Tɔ́rilɔ 3:1 - Sénoufo Nyarafolo

¹ Arawɔn nɛ́ Misa wè, peli pìile tùlugo siɛnrɛ dī dàa dè, lɛ̀lɛ líì nī Yewe juu nɛ́ Misa ní wè Sinayii nyagurugo nɛ̄ gè.

Tɔ́rilɔ 3:1 Iomraidhean Croise

Sélimɛ 10:1

Kàsakpiile tuulo kàduʔumɛ gè, a Nɔwe jaala bèle, Sɛmi, Kami nɛ́ Jafɛti, a pe 'pìile sii. Pe tùlugo kire gī gàa gè:

Sélimɛ 2:4

Nyìʔɛnɛ nɛ́ dàala yige siɛnrɛ tire dī dàa dè, lɛ̀lɛ níì nī Yewe Kulocɛliɛ wi 'dàala nɛ́ nyìʔɛnɛ yige lè.

Sélimɛ 5:1

Adama siimɛ tùlugo siɛnrɛ sɛbɛ wī ŋàa wè: Cɛngɛ gíì Kulocɛliɛ 'siɛn faan wè, a wi 'wi faan bɛ̀ wìi tíɛlɛ,

Yirile 6:16

Levii jaala pe míɛyɛ yire yī nyàa yè nɛ̀ yɛli nɛ́ pe tùluyo ní yè: Gerisɔn, Keyati nɛ́ Mɛrarii. A Levii sìi yiʔɛlɛ ke mìɛni bìnɛ wi 'nyaa yiʔɛlɛ tekɔlini nɛ́ kpɔrigɔ nɛ́ kɔlisiin (137).

Yirile 6:20

A Amirami 'wi tuu cɔni Yokebɛdi líɛ cɛliwɛ, a wi 'Arawɔn nɛ́ Misa sii wi mɛ́. A Amirami sìi yiʔɛlɛ ke mìɛni bìnɛ wi 'nyaa yiʔɛlɛ tekɔlini nɛ́ kpɔrigɔ nɛ́ kɔlisiin (137).

Yirile 6:27

Peli numinɔ pe yé sɛ́nì juu nɛ́ Farawɔn ní wè, Ezipiti kùlofɔli wè, nɛ́ jo wi- Isirayɛli siɛnnɛ yaʔa bèle pe- yiri Ezipiti kùlo nī lè. Peli bīɛlɛ pe 'puu Misa nɛ́ Arawɔn wè.

Leviiyé 25:1

Bè Misa 'yaʔa baa Sinayii nyagurugo nɛ̄ gè, a Yewe 'ki juu wi mɛ́ nɛ́ jo:

Leviiyé 27:34

Kele gálì keli yē tunduro dáà Yewe 'juu nɛ̀ gbɛ̀ngɛ Misa mɛ́ wè, Sinayii nyagurugo nɛ̄ gè, wi- ti juu Isirayɛli siɛnnɛ mɛ́ bèle.

Tɔ́rilɔ 2:34

A Isirayɛli siɛnnɛ pe 'ti sɔ́migɔ nɛ̀ kpíʔile nɛ̀ yɛli nɛ́ dàa ní Yewe cé juu nɛ̀ gbɛ̀ngɛ Misa mɛ́ wè. Pe 'puu nɛ pe bùguro kpúɔn dè pe káfalilɛ láara bèle, níɛ yɛ̀gí nɛ waa taʔalimɛ taʔalimɛ pìye kúrugu nɛ̀ yɛli nɛ́ pe nariyɛ nɛ́ pe tobilo kpáaya kɛnmɛ ní bè.

Matiye 1:1

Sɛbɛ ŋáà wi nyɛ́ni Kulocɛliɛ Siɛnnyiɛnɛgɔnwɔ Zezi tobilo tùlugo wuulo tìí bèle, Zezi wè Dawuda Jaa wè, nɛ ní Birayima Jaa wè, wi siɛnrɛ ti n'dɛ.