Tɔ́rilɔ 34:2 - Sénoufo Nyarafolo

² «-Ti juu ma gbɛ̀ngɛ Isirayɛli siɛnnɛ mɛ́ bèle: «A yeli kɛ́nì jíin Kanaa kùlo nī lè, kùlo náà ni bé puu yeli kɔrigɔ gè, ki n'gɛ tiɛyɛ yíì nī ni bé láʔa lè.

Tɔ́rilɔ 34:2 Iomraidhean Croise

Sélimɛ 10:19

pe kùlogolo ke láʔala lire ni 'puu: nɛ̀ láʔa Siidɔn kàʔa nɛ̄ gè fúɔ nɛ̀ sɛ́nì nɔ̀ Gerari kàʔa kɔli mɛ́ gè nɛ́ líɛ kire tiʔɛ nɛ̄ gè nɛ̀ sɛ́nì nɔ̀ Gaza kàʔa nɛ̄, nɛ̀ tóri Sodɔmi kàʔa táanni, nɛ́ Gomɔri kàʔa ní, nɛ́ Adima kàʔa ní, nɛ́ Seboyimi tiʔɛ ní, fúɔ nɛ̀ sɛ́nì nɔ̀ Lɛsa kàʔa nɛ̄.

Sélimɛ 17:8

Kanaa kùlo náà nī muɔ tɛ́ni lè, lire náà nī muɔ 'puu nabɔnwɔ wè, m'bé ni mìɛni kɛn muɔ mɛ́, muɔ nɛ́ muɔ siimɛ wuulo ní bèle muɔ kàduʔumɛ gè; ni bé puu yeli woli lɛ̀lɛ ó lɛ̀lɛ nī. M'bé kò pe Kulocɛliɛ.»

Ŋúnuyɔ 105:11

A wi 'jo: «M'bé Kanaa kùlo kɛn lè muɔ mɛ́, lire bé puu muɔ mɛ́ liɛlɛ náà muɔ bé taa kɔrigɔ gè, muɔ nɛ́ muɔ siimɛ ní bè.»

Yirile 23:31

«M'bé kùlo ni láʔagɛlɛ tìɛ gèle. Ke bé séli Nyàʔanivɛgɛ Tiire kuʔɔjii nɛ̄ wè fúɔ bè sa nɔ̀ Filisitiyé kùlo kuʔɔjii láʔala nɛ̄ lè, bè ki líɛ Sinayii waama kùlo tiʔɛ nī gè fúɔ bè sa nɔ̀ Efirati cáʔa nɛ̄ gè. Nɛ́ ki cɛ́n m'bé kùlo ni siɛnnɛ pe mìɛni le muɔ kiyɛ nī yè; muɔ bé pe cìra yige muɔ yiʔɛ mɛ́ gè.

Tɔ́rilɔ 34:1

A Yewe 'ki juu Misa mɛ́ nɛ́ jo:

Kakpiʔiligele 17:26

Nàguɔ nigbe nī wi 'kùlogolo siɛnnɛ pe mìɛni feliye yige yè, pe pa puu dàala tiɛrɛ ti mìɛni nī dè, nɛ́ sí lɛ̀gɛlɛ tɔ́nminɔ gèle nɛ̀ ke yérige ke lariyɛ nī yè, nɛ̀ láʔagɛlɛ tɛ́ngɛ siɛnnɛ kòridiɛyɛ nɛ̄ yè.

Kakpiʔiligele 26:18

Ma sa pe yiɛyɛ múgolo yè, pe- kàduʔu wáa yebilige mɛ́ gè, pé sí jíin kpìɛnmɛ nī bè, pe- kàduʔu wáa Setɛni fànʔa mɛ́ gè, pé sí taʔa Kulocɛliɛ nɛ̄, gìi ki bé tí Kulocɛliɛ wi- pe kapiʔile láʔa gèle, dí pe sí pe liɛlɛ taa lè bè pínɛ nɛ́ Kulocɛliɛ wuulo ní bèle, bàli pe 'tɛ́ngɛ mi nɛ̄ bèle.›

Efɛziyé 1:14

Kulocɛliɛ Pìle lire sí yē weli mɛ́ gìi Kulocɛliɛ wi 'sàri nɛ̀ yaʔa weli kɔrigɔ ki wori nɛ̄ dè, bè weli suɔ bè yige ki nī bè láʔa wè, weli bálì bīɛlɛ wi wuulo bèle, gìi ki bé tí weri wi gbùʔɔrɔ́ wi kpuɔmɔ wori nɛ̄ dè.

Efɛziyé 1:18

Kulocɛliɛ wi- yeli sìnjilige múgu gè, ye- ki cɛ́n sɔ̀ngirɔ taʔadiʔɛ gíì gī baa Kulocɛliɛ wi kayerile nī lè, yé ki cɛ́n ye pínɛ wi kɔrigɔ ki kpuʔɔrɔ tiī nìʔɛrɛ nɛ̀ fàri lɔri cɛ̀nrɛ nɛ̄ wi wuulo mɛ́ bèle.