Tɔ́rilɔ 3:9 - Sénoufo Nyarafolo

⁹ «Muɔ Misa wè, muɔ bé Leviiyé kɛn bèle Arawɔn mɛ́ wè, wire nɛ́ wi jaala ní bèle. Muɔ bé pe kɛn bè láʔa péwu wi mɛ́ Isirayɛli siɛnnɛ sunʔɔmɔ nī bè.

Tɔ́rilɔ 3:9 Iomraidhean Croise

Tɔ́rilɔ 16:9

Yeli nɛ sɔ̀ngí lé kaciɛlɛ nī yeli mɛ́, bà Isirayɛliyé Kulocɛliɛ wi 'yeli wàli nɛ̀ tɛ́ngɛ Isirayɛli tògo siɛnsɛnminɛ nī bèle, bè ki kpíʔile yeli gbɛ̀ri sìʔɛrɛ́ de kpɔni wi nɛ̄ wè, bèri Yewe Kòridiʔɛ baara kúu dè, bé ní de yèrí siɛnniʔɛmɛ yiʔɛ mɛ́ gè bèri pe yiʔɛ kínigi gè de kele cuɔnri gèle ?

Tɔ́rilɔ 18:2

«Muɔ bé muɔ siinyɛninɛ fàri bèle mìɛ nɛ̄, Levii saʔa tùlugo wuulo bèle, pe- yeli sáʔa, muɔ nɛ́ muɔ jaala ní bèle, a yeli kɛ́ni yeli baara kúu dè Kpátaʔa yiʔɛ mɛ́ gè, tiʔɛ gáà gī nyakungɛngɛ siɛnrɛ kàdɛnitɛnyɛ yi tɛ́ngɛdiʔɛ gè.

Tɔ́rilɔ 3:8

Pe béri Kpàlidiʔɛ Kpátaʔa ki yakpiʔilide ti mìɛni wéli dè, béri baara Isirayɛli siɛnnɛ mɛ́ bèle bèri Kòridiʔɛ baara kúu dè.

Tɔ́rilɔ 8:14

A muɔ 'kire kpíʔile mmɛ gè, muɔ bé Leviiyé wàli bèle Isirayɛli siɛnnɛ sunʔɔmɔ nī bè; kire bé ki yaʔa pe bé kò mi wuulo.

Tɔ́rilɔ 8:16

nɛ́ ki cɛ́n pe nyɛ́nì kò mi wuulo nɛ̀ láʔa péwu Isirayɛli siɛnnɛ sunʔɔmɔ nī bè, Isirayɛli siɛnnɛ pe pìpelile sìndiʔɛ nī gè; mi nyɛ́nì pe líɛ mi wuulo.

Tɔ́rilɔ 8:18

A mi sí Leviiyé líɛ bèle Isirayɛliyé pìpelile pe mìɛni sìndiʔɛ nī gè.

Tɔ́rilɔ 8:19

«A mi 'pe kɛn kpuʔɔrɔ Arawɔn nɛ́ wi jaala mɛ́ bèle peri baara kúu dè Kpàlidiʔɛ Kpátaʔa nī gè Isirayɛli siɛnnɛ mɛ́ bèle, pe síri kàsulugosuɔ baara kúu dè pe mɛ́ kire ga buu wuʔɔgbuʔɔ fǎga tuu pe nɛ̄ʔ a pe wàa kɛ́nì sìʔɛrɛ nɛ̀ kpɔni saawalidɛngɛgɛ nɛ̄ gè.»

Efɛziyé 4:11

Nɛ̀ pínɛ wire wi 'pàli kpíʔile Zezi tundunminɔ, nɛ̀ pàli kpíʔile Kulocɛliɛ siɛnjuulo, nɛ̀ pàli kpíʔile Kataanna Siɛnrɛ jáarifɔlilɔ, nɛ̀ pàli kpíʔile tɛ́ngɛfɔlilɔ gbuʔulo nàʔavɔlilɔ, nɛ̀ pàli kpíʔile tɛnmɛfɔlilɔ.

Efɛziyé 4:8

Kire nɛ̄ Kulocɛliɛ siɛnsɛbɛrɛ ti 'ki juu nɛ́ jo: Bà wi 'yɛ̀ baa naamɛ gè, a wi 'nìʔɛnɛ jáa nɛ̀ pe cò nɛ̀ kɛ́, nɛ́ sí kpuʔɔrɔ kpíʔile siɛnnɛ mɛ́ bèle .