Tɔ́rilɔ 3:47 - Sénoufo Nyarafolo

⁴⁷ muɔ bé walifiiwe walikpegele kogunɔ suɔ siɛn ó siɛn mɛ́ wi nyùgo lɔri dè, bè yɛli nɛ́ Yewe saawalidɛngɛgɛ ki wali tɔ́rigɛnmɛ ní bè, ŋàa wiī gera kpègele togo gèle.

Tɔ́rilɔ 3:47 Iomraidhean Croise

Yirile 30:13

Siɛn ó siɛn pe 'tɔ́ri wè, kire siɛn wi 'yɛli bè walifiiwe walikpele tílaga kɛn, bè yɛli nɛ́ Yewe saawalidɛngɛgɛ ki wali tɔ́rigɛnmɛ ní bè, ŋàa wi yē gera wi kpègele togo gèle. Wi bé walifiiwe walipile tílaga kɔ̀n gè bè kɛn mi Yewe mɛ́.

Yirile 38:24

Tiɛ ŋáà nyuɔ pe yé tíʔɛ nɛ̀ saawalidɛngɛgɛ baara kúɔ dè, tiɛ ŋáà pe yé yɛ̀gɛ naamɛ nɛ̀ tìɛ Yewe nɛ̄ wè kpuʔɔrɔ wuu wè, wi 'puu culolo sirakogunɔ (1 000) felige. Pe yé wi kíri nɛ̀ taʔa culo nɛ̄ wè nɛ̀ yɛli nɛ́ Yewe saawalidɛngɛgɛ culolo kɛnmɛ ní bè.

Leviiyé 27:25

«Lɔri ó lɔri kacuɔnriwɔ wi bé tìɛ dè, ti bé juu bè yɛli nɛ́ saawalidɛngɛgɛ ki wali tɔ́rigɛnmɛ ní bè, ŋàa wi yē gera kpègele togo gèle, gàli ke bé nyaa walifiiwe walipile nigbe lè.

Leviiyé 27:3

A siɛn wiī yiʔɛlɛ togo nɛ́ yiʔɛlɛ togotaanri sunʔɔmɔ nī bè, a ki yē nàguɔ wī wè, wi lɔri ti bé nyaa walifiiwe walikpegele togosiin nɛ́ kpɔrigɔ, nɛ̀ yɛli nɛ́ saawalidɛngɛgɛ ki wali tɔ́rigɛnmɛ ní bè.

Leviiyé 27:6

A pùɔ wiī yege nigbe nɛ́ yiʔɛlɛ kogunɔ sunʔɔmɔ nī bè, a ki yē nàgabile nī lè, ni lɔri ti bé nyaa walifiiwe walikpegele kogunɔ; a ki sí nyaa pìcapile nī lè, ni lɔri ti bé nyaa walifiiwe walikpegele taanri.

Tɔ́rilɔ 18:16

Nàgabipeligele ke mìɛni gálì ke 'yege nigbe taa gèle, muɔ bé ke fùgu bè suɔ wali nyuɔ gáà ní muɔ bé tìɛ gè, gàa gī walifiiwe walikpegele kogunɔ, bè yɛli nɛ́ Yewe saawalidɛngɛgɛ ki wali tɔ́rigɛnmɛ ní bè, ŋàa wi yē gera kpègele togo gèle.

Tɔ́rilɔ 3:48

Isirayɛliyé jaafɔpelile bálì pe 'niʔɛ nɛ̀ tóri Leviiyé nɛ̄ bèle, ma ki wali sìndiʔɛ kɛn gè Arawɔn nɛ́ wi jaala mɛ́ bèle pe fùgu suɔ lɔri nyuɔ gè.»

Tɔ́rilɔ 3:50

Isirayɛliyé jaafɔpelile bálì bèle, a pe 'wali kɛn wè Misa mɛ́. Wali wi nyuɔ ki 'puu walifiiwe walikpegele sirakɔlini nɛ́ tekataanri nɛ́ kogunɔ (1 365), nɛ̀ yɛli nɛ́ Yewe saawalidɛngɛgɛ ki wali tɔ́rigɛnmɛ ní bè.

Tɔ́rilɔ 7:13

Wire kpuʔɔrɔ tire ti 'puu dàa dè: walifiiwe tasaa nigbe, ŋàa wi lúbugogɛnnɛ ni 'puu culo nigbe nɛ́ tílaga, nɛ́ walifiiwe tasaaduru nigbe, ŋàa wi lúbugogɛnnɛ ni 'puu giraminɛ sirasicɛri (800), nɛ̀ yɛli nɛ́ Yewe saawalidɛngɛgɛ ki culolo tɔ́rigɛnmɛ ní bè. Tasaala bálì pe mìɛni siin cé puu nyìminɛ nɛ́ míifuɔnibɔ ní bàa pe 'nyaʔami nɛ́ sùnmɔ ní bè, yaliire yakɛnrɛ wori dè.