Tɔ́rilɔ 24:9 - Sénoufo Nyarafolo

⁹ Isirayɛli kùlo siɛnnɛ pe 'sínɛ bɛ̀ jàri tíɛlɛ, pe nyɛ́nì sínɛ majo jàricuɔ wī. Ŋáa wi bé fɔ̀li bè pe yɛ̀gɛ ? A ŋìi nɛ diba kpínʔini wè pe mɛ́, kire siɛn wi bé Kulocɛliɛ diba taa wè. A ŋìi sí nɛ dɛ́ngɛ nyu wè nɛ tari pe nɛ̄ wè, kire siɛn míɛni wi bé Kulocɛliɛ dɛ́ngɛ taa wè.»

Tɔ́rilɔ 24:9 Iomraidhean Croise

Sélimɛ 12:3

A siɛnnɛ bílì 'diba kpíʔile wè muɔ mɛ́, mi míɛni bé diba taʔa wè pe nɛ̄. Á siɛn ŋíì 'dɛ́ngɛ taʔa wè muɔ nɛ̄, mi míɛni bè dɛ́ngɛ taʔa wè ki siɛn nɛ̄ wè. M'bé ki yaʔa duniya nariyɛ yi mìɛni béri diba kpínʔini wè siɛnnɛ mɛ́ bèle muɔ kɛnmɛ nɛ̄.»

Sélimɛ 27:29

Siɛnfeliye yiri baara muɔ mɛ́ dí kùlogolo keri tun de cúbulo muɔ yiʔɛ mɛ́ ! Ma puu muɔ siinyɛninɛ pe mìɛni kàfɔli, dí muɔ laayirinyɛninɛ peri tun de cúbulo muɔ yiʔɛ mɛ́ gè. A siɛn ŋíì 'dɛ́ngɛ taʔa muɔ nɛ̄ wè, ki siɛn wi bé dɛ́ngɛ taa míɛni. A siɛn ó siɛn diba 'kpíʔile muɔ mɛ́ wè, ki siɛn wi bé diba taa míɛni.»

Sélimɛ 49:9

ʔaan, Zuda yē bɛ̀ jàriyɛliwɛ tíɛlɛ. Mi jaa, muɔ nyɛ́nì kɛ́ dèzuʔu nɛ̄ nɛ̀ sɛ́nì kpúu; muɔ nyɛ́nì káguro cáan dè nɛ̀ sínɛ bɛ̀ jàri tíɛlɛ, bɛ̀ jàrinuu tíɛlɛ. Ŋáa wi bé gbɛ̀ wi yɛ̀gɛ ?

Ŋúnuyɔ 122:6

Yeri náari Zerizalɛmi yanyige wuʔu nɛ̄ gè, ye‑ jo: «Zerizalɛmi, bàli 'muɔ dɛ́ni bèle, pe‑ puu ŋɔ́daala nɛ̄ !

Ŋúnuyɔ 2:12

Ye‑ káguro cáan Jaafɔli wi yiʔɛ mɛ́ gè, kire ga buu wi fungo ki fǎga yɛ̀ yeli kúruguʔ dí yeli sí kùu koligo nɛ̄ gèʔ. Nɛ́ ki cɛ́n, lɛ̀lɛ ó lɛ̀lɛ nī wi funyɛrigɛ ki nɛ̂ cò bɛ̀ kàsun tíɛlɛ yeli kúrugu. Siɛnnɛ bálì pe sɛ́nì líʔire jó wi láara wè, peli mìɛni wuʔu kiī tànʔa !

Yirile 23:22

A muɔ sí nɛ wi siɛnrɛ lúru dè, níɛ ki kpínʔini dàa mi 'juu dè, m'bé puu muɔ leguulo pe leguu, bèri túngu nɛ́ bìli ní pe béri túngu nɛ́ muɔ ní wè.

Tɔ́rilɔ 22:12

A Kulocɛliɛ sí ki juu Balaami mɛ́ nɛ́ jo: «Fǎga kɛ́ baa nɛ́ pe níʔ ! Muɔ míɛni sì yɛli bè dɛ́ngɛ taʔa wè siɛnnɛ bálì nɛ̄ bèleʔ, nɛ́ ki cɛ́n mi diba yē pe nɛ̄.»

Tɔ́rilɔ 22:6

Te báan, mi nɛ muɔ fiɛn wī, ma pa dɛ́ngɛ taʔa wè siɛnnɛ bálì nɛ̄ bèle, nɛ́ ki cɛ́n pe ŋɔri ti nyɛ́nì niʔɛ mi ŋɔri nɛ̄ dè. A muɔ 'kire kpíʔile gè, dùʔɔ m'bé jáa bè tún nɛ́ siɛnnɛ bálì ní bèle bè pe cìra yige kùlo nī lè. Nɛ́ ki cɛ́n mi nyɛ́nì ki cɛ́n, a muɔ 'diba kpíʔile wè siɛn ŋíì mɛ́, wi nɛ̂ cò; a muɔ sí dɛ́ngɛ taʔa wè, wi míɛni nɛ̂ ki siɛn cò wè.»

Tɔ́rilɔ 23:24

Ki n'gɛ kùlo náà siɛnnɛ piyē bɛ̀ jàricuɔ tíɛlɛ, wi nɛ̂ yɛ̀ nɛ̀ yéri; piyē nɛ yɛ̀gí bɛ̀ jàri tíɛlɛ, wi nɛ̌ sínɛ ka laa wi nɛ̂ wi kaara káa dèʔ, ka laa wi nɛ̂ wi kaaliɛlɛ sìsiɛn gbuɔ gèʔ.»

Tɔ́rilɔ 24:10

A Balaki fungo ki 'yɛ̀ kpuʔɔ Balaami kúrugu wè, a wi 'kadaʔala píɛ gèle, nɛ̀ ki juu Balaami mɛ́ nɛ́ jo: «Mi cé muɔ yeri nɛ́ jo muɔ pa dɛ́ngɛ siɛnrɛ juu ma taʔa mi leguulo nɛ̄ bèle wī. Ki sí n'gɛ, muɔ pɛ́nì kò nɛ diba kpínʔini wè pe mɛ́ fúɔ nɛ̀ taa tɔliyɔ taanri !

Matiye 25:40

«Kùlofɔli wi bé siɛnnugoro kɛn dè pe mɛ́ bé jo: ‹M'bé ki juu yeli mɛ́ kányiʔɛ nɛ̄, dàa ti mìɛni mi 'tìɛ dàa dè, lɛ̀lɛ ó lɛ̀lɛ yeli 'ni làa fáala kpíʔile mi siinyɛninɛ pe wàa cíɛwɛ nɛ̄ wè, mi mɛ́ yeli 'ni kpíʔile.›

Matiye 25:45

«Kire lɛ̀lɛ nī lè, wi bé sí pe yɛ: ‹M'bé ki juu yeli mɛ́ kányiʔɛ nɛ̄, lɛ̀lɛ ó lɛ̀lɛ nī yeli sì kele gálì kpíʔile gèle yìrile bálì pe wàa mɛ́ wèʔ, mi nɛ̄ yeli 'cíi yeli sì ki kpíʔileʔ.›

Kakpiʔiligele 9:5

A Sɔli wi 'wi yúgo: «Kàfɔli, ŋáasiɛn wī ?» A wi 'jo: «Mi wī, Zezi wè, mi muɔ nɛ wuʔɔ wè.

Fànʔa Kajuʔulo 30:7

Yewe muɔ Kulocɛliɛ wi bé dɛ́ngɛ siɛnrɛ dáà ti mìɛni juu bè wáa muɔ leguulo nɛ̄ bèle, bàli 'muɔ biɛn a pe nɛ muɔ wuʔɔ bèle.