Tɔ́rilɔ 24:1 - Sénoufo Nyarafolo

¹ Bà Balaami 'ki nyaa ki cé Yewe dɛ́ni bè diba taʔa wè Isirayɛli siɛnnɛ nɛ̄ bèle, wiì ń'nɛ̀ koli baa cígini, bàa kele nyaa bè juu kɛnmɛ bíì nɛ̄ wi yé dàli nɛ ki kpínʔini gèʔ. A wi sí yiʔɛ nɛ̀ yiʔɛ wáa gè waama kùlo kɔli mɛ́ gè.

Tɔ́rilɔ 24:1 Iomraidhean Croise

Tɔ́rilɔ 22:13

Bà Balaami 'yɛ̀ sínbinimɛ táanni bè, a wi 'ki juu Balaki tundungbolilo bálì mɛ́ bèle nɛ́ jo: «Ye- koli yeri waa yeli kùlo mɛ́ lè, nɛ́ ki cɛ́n Yewe sì yéri ki nɛ̄ mi de waa nɛ́ yeli níʔ.»

Tɔ́rilɔ 22:7

Mowabi nàgaliɛlɛ nɛ́ Madiyan nàgaliɛlɛ ní bèle, a Balaki 'pe tun nɛ́ kanyaawa kpuʔɔrɔ ní dè. A pe sɛ́nì Balaki tunduro juu dè Balaami mɛ́ wè.

Tɔ́rilɔ 23:15

A Balaami 'ki juu Balaki mɛ́ wè nɛ́ jo: «Te báan ma pa yéri kakuɔrɔ kaasuʔuro tiʔɛ gáà nī gè, dí mi sí kɛ́ bàa Yewe kpàli wè.»

Tɔ́rilɔ 23:20

Ki n'gɛ mi nyɛ́nì wi diba siɛnrɛ taa dè bè juu yeli mɛ́. Wi nyɛ́nì diba taʔa wè; mi sǐ gbɛ̀ wi láʔaʔ.

Tɔ́rilɔ 23:23

Nɛ́ ki cɛ́n dɛ́ngɛ wè Yakuba nɛ̄ʔ. Kanyaajuulo sìpiile míɛni wè Isirayɛli nɛ̄ wèʔ. Píra ŋáà nī wè, gàa ki bé gbɛ̀ juu Yakuba wuʔu gè nɛ́ Isirayɛli wuʔu gè: ‹Ye- ki wéli gàa Kulocɛliɛ 'kpíʔile gè !›

Tɔ́rilɔ 23:28

A Balaki wi ń'nɛ̀ Balaami kɔ́ri wè nɛ̀ kɛ́ Peyɔri nyagurugo naamɛ gè. Kire tiʔɛ nī gè siɛn cî gbɛ̀ waama kùlo ni mìɛni wéli bè nyaa.

Tɔ́rilɔ 23:3

A Balaami 'ki juu Balaki mɛ́ wè nɛ́ jo: «Sa yéri muɔ kakuɔrɔ kaasuʔuro tiʔɛ táanni gè. Mi wè, m'bé sìʔɛrɛ cɛ̀ri. Dùʔɔ Yewe bé pɛn bè pa mi kpàli. Siɛnrɛ dáà wi bé juu m'mɛ́ dè, a ti yē kɛnmɛ ó kɛnmɛ nɛ̄, m'bé ti juu bè tìɛ muɔ nɛ̄.» A wi 'kɛ́ nɛ̀ sɛ́nì tánʔa nyagurugo káà nɛ̄, gàa gī sédali wuʔu gèʔ.

Tɔ́rilɔ 23:30

A Balaki 'ki kpíʔile gàa Balaami yé juu gè. A wi 'ti kɔ̀n kakuɔrɔ kaasuʔuro, nɛ́ nɛ̀piʔɛlɛ kɔlisiin nɛ́ sìnbapɛnyɛ kɔlisiin kpúu yè nɛ̀ taʔa gbùʔɔrɔdiɛyɛ yi mìɛni nigbe nigbe nɛ̄.

Tɔ́rilɔ 31:16

Ye- ki wéli, peli bɛ̀ʔ lé pe 'taʔa Balaami siɛnrɛ nɛ̄ dè nɛ̀ Isirayɛli siɛnnɛ fáanni bèle nɛ̀ nyɔ́gɔ á pe 'kolimɔ baara dáà kúɔ dè Yewe nɛ̄ wè, Peyɔri kele wuʔu nɛ̄ gè, fúɔ a wuʔɔgbuʔɔ pɛ́nì tuu Yewe gboli nɛ̄ lèʔ  ?

Tìɛlɛ 2:14

«Tiʔɛlɛ kálì sí yē náʔa, fúɔ mi 'yɛli bè ke juu muɔ nɛ̄: ki 'nyaa baa muɔ tiʔɛ nī gè, pàli yē baa, pe 'Balaami tɛnmɛnɛ cò lè nɛ tári ni nɛ̄, bà wi cé juu nɛ̀ le Balaki nī wè nɛ́ wi yɛ wi- pɛnnɛ cáan Isirayɛli pìile yiʔɛ mɛ́ gè, nɛ́ pe kɛn a pe 'yasunro kaara káa dè nɛ́ kanuʔɔrɔ kele kpíʔile gèle.