Tɔ́rilɔ 24:5 - Sénoufo Nyarafolo

⁵ ʔé ! Yeli bùguro tiī cɛ̀nrɛ díɛʔ, Yakuba jaala, nɛ́ yeli súɔndiɛyɛ ní yè, ʔé Isirayɛli siɛnnɛ !

Tɔ́rilɔ 24:5 Iomraidhean Croise

Ŋúnuyɔ 84:2

Muɔ Kòridiʔɛ ki 'mi sɔ́migɔ nɛ̀ dɛ́ni ! Muɔ wuʔu gī, Yewe ŋáà wī Nyìʔɛnɛ Kapiɛngbuɔnnɔ Kàfɔli wè !

Yirile 38:21

Lɔri ti niʔɛgɛnmɛ pi m'bɛ, lɔri dáà pe 'líɛ nɛ̀ Kòridiʔɛ faan gè, Kòridiʔɛ gáà nī nyakungɛngɛ siɛnrɛ ti 'puu nɛ kòrí dè. Kire tɔ́rilɔ lire pe yé kpíʔile nɛ̀ yɛli nɛ́ Misa nyasiɛnrɛ ní dè. Leviiyé peli pe yé ti tɔ́ri; Itamari wi 'puu pe yiɛginiwɛ wè. Wire wi 'puu kacuɔnriwɔ Arawɔn jaa wè.

Leviiyé 23:42

Cɛnyɛ kɔlisiin sunʔɔmɔ nī bè, yeli 'yɛli bè kò kpátaapigele nī. Isirayɛli siɛnnɛ pe mìɛni 'yɛli bè kò kpátaapigele nī,

Tɔ́rilɔ 2:34

A Isirayɛli siɛnnɛ pe 'ti sɔ́migɔ nɛ̀ kpíʔile nɛ̀ yɛli nɛ́ dàa ní Yewe cé juu nɛ̀ gbɛ̀ngɛ Misa mɛ́ wè. Pe 'puu nɛ pe bùguro kpúɔn dè pe káfalilɛ láara bèle, níɛ yɛ̀gí nɛ waa taʔalimɛ taʔalimɛ pìye kúrugu nɛ̀ yɛli nɛ́ pe nariyɛ nɛ́ pe tobilo kpáaya kɛnmɛ ní bè.

Tɔ́rilɔ 24:2

A Balaami 'yiʔɛ yɛ̀gɛ gè, a wi 'Isirayɛli siɛnnɛ nyaa bèle a pe 'bùguro kpúɔn dè gbuʔulo gbuʔulo, nɛ̀ yɛli nɛ́ pe saaya tùluyo ní yè. A Kulocɛliɛ Pìle ni 'fali nɛ̀ tìgi wi nɛ̄.

Tɔ́rilɔ 24:4

Wire wi nyɛ́ni Kulocɛliɛ siɛnrɛ lúru dè, níɛ ki nyaʔa gàa Ŋɔri Ti Mìɛni Kulocɛliɛ wè, wi 'tìɛ wi nɛ̄ gè. Wi nɛ̂ tuu dàala nɛ̄ lè nyapigele ní gèle múgugolo:

Tɔ́rilɔ 24:6

Yeli 'yɛ́ligɛ nɛ̀ màʔa majo kápaliyɛ yī, bɛ̀ naaguɔlɔ tíɛlɛ bàli pe 'fáli lakoligo táanni gè, bɛ̀ alowɛsi tiire tíɛlɛ dàa dī natukɔli ní wè, á Yewe 'ti cɔ́ri dè, bɛ̀ sɛdiri tiikpaʔaliyɛ tíɛlɛ nyàa yī cɔ́riyɔ luʔɔdaanni gè.

Fànʔa Kajuʔulo 33:29

Isirayɛli yo, je muɔ yē fundaanra nɛ̄ ! Ŋáa wī bɛ̀ muɔ tíɛlɛ siɛnfelige káà gàa Yewe 'suɔ gè ? Wire wī timɔzigege gè gàa ki muɔ tɔ́ngi gè. Wi míɛni yē kapiɛngbuɔn ŋɔsii nɛ̀ ki kpíʔile a muɔ 'pe jáa. Muɔ leguulo pe bé pɛn bè ba pìye cɛ́rigɛ muɔ yiʔɛ mɛ́, muɔ bé pe tánʔana nɛ́ muɔ tɔliyɔ ní yè pe kàduuyo nɛ̄ yè.»