Tɔ́rilɔ 30:9 - Sénoufo Nyarafolo

⁹ «Nɛ̀ sí ki yaʔa a ki yē cɛngɛ gíì wi pɔli wi 'ti lúʔu dè, a wi 'jo ʔúnʔun kire cɛnnugo gè, labɔli wi bé nyakungɛngɛ siɛnrɛ dáà kúɔ dè dàa cɛliwɛ wire tíimɛ 'juu nɛ̀ wìi puɔ nɛ́ ti ní dè, dàa ti 'suɔ wi nyuɔ nī gè, bà Yewe bé ki yaʔa wi nɛ̄.

Tɔ́rilɔ 30:9 Iomraidhean Croise

Leviiyé 21:7

«Nàjaacuɔ wè, kire ga laa ŋàa nàguɔ 'fáanni nɛ̀ wi caa wè, kire ga laa ŋàa nàguɔ wi 'wáa wè, kacuɔnriwɔ wiǐ gbɛ̀ kire cuɔ ŋáà líɛ wè wi cuɔʔ. Nɛ́ ki cɛ́n kacuɔnriwɔ wiī wàlidɛngɛwɛ wi Kulocɛliɛ mɛ́ wè.

Tɔ́rilɔ 30:10

«A ki sí nyaa lakicuɔ wáà wī, kire ga laa cɛliwɛ ŋáà pe 'cìra wè, a ki 'nyaa peli wáà 'nyakungɛngɛ kpíʔile nɛ̀ wìi puɔ kaala láà nī lè, wi 'yɛli bè ki fori.

Tɔ́rilɔ 30:8

a wi pɔli wi 'ti lúʔu dè, nɛ̀ ki yaʔa wiì yafiɛn juu wèʔ, wi nyakungɛngɛ nɛ́ wi nyasiɛnrɛ dáà ní wire tíimɛ 'wìi puɔ kaala láà nī lè, wi 'yɛli bè ti fori wī.

Luku 2:37

Wi pɔli wi cé kùu nɛ́ wi yaʔa a wi 'kò lakicuɔ nɛ̀ taa a wi yɛziʔile ke pɛ́nì nyì yiʔɛlɛ togosicɛri nɛ́ sicɛri. Wiì puu nɛ laʔa baa Kulocɛliɛ Gbùʔɔrɔsaʔa mɛ́ gèʔ, nɛ Kulocɛliɛ baara kúu dè pìlige nɛ́ cɛnvugo, nɛ sún nii níɛ náari.

Wurɔmiyé 7:2

We- ki tɔ́nminɔ nɛ́ kaala náà ní lè: cɛliwɛ ŋáà pe 'pɔri wè, bè líɛ bè taa wi pɔli wi de tíin sìi nɛ̄ wè, cɛliwɛ wiī puɔwɔ wi pɔli nɛ̄ wè wī nɛ̀ yɛli nɛ́ fànʔa ki kajuulo ní lè. A ki sí nyaa labɔli wi 'kùu wè, cɛliwɛ wi ní wè nɛ tíin nàgaʔa ki fànʔa láara gèʔ.

Fànʔa Kajuʔulo 24:2

A wi sí kɛ́ nɛ̀ sɛ́nì kò nàguɔ wáà wiiyɛ cuɔ.