Tɔ́rilɔ 26:10 - Sénoufo Nyarafolo

¹⁰ Á dàala ni 'fali nɛ̀ nyuɔ múgu gè nɛ̀ siɛnnɛ bálì júɔ bèle, peli nɛ́ Kore ní wè, cɛngɛ gíì wi gboli ni mìɛni 'kùu a kàsun ki 'yiri nɛ́ pe nàguɔlɔ sórigo bèle, siɛnnɛ sirakeli nɛ́ togosiin nɛ́ kpɔrigɔ (250). Kire siɛnnɛ bálì pe yé puu fìɛ bè ki tìɛ siɛnsɛnminɛ nɛ̄ bèle.

Tɔ́rilɔ 26:10 Iomraidhean Croise

Yirile 16:35

A Isirayɛli siɛnnɛ pe 'mana lìi wè fúɔ nɛ̀ taa yiʔɛlɛ togosiin nɛ̀ sɛ́nì nɔ̀ kùlo nɛ̄ lè baa siɛnnɛ 'puu bèle. Pe yaliire tire ti 'puu mana wè fúɔ nɛ̀ taa a pe sɛ́nì nɔ̀ Kanaa kùlo jíinmɛ nɛ̄ bè.

Tɔ́rilɔ 16:2

a pe 'cíi Misa nɛ̄ wè, nɛ́ siɛnnɛ sirakeli togosiin nɛ́ kpɔrigɔ (250) kɔ́ri nɛ̀ fàri pìye nɛ̄. Peli bálì pe 'puu Isirayɛli tògo kàfɔlilɔ bèle, nɛ́ ní yiɛgininɛ bèle nɛ́ ní míɛkpoliyo ní yè.

Tɔ́rilɔ 17:3

Wi- siɛnnɛ bálì pe tingbopigele líɛ gèle, bàli pe 'kapiile kpíʔile lè nɛ́ ki sàri nɛ́ pe sìi ní wè, wi- sa tingbopigele kpúɔn gèle wi kpɔbi bè gbùʔɔrɔdiʔɛ yafanʔa tɔ́n gè nɛ́ ke ní, nɛ́ ki cɛ́n pe nyɛ́nì yéri nɛ́ ke ní Yewe yiʔɛ mɛ́ gè á ke 'kò wàlidɛngɛgɛlɛ. Ke bé kò fìɛpiiwe Isirayɛli siɛnnɛ mɛ́ bèle.»

Tɔ́rilɔ 27:3

«Weli tuu wi nyɛ́nì kùu waama kùlo nī lè, nɛ̀ ki yaʔa wiì cé puu nɛ́ bàli ní pe yé cíi Yewe nɛ̄ wèʔ, Kore gboli nī lèʔ. Wi nyɛ́nì kùu wi tíimɛ kapiile nɛ̄ wī. Jaafɔli sí wè wi mɛ́ʔ.

Fànʔa Kajuʔulo 11:6

gàa wi 'kpíʔile Datan nɛ́ Abiramiyé nɛ̄ bèle, peli bálì pe 'puu Ɛliyabi jaala bèle, Wurubɛni saʔa tùlugo wuu wè, lɛ̀lɛ líì nī dàala 'ni nyuɔ múgu gè nɛ̀ pe júɔ wè, peli nɛ́ pe nariyɛ ní yè, nɛ́ pe fɛ̀ni saaya ní yè, nɛ́ bàli pe mìɛni pe yé wúɔ nɛ́ pe ní bèle, Isirayɛli siɛnnɛ pe mìɛni sunʔɔmɔ nī bè.

Fànʔa Kajuʔulo 28:46

Ti bé kò fìɛ nɛ́ kakpuʔɔ yeli nɛ̄ nɛ́ yeli siimɛ ní bè, bè puu kasɔminɔ lɛ̀lɛ ó lɛ̀lɛ nī.

Piɛri 2 2:6

Kulocɛliɛ wi 'kàyuʔu juu Sodɔmi nɛ́ Gomɔri kàaya nɛ̄ yè nɛ̀ yi cúʔɔ nɛ̀ yi sórigo nɛ́ kàsun ní a yi 'kò cúnʔɔ, a kire 'kò fìɛ siɛnnɛ mɛ́ bèle bàli piyè 'puu nɛ fìʔɛ́ Kulocɛliɛ nɛ̄ wèʔ, bè ki tìɛ pe nɛ̄ gàa ki bága pe taa wè.

Zudi 1:7

Ye- sɔ̀ngi ye taa nɛ́ Sodɔmi kàʔa nɛ́ Gomɔri kàʔa wuʔu ní gè míɛni, nɛ́ kàaya nyáà yi 'puu yi táanni yè. Yire yē fìɛ bɛ̀ yi siɛnnɛ pe 'wuʔɔgɔ taa gè á Kulocɛliɛ 'pe nyɔ́gɔ bànguɔ kàsun nī gè súuri, pe cúʔɔmɔ fìɛrɛfun kele kɛnmɛ nɛ̄ bè gàli pe 'puu nɛ kpínʔini gèle, gàli kiyè yɛli gèleʔ, nyìʔɛnɛ tundunminɔ bálì tíɛlɛ bèle, bàli pe 'puu nɛ caa bèri sìnɛ́ nɛ́ siɛnnɛ ní, bàli pe wè peli felige gèʔ.