Tɔ́rilɔ 24:8 - Sénoufo Nyarafolo

⁸ Kulocɛliɛ wi 'pe yige Ezipiti kùlo nī lè; wi sí yē ŋɔri ní pe mɛ́ bɛ̀ nyàʔanuɔ nyɛgɛlɛ tíɛlɛ. Pe béri siɛnnɛ káa bèle, bàli bīɛlɛ pe leguulo bèle, béri pe kácere kabari dè, béri pe súbulo de fúrugi nɛ́ ŋaaya ní yè.

Tɔ́rilɔ 24:8 Iomraidhean Croise

Ŋúnuyɔ 2:9

Muɔ bé pe kabari nɛ́ fànʔafɔli timɔri kàgbiile ní lè, muɔ bé pe muʔɔrɔ bɛ̀ cuuro kàjɔli tíɛlɛ.› »

Ŋúnuyɔ 21:12

A pe 'sìpiʔi sɔ̀ngi nɛ́ muɔ ní wè, nɛ́ sɛ́nì pìye nyaa nɛ́ kpìlikpili puɔ wè, wiǐ nyuɔ pe nɛ̄ʔ.

Ŋúnuyɔ 45:5

Muɔ kpuɔmɔ ní bè, mari waa yiʔɛ mɛ́ muɔ sunʔɔ nɛ̄ gè, ma fànʔa taa ma cáan ma kányiʔɛ yige gè, nɛ́ funnyige ní gè nɛ́ sínmɛ ní bè, kire ga buu muɔ kàliige kɔli ki de bògaara kakpiʔiligele kpínʔini gèle.

Ŋúnuyɔ 45:6

Kùlofɔli, muɔ ŋaaya yiī juɔyɔ bè kùlogolo kálì siɛnnɛ cáan bèle muɔ láara, a muɔ ŋaaya yi kɛ́nì sìndinyɛ fúrugu yè nɛ̀ nɔ̀ muɔ leguulo pe nàzɔnnɔ nɛ̄ bèle.

Yirile 23:22

A muɔ sí nɛ wi siɛnrɛ lúru dè, níɛ ki kpínʔini dàa mi 'juu dè, m'bé puu muɔ leguulo pe leguu, bèri túngu nɛ́ bìli ní pe béri túngu nɛ́ muɔ ní wè.

Tɔ́rilɔ 14:9

«Gìi sí gī baa gè, kiì yɛli weli cíi Yewe nɛ̄ wèʔ. We fǎga de fìʔɛ́ kùlo náà ni siɛnnɛ nɛ̄ bèleʔ; pe cɛ́ni yē sipiɛlɛ wī weli mɛ́. Weli bé cɛ pe jáa wī. Pe kulocɛlɛlɛ nyúmɔ pi cɛ́nì láʔa pe nɛ̄; gàa sí ki weli kúɔ gè, Yewe yē nɛ́ weli ní. Ye fǎga tí weri fìʔɛ́ pe nɛ̄ʔ.»

Tɔ́rilɔ 21:5

A pe ń'nɛ̀ koli nɛ̀ Kulocɛliɛ nɛ́ Misa sànʔa wè cígini, a pe 'jo: «Gáa nɛ̄ yeli 'weli yige Ezipiti kùlo nī lè ? Kire ga buu weli ní ba kùu náʔa gè waama kùlo nī lé ? Nɛ́ ki cɛ́n yaliire wè náʔa gèʔ, luʔɔ míɛni wè bile we- gbuɔʔ ! Weli tɔ̀ni nɛ̀ kɛ́nì fùrɔ mana yakaara dáà nɛ̄ dè, dàa ti wè yafiɛn dèʔ  !»

Tɔ́rilɔ 23:22

Kulocɛliɛ wire tíimɛ wi nyɛ́nì pe yige Ezipiti kùlo nī lè. Pe ŋɔri tiī bɛ̀ nyàʔanuɔ tíɛlɛ.

Tɔ́rilɔ 23:24

Ki n'gɛ kùlo náà siɛnnɛ piyē bɛ̀ jàricuɔ tíɛlɛ, wi nɛ̂ yɛ̀ nɛ̀ yéri; piyē nɛ yɛ̀gí bɛ̀ jàri tíɛlɛ, wi nɛ̌ sínɛ ka laa wi nɛ̂ wi kaara káa dèʔ, ka laa wi nɛ̂ wi kaaliɛlɛ sìsiɛn gbuɔ gèʔ.»

Matiye 2:15

A pe sɛ́nì kò baa kire tiʔɛ nī gè fúɔ nɛ̀ taa a Erodi wi pɛ́nì kùu. A kire 'kpíʔile siɛnrɛ dáà Kàfɔli Kulocɛliɛ wi cé juu wi siɛnjuuwo nyuɔ nī gè, a ti 'fori nɛ̀ paʔa; wi cé jo: Mi 'mi jaa yeri wè wi ní Ezipiti kùlo mɛ́ .

Fànʔa Kajuʔulo 32:23

M'bé wuʔɔyɔ nìʔɛyɛ yige bè taʔala pe nɛ̄, m'bé mi ŋaaya yi mìɛni ŋɔ bè yi kúɔ pe nɛ̄ !

Fànʔa Kajuʔulo 32:42

Mi ŋaaya yi bé mi leguulo sìsiɛn gbuɔ gè bè tín, mi ŋɔsii wi bé pe céri káa dè kaara. M'bé siɛnnɛ sìsiɛn wo gè, bàli m'bé kpúu bèle, nɛ́ bàli m'bé cò bèle, nɛ́ mi leguulo pe kàfɔlilɔ ní bèle.› »

Fànʔa Kajuʔulo 7:1

A Misa ń'nɛ̀ ki juu nɛ́ jo: «Lɛ̀lɛ líì nī Yewe muɔ Kulocɛliɛ wi bé muɔ nyɔ́gɔ kùlo nī lè nàa nī muɔ bé jíin bè ni líɛ muɔ woli lè, a wi kɛ́nì kùlogolo siɛnfeliye cìra yè nɛ̀ yige muɔ yiʔɛ mɛ́ gè, Etiyé bèle, nɛ́ Girigasiyé bèle, nɛ́ Amɔriyé bèle, nɛ́ Kanaayé bèle, nɛ́ Pereziyé bèle, nɛ́ Eviyé bèle nɛ́ Jebusiyé bèle, kùlogolo kɔlisiin gálì siɛnnɛ pe 'niʔɛ nɛ̀ tóri muɔ nɛ̄ wè, á pe ŋɔri ti 'kpúʔɔ muɔ ŋɔri nɛ̄ dè,