7 «Tànʔa yē Selofiyadi pórilo mɛ́ bèle. -Dàala kɛn pe mɛ́ kɔrigɔ pe tuu narigɛ sunʔɔmɔ nī bè; muɔ bé pe tuu liɛlɛ kɛn lè pe mɛ́.
Yeri ŋú Yewe mɛ́ ! Yeri yakpuɔnrɔ kpúɔn dè yeri wi míʔɛ kpóri gè ! Yeri kpuʔɔrɔ tari wi nɛ̄, wire ŋáà wi 'tɛ́ni kàsadibarɛ nɛ̄ dè á tiī fé nɛ́ wi ní wè. Wi míʔɛ kire gī Yewe ! Yeri fundaanra kpínʔini wi yiʔɛ mɛ́ gè !
A Yewe 'ki juu Misa mɛ́ nɛ́ jo:
Kire kàduʔumɛ gè muɔ bé kele gálì tìɛ gèle Isirayɛli siɛnnɛ nɛ̄ bèle: «A nàguɔ wáà 'kùu nɛ̀ ki yaʔa jaafɔli wè wi mɛ́ wèʔ, yeli bé wi kɔrigɔ kɛn gè wi pórilo mɛ́ bèle.
Kire nɛ̄ a Misa sí Yewe tunduro juu dè Isirayɛli siɛnnɛ mɛ́ bèle, nɛ̀ yɛli nɛ́ dàa Yewe 'juu wi mɛ́ dè, nɛ́ pe yɛ: «Kányiʔɛ gī dàa Yusufu saʔa tùlugo siɛnnɛ pe 'juu dè.
Ti n'dɛ dàa Yewe 'juu nɛ̀ gbɛ̀ngɛ Selofiyadi pórilo wori nɛ̄ dè: pe bé gbɛ̀ cepɔrigɔ kpíʔile pe nyɛ́ni nàguɔlɔ mɛ́ bàli pe 'pe dɛ́ni bèle, wi- taa puu nàguɔ wáà ŋàa wi 'kɔ́n pe tuu wi saʔa tùlugo narigɛ káà nī.
Zuufuwo wori ní wè baaʔ, kùlo láà wuu wori míɛni ní wè baaʔ. Nɛ̀ pínɛ sùkulowo ní wè baaʔ, mi yē mìɛmɛ wori míɛni ní wè baaʔ. Nàguɔ wori wè baaʔ, cɛliwɛ wori míɛni wè baaʔ. Ki 'nyaa píra ŋáà nī wè ye mìɛni 'kò nubilo Kirisi Zezi nī wè wī.