Tɔ́rilɔ 5:18 - Sénoufo Nyarafolo

¹⁸ Bà wi kɛ́nì cɛliwɛ yérige wè Yewe yiʔɛ mɛ́ gè, kacuɔnriwɔ wi bé nzìire sáʔala dè cɛliwɛ nɛ̄ wè, bé sí dìgire yakɔngɔ le gè wi mɛ́ kadaʔala nī gèle; tire yē yejaʔa yakɛngɛ. Kacuɔnriwɔ wè, wire bé luʔɔ sìsorigo líɛ gè, kire gáà gī dɛ́ngɛ juudaʔa luʔɔ gè.

Tɔ́rilɔ 5:18 Iomraidhean Croise

Leviiyé 13:45

«A ki sí nyaa césɛngɛ yaabiimɛ yē siɛn wáà nɛ̄ wè, wi béri burucɛnmidɛ nii, bé nzìire yaʔa dè nyaʔamidɛ. Wi bé nyuɔ puɔ gè bè tɔ́n, béri kòkuulo wáari bèri wáa: ‹Núʔɔwɔ ! Núʔɔwɔ  !›

Tɔ́rilɔ 5:15

nàguɔ ŋáà wi bé wi cuɔ kɔ́ri wè bè pɛn kacuɔnriwɔ kúrugu wè, bé sí pɛn nɛ́ kpuʔɔrɔ ní dè, dàa ti yē ɔrizi míige juubaanyɛni tílaga gè. Wiì yɛli bè sùnmɔ wo ti nɛ̄ʔ, nɛ́ míɛni wiì yɛli bè wusuna cìiliwe le ti nīʔ, nɛ́ ki cɛ́n yejaʔa yakɔngɔ gī, dìgire yakɛngɛ gī, bè kolimɔ sɔ̀ngirɔ tìrige dè.

Tɔ́rilɔ 5:17

bé lawalidɛngɛgɛ kúu kàjɔli nī lè, bé sí tárigɛ koli dàala nɛ̄ lè Kòridiʔɛ laamɛ nī bè, bè le luʔɔ nī gè.

Tɔ́rilɔ 5:19

«Bà kacuɔnriwɔ wire bé cɛliwɛ ŋàʔana wè, bè jo wi- ki kàli: ‹A ki 'nyaa nàguɔ wáà wiiyɛ sì muɔ yùu nɛ́ cò muɔ nɛ̄ wèʔ, nɛ́ míɛni muɔ sì mìɛ núʔɔ Yewe yiʔɛ mɛ́ gèʔ nɛ̀ kolimɔ kpíʔile muɔ pɔli mɛ́ wèʔ, ma suɔ dɛ́ngɛ ŋáà mɛ́ wè ŋàa luʔɔ sìsorigo ki tari gè.

Tɔ́rilɔ 5:22

Luʔɔ gáà ki dɛ́ngɛ tari wè, ki- jíin muɔ liyɛ nī yè bè muɔ liyɛ fiɛ yè bé sí muɔ siimɛdɛngɛ cúʔɔ gè !› «Bà cɛliwɛ wi bé ki juu bé jo: ‹Ki- taa ki puu bɛ̀  ! Ki‑ taa ki puu bɛ̀ !›

Korɛntiyé 1 11:15

Nɛ̀ sí ki taa cɛliwɛ nzìitɔnidɔ dè tire yē wi mɛ́ kpuʔɔrɔ wī. Ki 'nyaa Kulocɛliɛ wi 'wi kɛn nɛ́ nzìire sìtɔnidɔ ní dè ti- de wi nyùgo tɔ́ngi gè.

Korɛntiyé 1 11:6

A ki sí nyaa cɛliwɛ ŋíì sì wi nyùgo tɔ́n gèʔ, wi- nzìire celile dè. A ki sí yē wi 'ki nyaa bè nzìire celile dè, kiī fìɛrɛwuʔu wè, wi- nyùgo tɔ́n gè.

Fànʔa Kajuʔulo 29:18

«A kire siɛn ŋáà felige wi 'nyakungɛngɛ gáà siɛnrɛ lúʔu dè, dàa ti 'juu nɛ́ kàlilɛ ní lè, dùʔɔ wi bé gbɛ̀ ki sɔ̀ngi bè jo wire yē nyùdanʔafɔli, bé ki juu bé jo: ‹Mi wè, mi bé puu yanyige nɛ̄, bè ki yaʔa mi nɛ mi nyɛ́ni kele kpínʔini gèle.› Kire bé sí pɛn nɛ́ cúʔɔmɔ ní dàala ni mìɛni mɛ́, dàala náà nī nyìnɛ lè nɛ́ nàa nī waʔala lè.

Eburulo 13:4

Ki 'yɛli siɛnnɛ pe mìɛni de cepɔrigɔ wuʔu kpóri gè; saʔa yasinɛgɛ ki- sí puu núʔɔmɔ fùn. Nɛ́ ki cɛ́n Kulocɛliɛ bé kàyuʔu juu kanuʔɔrɔfɔlilɔ nɛ̄ bèle, nɛ́ bàli ní pe 'cecaafaaligɛ kire ga laa nàjaafaaligɛ kpíʔile gè.