Tɔ́rilɔ 4:24 - Sénoufo Nyarafolo

²⁴ «Baara ti n'dɛ dàa Gerisɔnyé nariyɛ yi béri kúu dè nɛ́ tugoro dáà ní pe 'yɛli bèri turu dè:

Tɔ́rilɔ 4:24 Iomraidhean Croise

Tɔ́rilɔ 10:17

Kire kàduʔumɛ gè a pe 'fali nɛ Kòridiʔɛ warigi gè, a Gerisɔnyé nɛ́ Mɛrariiyé pe pɛ́nì Kòridiʔɛ tugo gè nɛ waa.

Tɔ́rilɔ 3:25

Gerisɔnyé baara dè, nɛ̀ yɛli nɛ́ Kpàlidiʔɛ Kpátaʔa kɛnmɛ ní bè, tire ti 'puu bèri Kòridiʔɛ wéli gè, nɛ́ ki kpátaʔa ní gè, nɛ́ ki yatɔngɔ ní gè, nɛ́ ki wìile ni fɛ̀ni ní wè,

Tɔ́rilɔ 3:26

nɛ́ dàligɛ sùlufɛninɛ ní bèle, dàligɛ gáà nɛ̄ Kòridiʔɛ nɛ́ Yewe gbùʔɔrɔdiʔɛ yafanʔa ki yē gè, nɛ́ ki nàkpanʔa wìile tɔ́nfɛni ní wè, nɛ́ fɛ̀ninɛ pe màʔagɛlɛ ní gèle, béri tire dáà ti mìɛni baara kúu dè.

Tɔ́rilɔ 4:15

«A Arawɔn nɛ́ wi jaala pe kɛ́nì saawalidɛngɛgɛ yɛrɛ ti mìɛni suʔulo nɛ̀ ti puɔ nɛ̀ kúɔ dè nɛ́ saawalidɛngɛgɛ yakpiʔilide ní dè, kári lɛ̀lɛ nī lè bùguro yɛ̀gɛ lɛ̀lɛ nī lè, kire lɛ̀lɛ lire yákuɔ nī Keyatiyé pe bé pɛn bè pa yɛrɛ tugo dè. Piyè cɛ́nì yɛli wīʔ bága cò daa yawalidɛngɛgɛ káà nigbe nɛ̄ʔ, á kire 'laa pe bé kùu wī. Kpàlidiʔɛ Kpátaʔa yɛrɛ dáà tire ti bé puu Keyatiyé tugoro dè.

Tɔ́rilɔ 4:19

Ye- gàa kire kpíʔile pe mɛ́ kire ga buu pe- kò sìi nɛ̄ pe fǎga kùuʔ a pe kɛ́nì sìʔɛrɛ nɛ̀ kpɔni yacɛ̀njɛnrɛ wàlidɛngɛrɛ nɛ̄ dèʔ: Arawɔn nɛ́ wi jaala peli pe bé pa siɛn ó siɛn yérige wi yéridiʔɛ nī gè, bé sí ki tìɛ wi nɛ̄ gàa wi 'yɛli bè kpíʔile gè nɛ́ tugoro díì wi 'yɛli bè tugo dè.

Tɔ́rilɔ 4:23

Ye- ki séli bàli nɛ̄ pe yiʔɛlɛ togo nɛ́ kpɔrigɔ taa wè bè sa nɔ̀ yiʔɛlɛ togosiin nɛ́ kpɔrigɔ nɛ̄ wè, bàli pe mìɛni bīɛlɛ pe bé gbɛ̀ baara kúɔ dè Kpàlidiʔɛ Kpátaʔa nī gè.

Tɔ́rilɔ 4:25

Kòridiʔɛ ki fɛ̀niwɛyɛ yè nɛ́ Kpàlidiʔɛ Kpátaʔa ki yatɔngɔ ní gè, nɛ́ yatɔngɔ gáà pe 'kpíʔile nɛ́ sɛ̀nguʔu ní gè, kire gáà ki 'ki mìɛni tɔ́n gè, nɛ́ Kpàlidiʔɛ Kpátaʔa wìile ni fɛ̀ni ní wè.

Tɔ́rilɔ 4:27

Arawɔn nɛ́ wi jaala ní bèle, peli pe béri Gerisɔnyé baara dáà ti yiʔɛ kínigi gè, kire 'jo tugoro dáà pe 'yɛli bèri turu dè nɛ́ baara dáà pe 'yɛli bèri kúu dè. Tire baara dè, Arawɔn nɛ́ wi jaala peli pe 'yɛli bèri ti wéli.

Tɔ́rilɔ 4:47

nɛ̀ ki séli bàli nɛ̄ pe 'yiʔɛlɛ togo nɛ́ kpɔrigɔ taa wè bè sa nɔ̀ yiʔɛlɛ togosiin nɛ́ kpɔrigɔ nɛ̄ wè, bàli pe mìɛni bīɛlɛ pe bé gbɛ̀ baara kúɔ dè Kpàlidiʔɛ Kpátaʔa nī gè, béri ki tugoro turu dè.

Tɔ́rilɔ 4:49

A pe 'siɛnnɛ tɔ́ri bèle nɛ̀ yɛli nɛ́ dàa ní Yewe yé tóri Misa mɛ́ wè nɛ́ ti juu nɛ̀ gbɛ̀ngɛ dè, nɛ́ siɛn ó siɛn baara tìɛ dè wi nɛ̄ nɛ́ tugoro dáà wi 'yɛli bèri turu dè, nɛ̀ yɛli nɛ́ dàa ní Yewe yé juu nɛ̀ gbɛ̀ngɛ Misa mɛ́ wè.

Tɔ́rilɔ 7:7

A wi 'wotorilo siin nɛ́ nìɛyɛ sicɛri kɛn Gerisɔnyé mɛ́ bèle nɛ̀ yɛli nɛ́ pe baara ti kúɔgɛnmɛ ní bè.