Tɔ́rilɔ 30:3 - Sénoufo Nyarafolo

³ «A ki yē nàguɔ wáà 'nyuɔ kún nɛ̀ kɛn Yewe mɛ́ wè, kire ga laa a wi 'kàli nɛ̀ wìi puɔ kaala láà nī lè, wiì yɛli bàga kire kàlilɛ cúʔɔ lèʔ; dìi ti mìɛni ti 'yiri wi nyuɔ nī gè, wi 'yɛli bè ti kpíʔile.

Tɔ́rilɔ 30:3 Iomraidhean Croise

Ŋúnuyɔ 50:14

A muɔ nɛ caa bè kakuɔrɔ yakɔngɔ kpíʔile gè Kulocɛliɛ mɛ́ wè, mari wi gbùʔɔrɔ́ mari wi síɛri, mari muɔ nyakungɛnyɛ forigi yè mi Kulocɛliɛ mɛ́ wè, ŋàa wī Duniya wi Mìɛni Nyùgo nɛ̄ gè.

Leviiyé 27:2

«Ma ki juu Isirayɛli siɛnnɛ mɛ́ bèle ma kele gálì tìɛ gèle pe nɛ̄: «A siɛn wáà 'ki nyíɛnɛ nɛ̀ kɔ̀n bè nyakungɛngɛ kpíʔile Yewe mɛ́ wè, bè wìi kɛn kire ga laa bè wi saʔa wuu wáà kɛn Yewe mɛ́ wè, wi bé nyakungɛngɛ fori gè bè wali kɛn siɛn sìndiʔɛ nī gè bè tánʔa bè yɛli nɛ́ wali nyuɔ ní gè gàa 'ki tìɛ gè.

Tɔ́rilɔ 30:2

A Misa sí ki juu Isirayɛliyé saaya tùluyo kàfɔlilɔ mɛ́ bèle nɛ́ jo: «Ti n'dɛ dàa Yewe juu nɛ̀ gbɛ̀ngɛ dè:

Tɔ́rilɔ 30:4

«A ki sí nyaa cɛliwɛ wáà 'nyuɔ kún nɛ̀ kɛn Yewe mɛ́ wè, kire ga laa a wi nyasiɛnrɛ ti 'wi puɔ kaala láà nī, á ki sí nyaa wiī nɛ tíin sinboriwo nɛ́ sí ní wi tuu kpáa nī gè,

Tɔ́rilɔ 6:2

«Ma fànʔa kajuulo náà tìɛ lè Isirayɛliyé nɛ̄ bèle: «Lɛ̀lɛ líì nī nàguɔ wáà kire ga laa cɛliwɛ wáà 'nyuɔ kún nɛ̀ kɛn nɛ̀ jo wi bé wìi wàli dɛ́ngɛ Yewe mɛ́ wè, gàa gī Naziiri nyakungɛngɛ gè,

Korɛntiyé 1 14:34

cɛlilɛ pe- puu pìirile a pe gbɛ́nɛ yē gboli nī lè. Nɛ̀ taʔa gíi nɛ̄, ki larigɛ kiì kɛn pe mɛ́ peri nyuʔ. Gìi ki 'pɔ́ri gè, pe pìye cɛ́rigɛ majo mɛni Misa Fànʔa Siɛnrɛ ti 'ki juu nɛ̀ pínɛ wè.