwɔ fúɔ bè pa nɔ̀ cɛngɛnyɛnijiin lɛ̀lɛ nī lè.»

Tɔ́rilɔ 35:34

Kire nɛ̄ yeli fǎga kùlo núʔɔ lèʔ nàa nī yeli yē tɛ́ninɛ bèleʔ, nàa nī mi tíimɛ yē tɛ́niwɛ wè, nɛ́ ki cɛ́n mi Yewe, mi yē kòriwo Isirayɛli siɛnnɛ sunʔɔmɔ nī bè.»

Tɔ́rilɔ 5:4

Bà sí ki 'puu a Isirayɛli siɛnnɛ pe 'ki kpíʔile. A pe 'pe yige bùguro nī dè majo bɛ̀ Yewe cé ki juu Misa mɛ́ wè. Bɛ̀ sí pe 'ki kpíʔile.

Fànʔa Kajuʔulo 23:14

Siɛn ó siɛn yeli nī bèle, yatugugo 'yɛli bè puu wi tugoro nī dè. A wi kɛ́nì kɛ́ kire tiʔɛ nī gè kàfugo mɛ́ gè, wi báa kàwiʔi káà túgu dàala nɛ̄ lè bè so bè le ki nī, kire kàduʔumɛ wi bé fire tɔ́n dè.

Fànʔa Kajuʔulo 23:15

Nɛ́ ki cɛ́n Yewe muɔ Kulocɛliɛ wiī nɛ tári nɛ mári bùguro nī dè bèri muɔ wéli bè ki yaʔa muɔ- muɔ leguulo jáa bèle. Kire nɛ̄ muɔ bùguro ti 'yɛli bè puu wàlidɛngɛrɛ, kire ga buu wi fǎga fuɔnrɔ nyaa muɔ tiʔɛ nī gèʔ, dí wi ga cíi muɔ wélige nɛ̄ gèʔ.»

Tesalonikiyé 2 3:6

Siinyɛninɛ, weli nɛ yeli fiɛn wī, weli Kàfɔli Zezi Kirisi wire míʔɛ nɛ̄ gè: ye yìye cò siinyɛni ó siinyɛni ŋáà wi nyaari nɛ mári kakuɔlɔ fùn wè, nɛ́ kò wi wè nɛ tári mɛni pe 'dàli nɛ̀ weli nyaa weli nɛ ki kpínʔini gèʔ.

Tiiti 3:10

Ŋàa wi wàlimɛ nyɔ́gi tɛ́ngɛfɔlilɔ gboli sunʔɔmɔ nī bè, ma juu ma tìɛ wi nɛ̄ tɔligɔ nigbe, ma ní juu wi ní tɔliyɔ siinwuʔu nɛ̄ gè. A kiì nyuɔ gèʔ, ma kire siɛn líili wè mìɛ nɛ̄.

Tìɛlɛ 21:27

Siɛn ŋáà wi wè cìiliwe wèʔ, nɛ́ ŋàa wi nyɛ́ni tètii kele kúu gèle, nɛ́ ŋàa wi finɛnɛ wè, peli wáà sì je ga jíin baa kàʔa nī gèʔ, nɛ̀ yiri bìli míɛyɛ yi 'sɛbɛ Sìnbapile ni sìi sɛbɛ nī wè.

Tìɛlɛ 21:3

A mi 'yékpoli láà lúʔu a ni 'juu kpuʔɔ baa kùlofɔlilɔ kácunʔɔ tiʔɛ nī gè, nɛ́ jo: «Nyaa, Kulocɛliɛ kòridiʔɛ kiī siɛnnɛ sunʔɔmɔ nī bè ! Je wi bága puu nɛ́ pe ní wī ! Pe bága puu wi wuulo, dí Kulocɛliɛ wire tíimɛ wi sí puu nɛ́ pe ní, bè puu pe Kulocɛliɛ wè.