Tɔ́rilɔ 26:51 - Sénoufo Nyarafolo

⁵¹ A Isirayɛli nàguɔlɔ bálì pe mìɛni bìnɛ wi 'nyaa siɛnnɛ siramuʔɔyɔ tekɔlisiin nɛ́ kpɔrigɔ nɛ́ sirakataanri nɛ́ siɛnnɛ tekɔlini nɛ́ kpɔrigɔ (601 730).

Tɔ́rilɔ 26:51 Iomraidhean Croise

Ŋúnuyɔ 77:20

Muɔ 'muɔ koligo kɔ̀n gè kuʔɔjii sunʔɔmɔ nī bè, nɛ́ muɔ kobile ní lè laniʔɛyɛ naamɛ yè, nɛ̀ ki yaʔa muɔ yedanyɔgɔlɔ keli sì nyaa nɛ̀ cɛ́nʔ.

Yirile 12:37

A Isirayɛli siɛnnɛ pe 'yiri Aramisɛsi kàʔa nī gè nɛ waa Sukɔti kàʔa kɔli mɛ́ gè. Nàguɔlɔ bálì pe 'puu nɛ tári dàala nɛ̄ lè, pe 'puu siɛnnɛ siramuʔɔyɔ tekɔlisiin nɛ́ kpɔrigɔ (600 000); piyè cé cɛlilɛ nɛ́ pìile tɔ́ri bèleʔ.

Yirile 38:26

A ki 'nyaa nàguɔlɔ pe mìɛni bálì pe yé tɔ́ri á pe 'yiʔɛlɛ togo taa gèle nɛ́ bàli pe 'kàa taʔa gè, peli yé puu siɛnnɛ siramuʔɔyɔ tekɔlisiin nɛ́ kpɔrigɔ nɛ́ sirakiɛ nɛ́ kɔlisiin nɛ́ tekɔlisiin nɛ́ kpɔrigɔ (603 550). A pe mìɛni nigbe nigbe pe 'wali liʔɛlɛ kɛn gèle, a siɛn ó siɛn wuu 'niʔɛ nɛ̀ kò cɛ̀ri bè giraminɛ kogunɔ kúɔ, a wi mìɛni pɛ́nì nyaa Yewe saawalidɛngɛgɛ ki wali tɔ́rigɛnmɛ bè.

Tɔ́rilɔ 1:46

a nàguɔlɔ bálì pe mìɛni bìnɛ wi 'nyaa siɛnnɛ siramuʔɔyɔ tekɔlisiin nɛ́ kpɔrigɔ, sirakiɛ nɛ́ kɔlisiin, nɛ́ siɛnnɛ tekɔlisiin nɛ́ kpɔrigɔ (603 550).

Tɔ́rilɔ 11:21

A Misa sí Yewe yɛ wè: «Siɛnnɛ bálì bīɛlɛ mi táanni bèle níɛ tári nɛ́ mi ní bèle, pe nyuɔ ki yē siɛnnɛ siramuʔɔyɔ tekɔlisiin nɛ́ kpɔrigɔ (600 000). Á muɔ sí jo muɔ bé kaara kɛn pe mɛ́ pe- káa yege sìnbogo nī lè !

Tɔ́rilɔ 2:32

Isirayɛli siɛnnɛ nyuɔ kire gī gàa gè, nɛ̀ yɛli nɛ́ pe tobilo kpáaya ní yè. Bàli pe mìɛni pe 'puu gbuʔulo nī gèle, kapiɛngbuɔn tògo ó tògo nī gè, pe mìɛni bìnɛ wi 'nyaa nàguɔlɔ siramuʔɔyɔ tekɔlisiin nɛ́ kpɔrigɔ, sirakiɛ nɛ́ kɔlisiin, nɛ́ siɛnnɛ tekɔlisiin nɛ́ kpɔrigɔ (603 550).

Tɔ́rilɔ 26:52

A Yewe sí ki juu Misa mɛ́ nɛ́ jo: