Tɔ́rilɔ 3:15 - Sénoufo Nyarafolo

¹⁵ «Ma Leviiyé tɔ́ri bèle pe tobilo kpáaya nī yè nɛ́ pe nariyɛ nī yè. Muɔ bé Leviiyé pe mìɛni tɔ́ri bàli bīɛlɛ nàguɔlɔ nɛ́ nàgabigele gèle, bàli pe 'liɛ nɛ̀ yege nigbe taa gè nɛ́ kàduʔu gè.»

Tɔ́rilɔ 3:15 Iomraidhean Croise

Tɔ́rilɔ 1:47

Nɛ̀ ki yaʔa piyè cé Levii saʔa tùlugo wuulo tɔ́ri bèle nɛ́ pe níʔ.

Tɔ́rilɔ 26:57

Levii saʔa tùlugo ki yé tɔ́ri nɛ̀ yɛli nɛ́ pe narigboliyo kɛnmɛ ní bè: Gerisɔnyé narigɛ kire yé yiri wi jaa Gerisɔn nī, Keyatiyé narigɛ kire yé yiri wi jaa Keyati nī, a Mɛrariiyé narigɛ kire 'yiri wi jaa Mɛrarii nī.

Tɔ́rilɔ 26:62

Leviiyé nàguɔlɔ nɛ́ nàgabigele gèle pe mìɛni, bàli pe cé liɛ nɛ̀ yege nigbe taa gè nɛ́ kàduʔu gè, peli yé puu siɛnnɛ siramuʔɔyɔ kogunɔ nɛ́ sirakiɛ nɛ́ kogunɔ (23 000). Nɛ̀ ki yaʔa piyè cé Leviiyé tɔ́ri bèle nɛ̀ le baa Isirayɛli siɛnnɛ nī bèleʔ, nɛ́ ki cɛ́n piyè cé yɛli bè dàala taa kɔrigɔ kùlo nī lèʔ bìli sunʔɔmɔ nī bèʔ.

Tɔ́rilɔ 3:16

A Misa sí pe tɔ́ri nɛ̀ yɛli nɛ́ dàa ní Yewe yé juu nɛ̀ gbɛ̀ngɛ dè.

Tɔ́rilɔ 3:22

Tɔ́rilɔ lɛ̀lɛ nī lè, Gerisɔnyé nàguɔlɔ bèle nɛ́ nàgabigele gálì ke cé yege nigbe taa nɛ́ kàduʔu wè, peli yé puu siɛnnɛ siramuʔɔ nɛ́ sirakiɛ nɛ́ kɔlisiin dabataan (7 500).

Tɔ́rilɔ 3:28

Tɔ́rilɔ lɛ̀lɛ nī lè, Keyatiyé nàguɔlɔ bèle nɛ́ nàgabigele gálì ke cé yege nigbe taa nɛ́ kàduʔu wè, peli yé puu siɛnnɛ siramuʔɔyɔ siin nɛ́ siɛnnɛ sirataanri (8 600). Peli pe 'puu nɛ saawalidɛngɛgɛ wéli gè.

Tɔ́rilɔ 3:34

Tɔ́rilɔ lɛ̀lɛ nī lè, Mɛrariiyé nàguɔlɔ bèle nɛ́ nàgabigele gálì ke cé yege nigbe taa nɛ́ kàduʔu wè, peli yé puu siɛnnɛ siramuʔɔ nɛ́ siɛnnɛ sirakiɛ nɛ́ nigbe (6 200).

Tɔ́rilɔ 3:43

Jaafɔpelile bálì pe 'liɛ nɛ̀ yege nigbe taa gè nɛ́ kàduʔu gè, nɛ̀ yɛli nɛ́ pe míɛyɛ sɛbɛgɛnnɛ ní lè, pe mìɛni bìnɛ wi 'puu siɛnnɛ siramuʔɔyɔ kogunɔ nɛ́ sirakiɛ nɛ́ nigbe nɛ́ siɛnnɛ togotaanri nɛ́ kpɔrigɔ nɛ́ taanri (22 273).

Mariki 10:14

Kiì Zezi dɛ́ni wèʔ. A wi 'pe yɛ: «Ye- pìile yaʔa bèle peri báan mi mɛ́, ye fǎri pe cìráʔ; siɛnnɛ bílì kɛnmɛ bī bɛ̀ pe tíɛlɛ bèle, peli wuʔu gī Kulocɛliɛ Kùlofɔligɔ gè.

Timote 2 3:15

Nɛ̀ ki líɛ baa muɔ pìire lɛ̀lɛ nī lè, muɔ 'Kulocɛliɛ siɛnsɛbɛrɛ cɛ́n dè. Ti bé gbɛ̀ sícilige kɛn gàa ki waa suɔlɔ mɛ́ lè a siɛn 'tɛ́ngɛ Zezi Kirisi nɛ̄ wè.