Tɔ́rilɔ 24:10 - Sénoufo Nyarafolo

¹⁰ A Balaki fungo ki 'yɛ̀ kpuʔɔ Balaami kúrugu wè, a wi 'kadaʔala píɛ gèle, nɛ̀ ki juu Balaami mɛ́ nɛ́ jo: «Mi cé muɔ yeri nɛ́ jo muɔ pa dɛ́ngɛ siɛnrɛ juu ma taʔa mi leguulo nɛ̄ bèle wī. Ki sí n'gɛ, muɔ pɛ́nì kò nɛ diba kpínʔini wè pe mɛ́ fúɔ nɛ̀ taa tɔliyɔ taanri !

Tɔ́rilɔ 24:10 Iomraidhean Croise

Tɔ́rilɔ 22:11

‹Ki n'gɛ, siɛnniʔɛmɛ nyɛ́nì yiri Ezipiti kùlo nī lè, bàli pe 'dàala ni mìɛni tɔ́n lè. Te báan, ma pa pe dɛ́ngɛ mi kɛn, kire ga buu m'bé jáa bè tún nɛ́ pe ní, bé pe cìra.› »

Tɔ́rilɔ 22:17

Nɛ́ ki cɛ́n m'bé pa kpuʔɔrɔ kɛn muɔ mɛ́ nìʔɛrɛ, bé míɛni ki kpíʔile gàa ki mìɛni muɔ bé juu m'mɛ́ gè. Te báan sî, ma pa pe dɛ́ngɛ mi kɛn.› »

Tɔ́rilɔ 22:6

Te báan, mi nɛ muɔ fiɛn wī, ma pa dɛ́ngɛ taʔa wè siɛnnɛ bálì nɛ̄ bèle, nɛ́ ki cɛ́n pe ŋɔri ti nyɛ́nì niʔɛ mi ŋɔri nɛ̄ dè. A muɔ 'kire kpíʔile gè, dùʔɔ m'bé jáa bè tún nɛ́ siɛnnɛ bálì ní bèle bè pe cìra yige kùlo nī lè. Nɛ́ ki cɛ́n mi nyɛ́nì ki cɛ́n, a muɔ 'diba kpíʔile wè siɛn ŋíì mɛ́, wi nɛ̂ cò; a muɔ sí dɛ́ngɛ taʔa wè, wi míɛni nɛ̂ ki siɛn cò wè.»

Tɔ́rilɔ 23:11

A Balaki wi sí ki juu Balaami mɛ́ wè nɛ́ jo: «Gáa ma kpínʔini mi nɛ̄ mmɛ gè ? Mi 'muɔ kɔ́ri nɛ̀ pɛn ma pa dɛ́ngɛ juu wè ma wáa mi leguulo nɛ̄ bèle o, á mi ń'nɛ̀ pɛ́nì ki nyaa muɔ nɛ diba kpínʔini wè pe mɛ́ !»

Tɔ́rilɔ 24:11

Kire nɛ̄, píra ŋáà nī wè, te fé mari waa muɔ tiʔɛ mɛ́ gè ! Mi yé jo m'bé kpuʔɔrɔ kɛn muɔ mɛ́; Yewe sí nyɛ́nì cíi nɛ̀ jo muɔ fǎga ti taaʔ !»

Tɔ́rilɔ 24:9

Isirayɛli kùlo siɛnnɛ pe 'sínɛ bɛ̀ jàri tíɛlɛ, pe nyɛ́nì sínɛ majo jàricuɔ wī. Ŋáa wi bé fɔ̀li bè pe yɛ̀gɛ ? A ŋìi nɛ diba kpínʔini wè pe mɛ́, kire siɛn wi bé Kulocɛliɛ diba taa wè. A ŋìi sí nɛ dɛ́ngɛ nyu wè nɛ tari pe nɛ̄ wè, kire siɛn míɛni wi bé Kulocɛliɛ dɛ́ngɛ taa wè.»

Kakpiʔiligele 11:10

A ki kanunɔ ni 'kpíʔile nɛ̀ taa tɔliyɔ taanri. Kire kàduʔumɛ gè a yɛrɛ dáà ti mìɛni ti 'koli nɛ̀ yɛ̀ nɛ̀ kɛ́ nyìʔɛnɛ nī lè.

Fànʔa Kajuʔulo 23:6

Nɛ̀ sí ki yaʔa Yewe muɔ Kulocɛliɛ wiì fɔ̀li nɛ̀ Balaami siɛnrɛ lúʔu dèʔ, a wi cɛ́nì dɛ́ngɛ yiʔɛ wè a wi 'kò diba. Nɛ́ ki cɛ́n muɔ Isirayɛli wè, muɔ nyɛ́nì Yewe muɔ Kulocɛliɛ dɛ́ni wè.