Tɔ́rilɔ 23:9 - Sénoufo Nyarafolo

⁹ Bè mi yaʔa kàdɛnigbaʔala nyùyɔ nɛ̄ yè, nɛ́ nyaguruyɛliyɛ naamɛ gè, mi nɛ pe wéli. M'bɛlɛ piyē siɛnfelige káà gàa ki 'wàli nɛ̀ tɛ́ni kiiyɛ gè. Pe wè nɛ pìye wéli numinɔ nɛ́ siɛnsɛnminɛ ní bèleʔ.

Tɔ́rilɔ 23:9 Iomraidhean Croise

Yirile 33:16

Mɛni siɛnsɛnminɛ bílì pe bága ki cɛ́n mi nyɛ́nì kpuʔɔrɔ taa muɔ yiʔɛ mɛ́ gè, mi nɛ́ muɔ siɛnnɛ ní bèle ? A ki 'nyaa muɔ tíimɛ yē nɛ tári nɛ́ weli ní wè, kire ga buu ki- puu fìɛ mi nɛ́ muɔ siɛnnɛ ní bèle, siɛnsɛnminɛ pé sí ki cɛ́n muɔ wàlimɛ kpíʔile weli nɛ́ siɛnsɛnminɛ sunʔɔmɔ nī bè dàala nɛ̄ lè ?»

Korɛntiyé 2 6:17

Kire nɛ̄ Kàfɔli wi 'jo: Ye- yiri pe sunʔɔmɔ nī bè ! Ye- láʔa pe nɛ̄. Ye fǎga cò fuɔnrɔ nɛ̄ dèʔ, bɛ̀ m'bé fɔ̀li yeli nɛ̄ .

Fànʔa Kajuʔulo 32:8

Kulocɛliɛ ŋáà wī Duniya wi Mìɛni Nyùgo nɛ̄ gè, bà wi 'kɔrigɔ kɛn gè kùlogolo mɛ́ gèle, bà wi lewiile cɛrigɛ bèle dàala nɛ̄ lè, a wi 'siɛnfeliye yi mìɛni láʔagɛlɛ tìɛ gèle, nɛ̀ yɛli nɛ́ Isirayɛli pìile niʔɛgɛnmɛ ní bè.

Fànʔa Kajuʔulo 33:28

Bà Isirayɛli bé kò yanyige nɛ̄, Yakuba pìile pe bé kò ŋɔ́daala nɛ̄, kùlo nī lè nàa nī yaliire woli lè nɛ́ ní ɛrɛzɛn luʔɔ woli lè, baa nyìʔɛnɛ ni kámɛgɛ kiī nɛ sɔli nɛ tíri gè.

Tiiti 2:14

Wi 'wìi kɛn wire tíimɛ wè weli kɛnmɛ nɛ̄ bè bè weli suɔ kolimɔ pi mìɛni mɛ́, bè weli cìile kire ga buu weli- kò wi tíimɛ siɛnfelige bèri ŋàʔaná de kacɛ̀ngɛlɛ kpínʔini gèle.

Piɛri 1 2:9

Nɛ̀ ki yaʔa yeli bèle, yeli yē siɛnfelige gáà Kulocɛliɛ wi 'nyíɛnɛ nɛ̀ kɔ̀n gè, nɛ́ ní Kùlofɔli wi kacuɔnrilɔ bèle, nɛ́ ní kùlo láà wuulo wàlidɛngɛlɛ wi mɛ́, nɛ́ ní Kulocɛliɛ wi wuulo. Wi 'yeli yeri nɛ̀ yige yebilige nī gè ye- puu kpìɛnmɛ nī bè bàa pi 'nyuɔ nɛ̀ tóri bè, kire ga buu yeli de wi kakpoliyo nyu yè.