Tɔ́rilɔ 32:11 - Sénoufo Nyarafolo

¹¹ ‹Bɛ̀ piyè fɔ̀li nɛ̀ sín nɛ̀ taʔa mi nɛ̄ wèʔ, nàguɔlɔ bálì pe 'yiri Ezipiti kùlo nī lè nɛ́ yiʔɛlɛ togo taa nɛ̀ kàa taʔa gè, pe wàa nigbe sǐ ga tíi jíin baaʔ kùlo nī lè, kùlo náà mi yé nyuɔ kún nɛ̀ kɛn Birayima mɛ́ wè, nɛ́ Siaga ní wè, nɛ́ Yakuba ní wè, nɛ́ jo m'bé ni kɛn pe mɛ́ lè,

Tɔ́rilɔ 32:11 Iomraidhean Croise

Tɔ́rilɔ 14:23

peli pe mìɛni bèle, wàa nigbe sǐ ga tíi jíin baa kùlo náà nī lèʔ, lire náà nɛ̄ mi 'kàli nɛ́ nyuɔ kún nɛ̀ kɛn pe tobilo mɛ́ bèle; bàli pe mìɛni bīɛlɛ pe 'cíi mi nɛ̄ wè, piyě ga tíi ni nyaaʔ.

Tɔ́rilɔ 14:24

«Nɛ̀ yiri Kalɛbi nigbe nī, mi baakuɔwɔ wè, wire ŋáà wi 'sɔ̀ngijɛnrɛ taa dè, nɛ́ taʔa mi nɛ̄ nɛ́ sínnɛ ní lè, wire wè, m'bé wi nyɔ́gɔ kùlo nī lè nàa wi yé saanri nɛ̀ wéli lè. Wi pìile pe bé kùlo taa lè kɔrigɔ.

Tɔ́rilɔ 26:2

«Ma nàguɔlɔ pe mìɛni tɔ́ri bàli bīɛlɛ Isirayɛli tògo nī gè, nɛ̀ yɛli nɛ́ pe tuufɔlilɔ kpáaya ní yè, nàguɔ ó nàguɔ ŋáà wī yiʔɛlɛ togo taa nɛ́ ŋàa wi 'kàa taʔa wè, bàli bīɛlɛ pe bé gbɛ̀ kɛ́ kapiɛnnɛ mɛ́ lè.»

Fànʔa Kajuʔulo 1:35

‹Siɛnnɛ bálì pe mìɛni bèle, yiribiile náà siɛnnɛ bèle, piyè ga tíi bé jíin kùlo náà nī lèʔ, nàa wuʔu mi 'kàli nɛ́ jo m'bé ni kɛn yeli tuuliɛyɛ mɛ́ yè,

Fànʔa Kajuʔulo 1:8

« ‹Ye- ki wéli, mi nyɛ́nì kùlo tɛ́ngɛ lè yeli yiʔɛ mɛ́. Ye- jíin kùlo nī lè, ye ni líɛ ni- puu yeli woli, kùlo náà wori mi Yewe 'kàli nɛ̀ kɛn yeli tobilo mɛ́ bèle: Birayima, Siaga nɛ́ Yakuba ní wè, nɛ́ pe siimɛ ní bè.› »