Tɔ́rilɔ 3:7 - Sénoufo Nyarafolo

⁷ Peli béri baara Arawɔn mɛ́ nɛ́ Isirayɛli tògo siɛnnɛ pe mìɛni ní Kpàlidiʔɛ Kpátaʔa yiʔɛ mɛ́ gè, bèri Kòridiʔɛ baara kúu dè.

Tɔ́rilɔ 3:7 Iomraidhean Croise

Leviiyé 8:35

Yeli bé kò Kpàlidiʔɛ Kpátaʔa wìile yiʔɛ mɛ́ gè pìlige nɛ́ cɛnvugo fúɔ cɛnyɛ kɔlisiin, bèri Yewe tunduro kúu dè. Bɛ̀ ki bé puu yeli sǐ kùuʔ. Tire ti yé juu nɛ̀ gbɛ̀ngɛ mi mɛ́.»

Tɔ́rilɔ 1:50

Muɔ 'yɛli bè Leviiyé tɛ́ngɛ bèle peri Kòridiʔɛ wéli gè, gáa gī nyakungɛngɛ siɛnrɛ kàdɛnitɛnyɛ yi tɛ́ngɛdiʔɛ gè, nɛ́ ki yakpiʔilide ti mìɛni ní dè, nɛ́ ki yɛrɛ ti mìɛni ní dè. Pe 'yɛli bèri Koridiʔɛ nɛ́ ki yakpiʔilide ti mìɛni turu dè, béri ti wéli. Pe béri pe bùguro kpúɔn dè bèri Koridiʔɛ màʔa gè.

Tɔ́rilɔ 1:53

Nɛ̀ ki yaʔa Leviiyé bèle, peli bé tɛ́ni bè nyakungɛngɛ siɛnrɛ Kòridiʔɛ màʔa gè, kire ga buu Yewe funyɛrigbuʔɔ ki fǎga Isirayɛli tògo siɛnnɛ kpúɔn bèle. Leviiyé bèle, peli pe 'yɛli bèri Kòridiʔɛ wéli gè.»

Tɔ́rilɔ 3:32

Eleyazari wè, kacuɔnriwɔ Arawɔn jaa wè, wire wi 'puu Leviiyé kàfɔlilɔ pe mìɛni kàfɔli wè. Wire wi 'puu nɛ siɛnnɛ wéli bèle, bàli pe 'puu nɛ baara saawalidɛngɛgɛ nī gè.

Tɔ́rilɔ 3:8

Pe béri Kpàlidiʔɛ Kpátaʔa ki yakpiʔilide ti mìɛni wéli dè, béri baara Isirayɛli siɛnnɛ mɛ́ bèle bèri Kòridiʔɛ baara kúu dè.

Tɔ́rilɔ 31:30

«Muɔ bé Yewe liɛlɛ kɔ̀n lè míɛni Isirayɛli tògo siɛnsɛnminɛ wori nī dè. Kasuulebile togosiin nɛ́ kpɔrigɔ ó kpɔrigɔ nī bèle, muɔ bé siɛn nigbe kɔ̀n Yewe mɛ́. Yajuuro nī dè, nìɛyɛ yè nɛ́ sèfɛngɛlɛ ní gèle nɛ́ sìnbaara ní dè nɛ́ síkaala ní bèle, ti mìɛni togosiin nɛ́ kpɔrigɔ ó kpɔrigɔ nī wè, muɔ bé yajuʔu nigbe láʔa bè kɛn Yewe mɛ́. Muɔ bé ti kɛn Leviiyé mɛ́ bèle, peli bálì pe Yewe Kòridiʔɛ baara kúu dè.»

Tɔ́rilɔ 8:11

Bà Arawɔn wi bé Leviiyé tìɛ bèle Yewe nɛ̄ wè Isirayɛliyé sìndiʔɛ nī gè. Pe bé puu bɛ̀ yakɔnrɔ tíɛlɛ dàa muɔ yɛ̀gɛ naamɛ Yewe yiʔɛ mɛ́ gè, bà ki bé puu pe bé kò wàlidɛngɛlɛ Yewe mɛ́ wè, bèri wi baara kúu dè.

Tɔ́rilɔ 8:15

Kire kàduʔumɛ gè Leviiyé pe bé pari mi baara kúu dè Kpàlidiʔɛ Kpátaʔa nī gè. «Muɔ bé sí pe cìile bè pe tìɛ Yewe nɛ̄ bɛ̀ yakɔnrɔ tíɛlɛ dàa pe 'yɛ̀gɛ naamɛ gè Yewe yiʔɛ mɛ́ gè,