Tɔ́rilɔ 23:4 - Sénoufo Nyarafolo

⁴ A Kulocɛliɛ sí wìi tìɛ Balaami nɛ̄, a Balaami sí ki juu wi mɛ́ nɛ́ jo: «Mi nyɛ́nì gbùʔɔrɔdiɛyɛ kɔlisiin faan nɛ̀ yérige, nɛ́ sí nɛ̀piʔɛlɛ kɔlisiin nɛ́ sìnbapɛnyɛ kɔlisiin kpúu yi mìɛni nigbe nigbe nɛ̄ yè.»

Tɔ́rilɔ 23:4 Iomraidhean Croise

Tɔ́rilɔ 22:20

Pìlige nī gè, a Kulocɛliɛ pɛ́nì juu Balaami ní nɛ́ jo: «A ki sí nyaa siɛnnɛ bálì pe 'pɛn bè pa muɔ kɔ́ri bèle o, ma yɛ̀ mari waa nɛ́ pe ní kìɛ ! Gàa sí gī baa gè, muɔ bé sa ki kpíʔile wī gàa yákuɔ m'bé juu muɔ mɛ́ gè.»

Tɔ́rilɔ 22:9

A Kulocɛliɛ pɛ́nì Balaami yúgo nɛ́ jo: «Báli bīɛlɛ bàli bèle nɛ́ muɔ ní wè ?»

Tɔ́rilɔ 23:1

A Balaami 'ki juu Balaki mɛ́ nɛ́ jo: «-Gbùʔɔrɔdiɛyɛ yáà kɔlisiin faan náʔa gè, ma sí nɛ̀piʔɛlɛ kɔlisiin caa, nɛ́ sìnbapɛnyɛ kɔlisiin ní.»

Tɔ́rilɔ 23:16

A Yewe sɛ́nì Balaami kpàli wè, nɛ́ siɛnrɛ nyɔ́gɔ dè wi nyuɔ nī gè nɛ́ jo: «Te waa Balaki kúrugu wè, ma sa ki juu wi mɛ́ dàa mi 'juu muɔ mɛ́ dè.»

Tɔ́rilɔ 23:3

A Balaami 'ki juu Balaki mɛ́ wè nɛ́ jo: «Sa yéri muɔ kakuɔrɔ kaasuʔuro tiʔɛ táanni gè. Mi wè, m'bé sìʔɛrɛ cɛ̀ri. Dùʔɔ Yewe bé pɛn bè pa mi kpàli. Siɛnrɛ dáà wi bé juu m'mɛ́ dè, a ti yē kɛnmɛ ó kɛnmɛ nɛ̄, m'bé ti juu bè tìɛ muɔ nɛ̄.» A wi 'kɛ́ nɛ̀ sɛ́nì tánʔa nyagurugo káà nɛ̄, gàa gī sédali wuʔu gèʔ.

Tɔ́rilɔ 23:5

A Yewe sí siɛnrɛ nyɔ́gɔ dè Balaami nyuɔ nī gè, dàa wi 'yɛli bè juu dè, nɛ́ wi yɛ: «Koli mari waa Balaki kúrugu wè, ma sa ki juu wi mɛ́.»

Matiye 20:12

nɛ́ jo: ‹Bàli pe 'kɛ́ kàduʔumɛ gè bàli bèle, peli sɛ́nì baara lɛ̀lɛ cɛ̀ri wè, á muɔ pɛ́nì pe wúɔ nɛ̀ yɛligɛ nɛ́ weli ní lé, weli bálì we 'fùrɔ cɛnguɔmɔ bè, cɛngbaan láara wè !›

Luku 18:12

Mi nɛ sún nii wè tɔliyɔ siin cégboli nī lè, níɛ mi kɔliyɛrɛ ti mìɛni kiɛkiɛwuʔulo kanʔa gèle.›

Zezi Kirisi Kataanna Siɛnrɛ dè Zan juumɔ nɛ̄ bè 16:2

Pe bága yeli cìra bè yige tɛnmɛzaaya nī yè. Lɛ̀lɛ láà bága cɛ nɔ̀, a siɛn 'yeli kpúu wè, siɛn wi bé ki 'nyaa bè jo dùʔɔ wire nyɛ́nì kpuʔɔrɔ taʔa Kulocɛliɛ nɛ̄ wī.

Wurɔmiyé 3:27

Siɛn nàgbuʔɔrɔ tiʔɛ kire sí yē gíi ? Yafiɛn ! Nɛ̀ síɛ mɛni ? Ki 'nyaa Fànʔa Siɛnrɛ kodanʔara tire bɛ̀ʔ ti nyɛ́ni tɔ́riʔ. Fúɔ macɛn tɛ́ngɛlɛ lire yákuɔ.

Efɛziyé 2:9

Kakpiʔiligele bɛ̀ʔ ke 'pɛn nɛ́ kire níʔ, gìi ki bé tí siɛn fǎri wìi nyíɛnɛʔ.