Tɔ́rilɔ 3:13 - Sénoufo Nyarafolo

¹³ Nɛ́ ki cɛ́n, pìpelile bálì bīɛlɛ nàgabigele gèle, pe mìɛni yē mi wuulo. Cɛngɛ gíì mi 'pìpelile kpúu bèle Ezipiti kùlo nī lè, mi yé Isirayɛli pìpelile pe mìɛni wàli nɛ̀ tɛ́ngɛ mi wuulo, siɛnnɛ wuulo bèle nɛ́ yajuuro wuulo ní bèle. Pe mìɛni yē mi wuulo. Mi yē Yewe.»

Tɔ́rilɔ 3:13 Iomraidhean Croise

Yirile 13:12

yeli bé nàgabipeligele ke mìɛni láʔa bè kɛn Yewe mɛ́, nɛ́ yajuuro ti pìpelile ní bèle, dàa dī nàguɔlɔ bèle. Kire pìpelile bálì pe mìɛni yē mi wuulo.

Yirile 13:15

Bà Farawɔn yé cíi nɛ́ jo wiǐ weli yaʔa weli kɛ́ wèʔ, a Yewe 'pìpelile kpúu bèle Ezipiti kùlo nī lè, siɛnnɛ jaafɔpelile bèle nɛ́ yajuuro wuulo ní bèle, kire kɛnmɛ nɛ̄ weli 'kò nɛ yajuuro pìpelile kpúu bèle nɛ Yewe gbùʔɔrɔ́ wè, níɛ weli jaafɔpelile suu bèle nɛ fùgú.›

Yirile 13:2

«Ye- Isirayɛliyé pìpelile pe mìɛni láʔa bèle ye kɛn m'mɛ́. A cɛliwɛ 'pìpeliwe sii wè ŋàa wī nàgabile lè, a yajuʔu míɛni 'pìpeliwe sii wè, wire yē mi wuu.»

Yirile 22:29

Bà muɔ bé ki kpíʔile míɛni nɛ́ muɔ nìɛyɛ ní yè, nɛ́ muɔ sìnbaara ní dè, nɛ́ muɔ síkaala ní bèle. Muɔ bé wi pìpeliwe yaʔa wè wi- kò cɛnyɛ kɔlisiin nɛ́ wi yàa ní wè; cɛnyɛ kataanriwuʔu nɛ̄ gè, muɔ bé wi láʔa bè kɛn mi Kulocɛliɛ mɛ́.

Yirile 34:19

«Jaafɔpelile pe mìɛni yē mi wuulo, nɛ́ yajuuro ti pìpelile bálì bīɛlɛ nàguɔlɔ bèle, a ki yē nùɔ yo, sìnbuɔ yo, síkpuɔ yo.

Leviiyé 27:26

«Nɛ̀ ki yaʔa siɛn wáà fáala sǐ gbɛ̀ jáa bè yajuuro pìpelile wàli bèle bè tɛ́ngɛ Yewe mɛ́ʔ, nɛ́ ki cɛ́n tire pìpelile piyē Yewe wuulo nɛ̀ kúɔ. A ki yē nɛ̀naʔa gè, kire ga laa sìnbapile lè, kire ga laa síkapile lè, tire yē Yewe mɛ́.

Tɔ́rilɔ 18:15

Pìlaʔagɛnminɛ bálì ní Isirayɛli siɛnnɛ pe 'pɛn Yewe mɛ́ wè, a peli 'nyaa lewiiwe nàgabipeligele gèle kire ga laa yajuuro wuulo, pe mìɛni bé puu muɔ wuulo. Nɛ̀ ki yaʔa muɔ 'yɛli bè nàgabipeligele ke mìɛni fùgu bè suɔ, nɛ́ míɛni yajuuro dáà ti 'núʔɔ Yewe yiʔɛ mɛ́ gè, ti pìpelile bèle.

Tɔ́rilɔ 18:6

«Ki sí n'gɛ, mi nyɛ́nì yeli siinyɛninɛ Leviiyé líɛ bèle Isirayɛliyé sunʔɔmɔ nī bè. Pe yē wàlidɛngɛlɛ mi Yewe mɛ́; mi nyɛ́nì pe kɛn yeli mɛ́ peri Kpàlidiʔɛ Kpátaʔa baara kúu dè.

Tɔ́rilɔ 3:41

Muɔ bé Leviiyé líɛ bèle m'mɛ́, Isirayɛliyé pìpelile sìndiʔɛ nī gè. Mi yē Yewe. Muɔ bé Leviiyé yajuuro líɛ dè míɛni Isirayɛli siɛnnɛ yajuuro pìpelile sìndiʔɛ nī gè.»

Tɔ́rilɔ 33:4

nɛ̀ ki yaʔa Ezipiti siɛnnɛ, peli 'puu nɛ pe jaapelile tɔ́ngi bèle, bàli bīɛlɛ Yewe yé kpúɔn a pe 'kùu bèle, nɛ̀ kàyuʔu juu gè Ezipiti kùlo kulocɛlɛlɛ pe mìɛni nɛ̄ bèle.

Luku 2:23

Ki 'nyaa Kàfɔli wi Fànʔa Siɛnrɛ ti 'ki juu nɛ́ jo: Jaafɔpeliwe ó jaafɔpeliwe 'yɛli pe- wi láʔa pe kɛn Kàfɔli mɛ́ wè .

Eburulo 12:23

Yeli nyɛ́nì sìʔɛrɛ nɛ̀ kpɔni Kulocɛliɛ pìpelile gboli nɛ̄ lè, bàli míɛyɛ yī sɛbɛyɛ yè nyìʔɛnɛ nī lè. Yeli nyɛ́nì sìʔɛrɛ nɛ̀ kpɔni Kulocɛliɛ nɛ̄ wè siɛnnɛ pe mìɛni kàyuʔujuufɔli wè, nɛ́ siɛnsinminɛ nɛ̄ bèle bàli pe 'kùu bèle a Kulocɛliɛ 'pe nyuɔ nɛ̀ forigo wè.