Tɔ́rilɔ 4:15 - Sénoufo Nyarafolo

¹⁵ «A Arawɔn nɛ́ wi jaala pe kɛ́nì saawalidɛngɛgɛ yɛrɛ ti mìɛni suʔulo nɛ̀ ti puɔ nɛ̀ kúɔ dè nɛ́ saawalidɛngɛgɛ yakpiʔilide ní dè, kári lɛ̀lɛ nī lè bùguro yɛ̀gɛ lɛ̀lɛ nī lè, kire lɛ̀lɛ lire yákuɔ nī Keyatiyé pe bé pɛn bè pa yɛrɛ tugo dè. Piyè cɛ́nì yɛli wīʔ bága cò daa yawalidɛngɛgɛ káà nigbe nɛ̄ʔ, á kire 'laa pe bé kùu wī. Kpàlidiʔɛ Kpátaʔa yɛrɛ dáà tire ti bé puu Keyatiyé tugoro dè.

Tɔ́rilɔ 4:15 Iomraidhean Croise

Yirile 19:12

«-Láʔala tìɛ siɛnnɛ nɛ̄ bèle ma pe yɛ: ‹Ye- yìye cò díɛʔ ! Wàa fǎga tánʔa nyagurugo nɛ̄ gèʔ; wàa míɛni fǎga cò daa ki kàsɛnyɛ nɛ̄ yèʔ ! A siɛn ó siɛn 'cò nɛ̀ taa nyagurugo nɛ̄ gè, kányiʔɛ nɛ̄ pe bé wi kpúu wī.

Yirile 19:21

A Yewe sí jo: «Koli ma tìgi siɛnnɛ kúrugu bèle, ma pe sɔ̀mi pe fǎga fìʔɛlɛ bè jo peli bé pa Yewe nyaa wè ! Nɛ́ ki cɛ́n a pe 'kire kpíʔile gè siɛnniʔɛnɛ bé kùu pe nī.

Yirile 27:7

Muɔ bé ke kàgbiʔile le gèle kájingele nī gèle; kàgbiʔile ke bé puu gbùʔɔrɔdiʔɛ ki lìʔɛgɛlɛ siin tiɛyɛ nī yè, kire ga buu pe gbɛ̀ ki líɛ.

Leviiyé 16:13

Bà wi bé wusuna míige wo gè kàsunnɛganʔana nɛ̄ gèle Yewe yiʔɛ mɛ́ gè, kire ga buu wusuna wírige ki bé kàsulugo suɔdiʔɛ tɔ́n gè, gàa gī nyakungɛngɛ finʔɛgɛ nɛ̄ gè, bɛ̀ ki bé kpíʔile wiǐ ga tíi kùuʔ.

Tɔ́rilɔ 1:50

Muɔ 'yɛli bè Leviiyé tɛ́ngɛ bèle peri Kòridiʔɛ wéli gè, gáa gī nyakungɛngɛ siɛnrɛ kàdɛnitɛnyɛ yi tɛ́ngɛdiʔɛ gè, nɛ́ ki yakpiʔilide ti mìɛni ní dè, nɛ́ ki yɛrɛ ti mìɛni ní dè. Pe 'yɛli bèri Koridiʔɛ nɛ́ ki yakpiʔilide ti mìɛni turu dè, béri ti wéli. Pe béri pe bùguro kpúɔn dè bèri Koridiʔɛ màʔa gè.

Tɔ́rilɔ 1:51

Lɛ̀lɛ líì nī yeli bé bùguro yɛ̀gɛ dè, Leviiyé pe bé Kòridiʔɛ kɔ́ligi gè. Peli sí bīɛlɛ pe bé ki kpúɔn a yeli sɛ́nì je tɛ́ni tiʔɛ káà nī gè. A siɛn wáà wiiyɛ 'sìʔɛrɛ nɛ̀ kpɔni Kòridiʔɛ nɛ̄ gè, ki 'yɛli pe- kire siɛn kpúu wè.

Tɔ́rilɔ 10:21

Kire kàduʔumɛ a Keyatiyé pe 'yɛ̀ nɛ̀ yawalidɛngɛrɛ tugo dè nɛ̀ taʔa pe nɛ̄; bìli pe yé kíni bèle a pe sɛ́nì Kòridiʔɛ yérige gè sɛ́ni Keyatiyé pe 'nɔ̀ baa wè.

Tɔ́rilɔ 18:3

Pe bé yeli sáʔa baara nɛ̄ dè bèri kpátaʔa baara ti mìɛni kúu, nɛ̀ ki yaʔa pe wàa sì yɛli bàga sìʔɛrɛ kpɔni saawalidɛngɛgɛ yakpiʔilide nɛ̄ dèʔ, nɛ́ ki gbùʔɔrɔdiʔɛ yafanʔa ní gèʔ, kire ga buu pe wàa fǎga kùu pe nīʔ nɛ́ yeli míɛni ní bèleʔ.

Tɔ́rilɔ 3:38

Misa nɛ́ Arawɔn ní wè, nɛ́ Arawɔn jaala ní bèle, peli 'puu nɛ pe bùguro kpúɔn dè Kòridiʔɛ yiʔɛ mɛ́ gè, cɛngɛnyɛnifoligɔli mɛ́ gè, kire 'jo Kpàlidiʔɛ Kpátaʔa yiʔɛ mɛ́ gè. Peli pe 'puu nɛ saawalidɛngɛgɛ wéli gè Isirayɛliyé míʔɛ nɛ̄ gè. A siɛn wáà wiiyɛ 'sìʔɛrɛ nɛ̀ kpɔni kire tiʔɛ nɛ̄ gè, pe yé yɛli bè kire siɛn kpúu wè wī.

Tɔ́rilɔ 4:14

Pe bé gbùʔɔrɔdiʔɛ ki yakpiʔilide ti mìɛni líɛ dàa ní pe ki baara kúu dè bè ti taʔa fɛ̀nikpuɔwɔ nɛ̄ wè: ki tingbopigele gèle, nɛ́ ki gànʔana dɛ̀ngɛlɛ ní gèle, kaara wuʔulo gèle, nɛ́ ki yakɔnyɔ ní yè, nɛ́ ki sìsiɛn nyɛri tasaadurulo ní bèle, kire 'jo nɛ́ ki yakpiʔilide ti mìɛni ní dè. Pe bé sí ti mìɛni tɔ́n nɛ́ sɛ̀nguʔu káà ní, bé sí gbùʔɔrɔdiʔɛ ki kàgbiʔile le gèle ki nɛ̄ bèri ki turu.

Tɔ́rilɔ 4:19

Ye- gàa kire kpíʔile pe mɛ́ kire ga buu pe- kò sìi nɛ̄ pe fǎga kùuʔ a pe kɛ́nì sìʔɛrɛ nɛ̀ kpɔni yacɛ̀njɛnrɛ wàlidɛngɛrɛ nɛ̄ dèʔ: Arawɔn nɛ́ wi jaala peli pe bé pa siɛn ó siɛn yérige wi yéridiʔɛ nī gè, bé sí ki tìɛ wi nɛ̄ gàa wi 'yɛli bè kpíʔile gè nɛ́ tugoro díì wi 'yɛli bè tugo dè.

Tɔ́rilɔ 4:20

Keyatiyé piyè yɛli bè jíin saawalidɛngɛgɛ nī gè bè sa yacɛ̀nrɛ wàlidɛngɛrɛ dáà nyaa dèʔ, piyè cɛ́nì yɛli bè ti nyaa púlo wīʔ, a kire 'laa gè, pe bé kùu wī !»

Tɔ́rilɔ 7:9

Nɛ̀ ki yaʔa wiì cé tàa kɛn Keyatiyé mɛ́ bèleʔ, nɛ́ ki cɛ́n peli baara tire ti yé puu bèri yawalidɛngɛrɛ turu dè pe fíkɛnyɛ yire yákuɔ nɛ̄ yè.

Fànʔa Kajuʔulo 31:9

A Misa sí Fànʔa Kajuʔulo siɛnrɛ sɛbɛ dè nɛ̀ kɛn kacuɔnrilɔ mɛ́ bèle, Levii jaala bèle, bàli pe 'puu nɛ Yewe nyakungɛngɛ finʔɛgɛ turu gè, nɛ́ Isirayɛli liɛlɛ ní bèle.