Tɔ́rilɔ 5:2 - Sénoufo Nyarafolo

² «Muɔ bé ki juu bè gbɛ̀ngɛ Isirayɛli siɛnnɛ mɛ́ bèle, pe 'yɛli bè césɛngɛ yaabiimɛfɔlilɔ yige bèle bùguro nī dè, nɛ́ siɛn ó siɛn ní ŋàa wī luʔɔ nɛ yigi wi mɛ́ wi fìɛrɛ tiɛyɛ nī yè, nɛ́ a siɛn ó siɛn 'cò nɛ̀ taa kpúu wáà nɛ̄ wè nɛ̀ wìi núʔɔ Yewe yiʔɛ mɛ́ gè.

Tɔ́rilɔ 5:2 Iomraidhean Croise

Leviiyé 13:45

«A ki sí nyaa césɛngɛ yaabiimɛ yē siɛn wáà nɛ̄ wè, wi béri burucɛnmidɛ nii, bé nzìire yaʔa dè nyaʔamidɛ. Wi bé nyuɔ puɔ gè bè tɔ́n, béri kòkuulo wáari bèri wáa: ‹Núʔɔwɔ ! Núʔɔwɔ  !›

Leviiyé 13:46

Bè wi yaʔa yaadiɛlɛ náà ní lè, wi bé kò núʔɔwɔ súuri. Wi bé kò wìi nigbe tiʔɛ káà nī; wi kòridiʔɛ ki bé puu bùguro kàduʔu mɛ́ gè.»

Leviiyé 13:8

Bà kacuɔnriwɔ wi bé ní pa wi sɔ́migɔ bè wéli. A ki 'nyaa kàa 'taʔa cígini yaadiɛlɛ nɛ̄ lè césɛngɛ nɛ̄ gè, kacuɔnriwɔ wi bé ki juu bé jo siɛn wiī núʔɔwɔ Yewe yiʔɛ mɛ́; césɛngɛ yaabiimɛ bī.

Leviiyé 14:8

«Ŋàa piyē nɛ cìile wè, wi bé wi burudo jíge dè, bé wi nzìire ti mìɛni kùnu dè, bé sí gbéli nɛ́ luʔɔ ní. Bà wi bé kò cìiliwe Yewe yiʔɛ mɛ́ gè. Kire kàduʔumɛ wi bé koli jíin bùguro nī dè, nɛ̀ ki yaʔa wi bé cɛnyɛ kɔlisiin kúɔ wiǐ jíin wi fɛ̀ni saʔa nī gèʔ.

Leviiyé 21:1

A Yewe 'ki juu Misa mɛ́ nɛ́ jo: «Ma siɛnrɛ dáà juu dè kacuɔnrilɔ mɛ́ bèle, Arawɔn jaala bèle: «Kacuɔnriwɔ wáà fǎga wìi núʔɔʔ wi siɛnnɛ sunʔɔmɔ nī bèʔ bè cò bè taa kpúu wáà nɛ̄ʔ,

Leviiyé 23:29

A ki 'nyaa siɛn wáà sì wìi cɛ́rigɛ kire cɛngɛ nī gèʔ, pe bé wi yige péwu baa wi siɛnnɛ sunʔɔmɔ nī bè.

Tɔ́rilɔ 12:10

A kàsadibagɛ ki 'fali nɛ̀ yɛ̀ Kpátaʔa naamɛ gè. A yaanyiɛmɛ 'fali nɛ̀ Miriyami cò a wi céri ti 'yiʔɛ nɛ̀ fílige pérepere. A Arawɔn 'yiʔɛ nɛ̀ Miriyami wéli wè, a wi 'ki nyaa: yaanyiɛmɛ 'wi cò.

Tɔ́rilɔ 12:14

A Yewe sí ki juu Misa mɛ́ nɛ́ jo: «A ki 'nyaa wi tuu wi cé tíɛnrɛ wáa wi yiʔɛ nɛ̄ gè o, fìɛrɛ sì cî tɔ́nʔ wi nɛ̄ lé cɛnyɛ kɔlisiin sunʔɔmɔ nī bè ? Kire nɛ̄ ki 'yɛli pe- wi yige bùguro nī dè cɛnyɛ kɔlisiin. Kire kàduʔumɛ gè wi bé ní koli bè jíin bùguro nī dè.»

Tɔ́rilɔ 31:19

«Yeli bálì sí bīɛlɛ, ye 'siɛn wáà kpúu nɛ̀ nyaa wè, kire ga laa nɛ̀ cò nɛ̀ taa kpúu wáà nɛ̄ wè, yeli 'yɛli bè kò cɛnyɛ kɔlisiin bùguro kàduʔu mɛ́ gè. Ye- yìye jíge yè cìile cɛnyɛ taanriwuʔu nɛ̄ gè nɛ́ cɛnyɛ kɔlisiinwuʔu ní gè, yeli nɛ́ siɛnnɛ bálì ní yeli yé cò bèle.

Tɔ́rilɔ 5:1

A Yewe ń'nɛ̀ ki juu Misa mɛ́ nɛ́ jo: