Tɔ́rilɔ 4:32 - Sénoufo Nyarafolo

³² nɛ́ tiindugugolo gálì ke 'Kòridiʔɛ dàligɛ sùlu gè nɛ́ ke táanmɛ nyùyɔ ní yè, ke tínganʔana gèle nɛ́ ke màʔagɛlɛ ní gèle, nɛ́ ki baakuɔyɛrɛ ní dè. Yeli bé ki tìɛ siɛn ó siɛn nɛ̄ yɛrɛ dáà wi 'yɛli bèri turu dè.

Tɔ́rilɔ 4:32 Iomraidhean Croise

Yirile 25:9

M'bé mi Kòridiʔɛ ki kpíʔilegɛnmɛ tìɛ bè muɔ nɛ̄, nɛ́ míɛni yɛrɛ dáà ti mìɛni ti 'yɛli bè jíin ki nī gè. Yeli bé ki mìɛni kpíʔile bè yɛli nɛ́ kpíʔilegɛnmɛ ní bè bàa mi 'tìɛ yeli nɛ̄ bè.»

Yirile 27:9

«Muɔ bé Kòridiʔɛ dàligɛ sùlu gè nɛ́ fɛ̀ni ní wè ŋàa pe 'tìin nɛ́ lɛn lagbɛnrɛ jèsii pìniwe ní wè. Cɛngɛnyɛnifolimɛ kàliige kɔli mɛ́ gè, fɛ̀ninɛ pe bé tìgi bè tɔni bè sa nɔ̀ fúɔ kabuunyiʔɛnɛ dabataan (100) ki kayɔbigɔ nɛ̄ gè.

Yirile 38:17

Tiindugugolo ke táanmɛ nyùyɔ yè, pe 'yi kpíʔile nɛ́ kányiɛrɛ ní, nɛ̀ ki yaʔa ke yakparigɛlɛ nɛ́ ke yatunʔɔnɔ ní gèle, nɛ́ míɛni ke naminimɛ nyùyɔ tiɛyɛ ní yè, pe 'yi tɔ́n nɛ́ walifiiwe ní. Dàligɛ tiindugugolo ke mìɛni gèle a pe 'ke suʔulo kìye nɛ̄ nɛ́ walifiiwe yakparigɛlɛ ní gèle.

Yirile 38:21

Lɔri ti niʔɛgɛnmɛ pi m'bɛ, lɔri dáà pe 'líɛ nɛ̀ Kòridiʔɛ faan gè, Kòridiʔɛ gáà nī nyakungɛngɛ siɛnrɛ ti 'puu nɛ kòrí dè. Kire tɔ́rilɔ lire pe yé kpíʔile nɛ̀ yɛli nɛ́ Misa nyasiɛnrɛ ní dè. Leviiyé peli pe yé ti tɔ́ri; Itamari wi 'puu pe yiɛginiwɛ wè. Wire wi 'puu kacuɔnriwɔ Arawɔn jaa wè.

Tɔ́rilɔ 3:36

Mɛrariiyé pe 'puu nɛ yɛrɛ dáà wéli dè: Kòridiʔɛ ki tingele gèle, nɛ́ ki kàgbiiparigɛlɛ ní gèle, nɛ́ ki tiindugugolo nɛ́ ke táanmɛ nyùyɔ ní yè, nɛ́ ki yakpiʔilide ti mìɛni ní dè. Pe 'puu nɛ yɛrɛ dáà ti mìɛni wéli dè níɛ ti gbòborí.

Tɔ́rilɔ 3:8

Pe béri Kpàlidiʔɛ Kpátaʔa ki yakpiʔilide ti mìɛni wéli dè, béri baara Isirayɛli siɛnnɛ mɛ́ bèle bèri Kòridiʔɛ baara kúu dè.

Tɔ́rilɔ 4:31

«Ti n'dɛ tugoro dáà pe 'yɛli bèri turu dè pe baara nī dè Kpàlidiʔɛ Kpátaʔa nī gè: Kòridiʔɛ ki tingele gèle, nɛ́ ki kàgbiiparigɛlɛ ní gèle, nɛ́ ki tiindugugolo ní gèle, nɛ́ ki táanmɛ nyùyɔ ní yè,

Tɔ́rilɔ 4:33

Dàa tire dī Mɛrariiyé nariyɛ baara dè Kpàlidiʔɛ Kpátaʔa nī gè. Itamari wè, kacuɔnriwɔ Arawɔn jaa wè, wi béri pe wéli pe sí de baara dáà kúu dè.»

Tɔ́rilɔ 4:49

A pe 'siɛnnɛ tɔ́ri bèle nɛ̀ yɛli nɛ́ dàa ní Yewe yé tóri Misa mɛ́ wè nɛ́ ti juu nɛ̀ gbɛ̀ngɛ dè, nɛ́ siɛn ó siɛn baara tìɛ dè wi nɛ̄ nɛ́ tugoro dáà wi 'yɛli bèri turu dè, nɛ̀ yɛli nɛ́ dàa ní Yewe yé juu nɛ̀ gbɛ̀ngɛ Misa mɛ́ wè.

Tɔ́rilɔ 7:1

Bà Misa 'kúɔ Kòridiʔɛ ki kpíʔilige nɛ̄ gè, a wi 'siɛnnyiɛnɛgɔn sùnmɔ líɛ bè nɛ̀ pi nyɛri nyɛri ki nɛ̄, nɛ́ ki yakpiʔilide ti mìɛni ní dè, nɛ́ gbùʔɔrɔdiʔɛ yafanʔa ki yakpiʔilide ti mìɛni ní. A wi 'ti mìɛni nyɛri nyɛri nɛ́ siɛnnyiɛnɛgɔn sùnmɔ ní bè nɛ̀ ti wàli nɛ̀ tɛ́ngɛ.

Tɔ́rilɔ 7:8

A wi ń'nɛ̀ wotorilo bílì sicɛri kɛn bèle nɛ́ nìɛyɛ kataanri ní yè Mɛrariiyé mɛ́ bèle nɛ̀ yɛli nɛ́ pe baara ti kúɔgɛnmɛ ní bè, dàa pe 'puu nɛ kúu nɛ́ Itamari ní wè, pe yiɛginiwɛ wè, ŋàa wi 'puu kacuɔnriwɔ Arawɔn jaa wè.