Tɔ́rilɔ 4:5 - Sénoufo Nyarafolo

⁵ Lɛ̀lɛ ó lɛ̀lɛ nī, a kári lɛ̀lɛ ni kɛ́nì nɔ̀ a pe je bùguro yɛ̀gɛ dè, Arawɔn nɛ́ wi jaala peli pe bé pa kíni tugoro suʔulo dè. Pe bé gunbɔli fɛ̀ni tìrige wè bè wi tíʔɛ bè nyakungɛngɛ finʔɛgɛ tɔ́n gè,

Tɔ́rilɔ 4:5 Iomraidhean Croise

Yirile 36:35

A pe sí gunbɔli fɛ̀ni tìin wè nɛ́ jèsii ní ŋàa wī gàri céri dè, nɛ́ ŋàa wī kábebe céri dè, nɛ́ ŋàa wī nyìɛwɛ kpólokpolo wè, nɛ́ lɛn lagbɛnrɛ jèsii pìniwe ní wè. Kpìɛndiinnɛ bèle, a pe 'seribɛnnɛ jènyigele sɔ́migɔ gèle nɛ̀ kpíʔile gunbɔli fɛ̀ni nɛ̄ wè.

Yirile 40:3

Muɔ bé nyakungɛngɛ finʔɛgɛ tɛ́ngɛ gè gunbɔli fɛ̀ni kàduʔu mɛ́ gè, baa siɛn sǐ gbɛ̀ nyaa wèʔ.

Yirile 40:5

Muɔ bé wusuna sórigodiʔɛ líɛ gè, tiɛ cɛ̀nwɛ wuʔu gè, bè ki tɛ́ngɛ nyakungɛngɛ finʔɛgɛ yiʔɛ mɛ́ gè; muɔ míɛni bé Kòridiʔɛ ki wìile tɔ́n lè nɛ́ fɛ̀ni ní wè.

Leviiyé 16:2

A Yewe 'wi yɛ: «-Ki juu muɔ luɔ Arawɔn mɛ́ wè wi fǎga de jiinʔ wi nyɛ́ni lɛ̀lɛ nī lè tiɛcɛ̀njɛngɛ wàlidɛngɛgɛ nī gèʔ gàa gī gunbɔli fɛ̀ni kúrugu wè, kàsulugo suɔdiʔɛ yiʔɛ mɛ́ gè gàa gī nyakungɛngɛ finʔɛgɛ naamɛ gè nɛ̀ ki tɔ́n gè. Kire bé ki yaʔa wi fǎga kúuʔ a mi kɛ́nì tìgi kàsadibagɛ nī gè, kàsulugo suɔdiʔɛ naamɛ gè.

Tɔ́rilɔ 10:14

Zuda gboli wuulo bèle, kapiɛngbuɔn tòyo taanri yi 'puu nɛ waa wi káfali láara wè. Nasɔn, Aminadabi jaa wè, wire wi 'puu Zudayé kapiɛngbuɔn tògo ki kàfɔli wè.

Tɔ́rilɔ 4:15

«A Arawɔn nɛ́ wi jaala pe kɛ́nì saawalidɛngɛgɛ yɛrɛ ti mìɛni suʔulo nɛ̀ ti puɔ nɛ̀ kúɔ dè nɛ́ saawalidɛngɛgɛ yakpiʔilide ní dè, kári lɛ̀lɛ nī lè bùguro yɛ̀gɛ lɛ̀lɛ nī lè, kire lɛ̀lɛ lire yákuɔ nī Keyatiyé pe bé pɛn bè pa yɛrɛ tugo dè. Piyè cɛ́nì yɛli wīʔ bága cò daa yawalidɛngɛgɛ káà nigbe nɛ̄ʔ, á kire 'laa pe bé kùu wī. Kpàlidiʔɛ Kpátaʔa yɛrɛ dáà tire ti bé puu Keyatiyé tugoro dè.

Tɔ́rilɔ 4:4

«Baara ti n'dɛ dàa Keyatiyé pe béri kúu Kpàlidiʔɛ Kpátaʔa nī gè: peli bīɛlɛ pe béri yacɛ̀njɛnrɛ wàlidɛngɛrɛ wéli dè.

Tɔ́rilɔ 7:9

Nɛ̀ ki yaʔa wiì cé tàa kɛn Keyatiyé mɛ́ bèleʔ, nɛ́ ki cɛ́n peli baara tire ti yé puu bèri yawalidɛngɛrɛ turu dè pe fíkɛnyɛ yire yákuɔ nɛ̄ yè.

Matiye 27:51

Kire lɛ̀lɛ nī lè, a Kulocɛliɛ Gbùʔɔrɔsaʔa gunbɔli fɛ̀ni wi 'ciɛn nɛ̀ ki líɛ naamɛ gè nɛ̀ pɛ́nì tìgi táanmɛ gè; a dàala ni 'cúungo cúungo, a sìndɛnigbaʔala ke 'folilo nɛ̀ jabari.

Fànʔa Kajuʔulo 31:9

A Misa sí Fànʔa Kajuʔulo siɛnrɛ sɛbɛ dè nɛ̀ kɛn kacuɔnrilɔ mɛ́ bèle, Levii jaala bèle, bàli pe 'puu nɛ Yewe nyakungɛngɛ finʔɛgɛ turu gè, nɛ́ Isirayɛli liɛlɛ ní bèle.

Eburulo 10:20

Bɛ̀ wi 'wi céri kɛn dè kakuɔrɔ dè, a wi 'kovɔngɔ múgu gè weli mɛ́ gàa ki waa sìi mɛ́ wè, gàa ki 'sùuri gunbɔli fɛ̀ni nī wè.

Eburulo 9:3

Tiɛcɛ̀njɛngɛ wàlidɛngɛgɛ ki 'puu gunbɔli fɛ̀ni kúrugu wè.